[B][CENTER][SIZE="5"][COLOR="Black"]

يااااااااااا الله





/
\
/
ـــــــــــ

يالله عليك /المغفره/ والمثوبه
.............................. .....والعفو/ والاحسان/ والبر/والخير

يامهونً جور الزمان /وكروبه
.............................. ..........يامقدر الارزاق/ للخلق تقدير

الارض ماتطوى/ بليا ركوبه
.............................. ........وانا زهابي/ في ظهور المغاتير

ارحل واحل /وخاطري مايشوبه
.............................. .....الا الغراب اللي تفرعن على الطير

ينقع سواده في محابر ذنوبه
.............................. ..........ويكمم افواه /الصغار العصافير

زانت له الدنيا /وخليّت دروبه
.............................. .......والحُر الاشقر /قرنسوه الصقاقير

حالً يذكرني بحال العروبه
.............................. ..........اللي اختلف فيها جميع المعايير

راحت مراجلها القديمه/ لعوبه
.............................. ........الطار /والمزمار/ والعود/ والزير

مقدامهم ماعاد يذكر حروبه
.............................. ...اصبح على غير الهدى/ يعكس السير

اعمى /ويتعثر على حرف طوبه
.............................. .............ولاعاد يقدر/ للرهاف البواتير

البارحه والشعر /هبت هبوبه
.............................. ........عجت وثارت لين صارت معاصير

اقبلت بالاحساس /والفكر صوبه
.............................. ............وشديت له صوتي/ بليا مزامير

عانقت وجه الشمس/ لحظة غروبه
.............................. ............ولونت من لونه/ شفاه النوافير

نسجت من واقع خياله عذوبه
.............................. .........والغول./. والعنقا./.مجرد اساطير

واستوحشت روحي الزمان وعيوبه
.............................. .............وغنيت/ ياقلب المعنى/ مقادير

وريد قلبي/ مابقي به رطوبه
...................... .............وانفاس صدري / قطعتها المشاوير

من يوصل العليا بليا صعوبه
.............................. .........مايرتفع لو صار ضمن المشاهير

تعاف نفس الحُر/ميلة جنوبه
.............................. ...........وتمل من بعض الثياب الأزارير

لولا فضاءات/ الاماني الرحوبه
.............................. ....صاح الخشب / من جور دق المسامير

من حكمة الوقت القديم/ وضروبه
.............................. ............ياكم قرينا في/ صحيح التفاسير

اخوان يوسف /من جفاهم نووا به
.............................. ........واطيبهم /اللي قال !! !حطوه بالبير

ويعقوب جاه النور مع ريح ثوبه
.............................. ..هات البشـــــاير/ يـــازبون التبـــــاشير

العمر فاني ./.والسنين محسوبه
.............................. .....واقــــدارنا / ماتنثني / للمحــــــــاذير

والادمي مابين زله /وتوبه
.............................. ......يقضي زمـــــــانه/ والليـــالي مغاوير

احيان يسبقه المطرفي دروبه
.............................. ........واحيان دلو البير/ مايوصـــل البير

والله لو ان الموت/ اقسى عقوبه
.............................. ..ماطــــالت الطـــرقه/ براعي المســـايير

وانا ضميري/ لو يحسب ذنوبه
.............................. .......لقيت غير الدمـــع / للحــــال تعبير

لكن طموحي بالرضا والمثوبه
.............................. .....من ربي / اللي صور الخلق / تصوير

ويالله ياللي نرفع الكف صوبه
.............................. ..... تحسن خواتمنا / بحسن التـدابيـــر
ــــــــــــــــــــــــــــــ ـ

وهذا يوتيوب القصيدة :

[youtube]http://www.youtube.com/watch?v=X-LEk3C7Ewk[/youtube]
/
/
/
/
ــــــــــــــــ


وتقبلوا تحيتي