[poem=font="Simplified Arabic,6,darkblue,bold,italic" bkcolor="silver" bkimage="" border="none,4,gray" type=2 line=0 align=center use=ex num="0,black"]
على تايلند الوجهه او لندن او باريس=انا خابر انك كل عام المصيف هناك
وانا خابر ان هناك ليلى تحرى قيس=ولاهي بليلى ذيك وابن الملوح ذاك
مواثيق ومصادق عليها من القسّيس=ويابختها ليلى ويابختك بليلاك
وانا الله يروف بحالي انا والاخ منيس=نفكر نروح ابها والاوضاع ماتخفاك
يبي للمصيف هناك جيب ملان وكيس=وانا ما احمل إلا رخصتي فيه والمسواك
وذي حالة اللي عندهم عيب ذبح التيس=ولضيوفها ما تذبح إلا الطلي نفداك
وقدّام كم يوم اكتتبنا في الادريس=وطارت مع الابواب واللي من الشباك
وانا مامعي شيطان لو الغنى بلقيس=اجيبه هنا وآقول كم لي وانا اتمناك
نهوّن على الاقلّ من جرح الاحاسيس=وحنا نراها في يد اللاش والنماك
صحيح انها مخطوبة الهيس وابن الهيس=ويابو شنب لاتتعب 0 البنت ماتبغاك
اخاف انها تشرط عليك ان صحا رمسيس=وهو مستحيل يقوم وإلا انها تهواك[/poem]