[poem=font="simplified arabic,6,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يابجاد البعد مضني والزمن عيا يبــــــــــش=والعواذل واختلاف الامزجة والنبشــــــــــة
والهيام وغفلة العذري وبيعات الدبـــــــــش=وانشغال القلب والهاجوس قام ينشنشــــــه
واحتيار الفكر اذا منه تعيا وارتبــــــــــــــش=ليت ما ظنيت !كيف تهجده وتنعنشـــــــــــه؟
علة الضامي وجر الصوت والهاوي عطش=ماتروّيه العدود الزاخرة وتنعنشــــــــــــــــه
التهاب العين من لوع المعنى والغبــــــــش=واحتباس الدمع في جفن العنا ومغبشـــــــه
واختلاف العرق واللهجة شغلني وانتهـــش=ما بقى مني سلامى الا هوى به ينهشـــــــه
والحبيب اللي هويته من قبل مدة وخـــــــش=لي سنين ارقب وصاله واترجى مطرشــــه
شفته بحسن النواعس والكواحل والرمــش=صوبتني نعسته والحوريات المرمشـــــــــة
شفت انا وجه ن كنور البدرعداه الغشـــــش=ماترى فيه المصابغ والحيل والغشغشـــــة
شبه خوط الخيزران اذا تمايل وانفــــــــرش=الخزامى والنفل وازكى المنابت مفرشـــــه
التحف ناعم حرير ن وااحنانه منتفــــــــــش=وسيف هند ن بين ذيك الحوريات المدهشة
مبسم ن سواه ربي من نظر فيه اندهـــــــش=ما تقول الا ضمير الورد لا اعياه اعطشــه
وابتسامة لطف من ثغر الهنا طازج فــــرش=صنع ربي جل من زانه بذيك البشبشــــــــة
ليّن المنبت طري ن ما تشوك وانتقــــــــــش=دافي النسمات مياس القدود الموبشــــــــة
راوي ن طيلة حياته ما تغربل وانخـــــــــدش=مالعب فيه الضنى والمرمطة والدردشـــة
مقدم ن فيه التواري والمواري والشلــــــش=دوبها قبضة يديني بالحزام تكلبشــــــــــــه
ان تقابلته يروي ناظريني وانتعـــــــــــــــــش=وان تولى ظلت الدنيا تشوش ومبلشـــــــة
يوم يتبختر ويختال اسبرنق ن يرتعـــــــــــش=وان ترزز قلت ظبي ن في ملاوي مندشــة
يشبه الطاووس اذا منه تبشبش وانتفـــــــش=واحتجا حناش ن يشب الشظى بمحدشـــــه
لا كلامه عربي ولا هروجه بانقلـــــــــــــــش=لاهو الباني ولا تركي ولا سربنتشـــــــــــه
لا ولا امريكي ولا الماني ولا شكله فرنــــش=لاديار الفرس بدياره ولا مرراكشــــــــــــة
عاش بديار ن شيوعية من المسلم تكــــــش=يحقدون عليه ويحلون سلبه ودبشــــــــــه
غير في ظل الهدى مازاغ عنه ولا انــــدوش=الله اعطاه القران وكرمه ما همشــــــــــه
حين يتلو معجز التنزيل وآيات ن تبـــــــــــش=يخشع القلب الغليض الفظ ويهل اجهشــه
فيه كل الحسن فيه الدين فيه الــــــــــود وش=اجتمع نور ن على نور وروح ن منعشـة
الله اعلم يابجاد ان كان لي حظ ن يـــــــــدش=واتلوى في حماه يعيشني واعوشـــــــــــه
ذاك مطلوبي وخلي بعد فينا مبتلــــــــــــــــش=نحسب الايام وتمر الليالي مدوشــــــــــــة
ما بي الا لايضيع الوقت واحلامي فنـــــــــش=وينتهي المشوار وتسير الوعود مكوشــة

[/poem]
[/frame]

تحياتي للجميع
ارجو التكرم بتنسيق الابيات اللي فاضي وشكرا