[poem=font="Simplified Arabic,6,crimson,bold,italic" bkcolor="silver" bkimage="" border="none,8,gray" type=2 line=0 align=center use=ex num="0,black"]
طعت الزمن في كل شي وعصاني=ولا مشى معي على كل الاحوال
احلام وتنازلت عنها واماني =واسراب طارت من طموحات وآمال
اعطوني اي انسان مثلي يعاني=ويصوغ من همه طروقٍ وموّال
وحدي قدرت آحوّل الهم اغاني=وجروح احس بها ولا القي لها بال
لوان منهم واحدٍ في مكاني=يموت مستسلم لهمٍ وغربال
الصبر له ياصاحبه وجه ثاني=ماينكشف لعيونك إلا اذا طال
واللي تمنى ثروة البهبهاني=طماع ياخي لو قنع عاش بريال
واللي يقول المال يعطي معاني=صحيح لكن تغلبه بعض الافعال
ابسألك تعرف فلان الفلاني=فقير بس الفقر صانعه رجّال
لاشي لولا اخلاقه المودماني=مافيه حتى روح صوره وتمثال
والما هو الما نشربه في صياني=وإلا في اكواب الذهب والكريستال
واللي لقيته صدفه او هو لقاني=وقلت كيفك0 قال انا طيّب الحال
خلاص 0 يكفي 0 كله العلم جاني=والباقيه ماهي مهمه 0 خسر 0 نال[/poem]