[poem=font="simplified arabic,6,darkblue,bold,italic" bkcolor="transparent" bkimage="backgrounds/11.gif" border="double,5,gray" type=2 line=1 align=center use=ex num="0,black""]
لا تنطقين اسمي كذا يالغلا حاف=قولي ياقلبي ياحبيبي يادحوم
والا ياروحي يابعد كل الاطياف=والا ياعيني والا ياسيّد القوم
خليني احس انني بدر الاوصاف=واني انا في كوم والناس في كوم
جيتي بوقتك وابتدت قصة القاف=مع الغريق اللي نسي فكرة العوم
جيتي بميزان العداله والانصاف=لانصاف شخص (ن) عاش الايام مظلوم
عانا الكثير وعاش في ذل واجحاف=حتى حياته صارت احزان وهموم
لكن فرجها الله عقب لافه اللاف=واصبح دخيلك واصبح الظلم معدوم
انتي بشارة من سفى وجهه الساف=وانتي ملاذ العين للشوف والنوم
ما كانك الا من سلاطين الاشراف=في طلتك هيبه وفي عينك سهوم
اذا مشيتي صار في الارض مرجاف=واذا وقفتي صارت علوم وعلوم
اللي ما شافك يعتبر ما بعد شاف=مثل الكفيف اللي من الشوف محروم
انا دخيلك لاتنادي علي حاف=قولي ياقلبي ياحبيبي يادحوم
[/poem]

اتت بوقتها وانت جيت في وقتك

ابا سامي لك من السمو بمفردة الشعر نصيب الاسد

ما بقيت للشباب شئ بارك الله فيك

تحياتي واعجابي وودي ولا عدمناك

باتخيل نسوانا وهم يقولون دحووم وعبووود

وهم كنهم محمد شيراز أمفغاني




كويس اذا ما غلطن وقالن ( دخوووم )




لكن تدري والله لو قلبك لي إني ادقوه تحت حيروا

الأستاذ : عبدالرحمن بن ناصر .. شاعـريملك أسلوب خاص
في صياغة القصيدة , وتأتي القصيدة بجسد واحد ونفس واحد
وكأنها كائن حي يتنفس ويتحرك .
قصيدة شاعـرية مفعمة بالجلبة الحانية , والبوح بصوت عاااالي
والصمت الذي أسمع حجر الأرض ..

صح لسانك شاعــــــرنا المميز والمتميز ..

شاعر الأحاسيس ابو سامي
صدقني حتى والدي الشايب أطال الله في عمره لما قريت عليه القصيدة أهتز طرباً

أنت شاعر كل الأجيال ..