هذا النص له قصه لي صديق في دولة الامارات العربيه من ابوظبي

وكنت اقنص انا وياه وبعض الاخوان للربع الخالي والجزائر والعراق


وانقطع عني فترة طويله والح على وذكرني بسمو الامير سحيم بن حمد الثاني

والذي تربطني به صداقه وخوة لها سنين وكان نائب امير قطر ووزير الخارجيه في وقته

من مدة طويله وكان هذا الرجل له علي افضال بعد الله لايمكن انساها غفر الله له واموات

المسلمين واعتذر للنقطاع لظرف السفر وشهر رمضان المبارك اعاده الله على الجميع



[poem=font="simplified arabic,6,black,bold,italic" bkcolor="transparent" bkimage="backgrounds/8.gif" border="groove,8,gray" type=1 line=0 align=center use=ex num="0,black""]
ولازمان الامس راح انبهاجه=وقت الطرب ولا وانا منه سجيت


القلب تاه ولا درا في خراجه = عقب العديم اللي مع الناس له صيت

شيخ على قطع الخرايم مزاجه= ذكره بقلبي كل ما اصبحت و امسيت

قلبه حنون ولا ذكربه عواجه= سمح(ن) سموح وغايتي لو تمنيت

بين البشر مثل القمر في انبلاجه = لو احسب الاوصاف والله ما احصيت

راسي وكنه طويق مابه رجاجه = يعطي ولا هو يتقي داخل البيت

ليت الزمن يرجع بكل انفراجه =و اشوف وجه الشيخ لا رحت و انجيت

اذكره في بيته وساحة كراجه = نقطة تجمعنا ولا ظني اخطيت

و اذكره الى منه نهض لي حجاجه= ونوى لدار(ن) ما تجيها الكواشيت

حب القنص هو طربته و ابتهاجه= بين الوظيفه والبراري تواقيت

ناصل مواصيل ما جاها الخواجه = اللي بحث عن موقع اللغاز و الزيت

نتبع سحيم ولا نهاب المواجه = بحر الندى و مثبت العلم تثبيت

يا عبيد قلبي ما لقينا علاجه = سهيل غايب و القنص منه مليت


[/poem]
و سلامتكم