[align=center]بسم الله الرحمن الرحيم

السلام عليكم ورحمة الله وبركاته[/align]


[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

يالله اللي كرم ابن آدم وميزه بخصال=اهدني للي يفيد من الكلام انت المعين

يا سليل المجد ياسمح المحيا والقبال=ياعسى عمرك على الطاعة تطول به السنين

يابو متعب لك غلا بين البشر فاق الخيال=من غلاك يقدمون ارواح واموال وبنين

فدوة لك يوم صار الدين شمسك والظلال=تحكم بشرع الله اللي عزنا به ماتلين

قلت دستوري كتاب الله ما فيها جدال=وقدوتي خير البرية سيد كل المرسلين

قلتها ياخادم البيتين ياذرب الفعال=كلمة تبقى على طول الدهر كنز ثمين

نحسبك والله حسيبك صادق فعل و مقال=والدلايل بينت ما في صدور الطيبين

والله اني ما مدحتك غايتي منصب ومال=لكن احسانك جعل قافي من القسوة يلين

داري ان ابيات شعري فيك ابيات هزال=بس هذا بعض ما اخفيه من حب دفين

مشهد خلا دموع العين عالخدين سال=وانت تمسح دمعتك والناس حولك شاهدين

يوم شفت اليتم بعيون الصغير من العيال=ما تحملت الطفوله تشعر بحزن وحنين

ورغم ما تحمل من هموم ثقيله ماتشال=شلت هم الشعب في قلبك بعزم المخلصين

الله اللي زودك حكمه وعدل وطول بال=وشلت هم امة محمد من جميع العالمين

يابو متعب سيرتك في ذا الزمن نهج ومثال=ما توفيها القصايد حقها لو هي مئين

والصلاة اختم بها ابيات عدد وبل الخيال=عالنبي اللي بعث للناس بالهدي المبين [/poem]

[align=center]وسلامة الجميع[/align]