[align=center]السلام عليكم ورحمة الله وبركاته .

هذه قصيدتين الأولى لزميل كنا نعمل معاً في
السابق وهو الشاعر محمد بن حجاب السبيعي
اسأل الله العظيم رب العرش الكريم ان يشفيه.
وفي هذه القصيدة يشكي علي من بعض ما يعانيه
وقمت بالرد عليه اتمنى ان تكون مفيدة ولكم تقديري [/align]

[align=center]البدع[/align]

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
هات القلـم ويـا سجـلات الأوراق=هجس يحرك روس الأقـلام برفـوق
خل القلم من بيـن أصابعـك دفـاق=عليك يملي هاجس الشعـر طـاروق
تصريف هجس سابكه لأهـل الأذواق=صرف الجنيه اللي مقفـل بصنـدوق
عبدالله ونسني ترا خاطـري ضـاق=عطني هروج تشرح الصـدر وأروق
تعبـت مـن قلـب عليـل ومشتـاق=ادخل على الله من عراويـه منتـوق
طوق علـي الهـم نشفـن الأريـاق=يبسن عروقه حال من دونـه العـوق
عشرين ليل ونومهـا هـم وارهـاق=الحال من كثـر التفاكيـر مسـروق
على وليف لـه مـع القلـب ميثـاق=أخلف مواعيده ولـي عنـده حقـوق
أغليه وأدرك فيـه بعـض التغـلاق=عين توده حـار بدموعهـا المـوق
وجدي عليها وجد من طـاح منعـاق=قدم قبـلاه وكـل مـا قـام مفلـوق
شف لي من الأريا ترى خاطري ضاق=العمر لامـن راح ماهـوب ملحـوق [/poem]


.
.

[align=center]الرد[/align]





[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

يا الله يامنشـي مـزون وبـراق=ياعالم ما في خفـا كـل مخلـوق
يامعطي خلقه من أنـواع الأرزاق=رب كريم يعطي الطـاق مطبـوق
يامرحبا ياللي لفاني بـه أشـواق=يشكي عليه من أثرها ومحـروق
يقول جاه الهـم والنـوم مـاذاق=كله سبايب غض الأنهاد غرنـوق
ما يدري أن اللي مولع وعشـاق=مهموم في الدنيا برا حاله الشوق
اسمع من اللي ما يبي منك تنساق=ورا خيال مالـه أنـوام وعـروق
إرفع يدينك للذي شـاد ألأطبـاق=اللي بسط سبع صنعها على ذوق
ما خاب من يرجيه لوكان بـواق=لو كافر يطلبه ساق الفرج سـوق
وأنا اطلب اللي ما نشوفه بالأحداق=إنه يجيرك من هموم بك اتطـوق
وصلاة ربي عد ما بان مشـراق=وعداد ذرات من الحب مسحـوق
على شفيع النـاس بالخيرسبـاق=سباق بالمعروف ماهوب مسبـوق [/poem]






[align=center]وسلامتكم[/align]