قال الـذي عـدّا بـراس الجذيبـه لحظة زعل ماهي هوايـة مراقيـب****
من واقـع يشعـل بقلبـي لهيبـه وغيري كثير يحس منه اللواهيـب****
ياهل العقـول المدركـات اللبيبـه ياللي لكم منهـج وتفكيـر يصيـب****
وشرايكم فـي ذاالسنيـن العجيبـه اللي بها خبثت جميـع المشاريـب****
والغالبيـن استسلـمـوا للغليـبـه وصار الثعل يستاسر الليث والذيب****
وابو حقب في وسط كور النجيبـه وراع النجيبه عرّضوه المشاعيـب****
واهل اليدين المطلقـه فـي مغيبـه واللي حضر ترمى عليه العذاريـب****
المحترم يمناه فـي وسـط جيبـه وابو وعد ركب لثوبه ميـة جيـب****
والخوف بالرجال سـاس المصيبـه لوكان حاضر كل شـي بـه يغيـب****
ومجامـل فيـه المهونـه معيـبـه وعيش المذله واحتمال الاذى عيب****
والحسد بالرجـال يـردي نصيبـه والحقد يعمي صاحب الحقد ويخيب****
أشـوف ظاهـرة غريبـه عجيبـه كثر الطمع بالناس والشك والريـب****
المـاده تجمـع بامـور مريـبـه حرص على الدنيا بكـل الاساليـب****
وحب الاذيه عند بعـض الشبيبـه أهل المشاكـل تاركيـن المواجيـب****
وشفت التقاعس بالضروف العصيبه عند الشباب وعندبعض من الشيب****
واشوف نـاس للغلـط مستجيبـه والوقت مايقبـل تعبـث والاعيـب****
الحـر عنـد الجـد عقلـه طبيبـه والاضعيف الراي لوغاب مايجيـب****
يرضى الاهانه لين يذهـب ذهيبـه ماهو من اللي مطلبه شمّخ النيـب****
لايـودي المـعـروف ولايجيـبـه ومن لاتأدب مانفـع فيـه تاديـب****
الطيب يتعـب والمراجـل صعيبـه ولايندم اللي يفعل الخيـر والطيـب****
واللي مشى درب وهـو يستعيبـه هذاك مالـه عنـد ربـه مطاليـب****
يدفـع حياتـه والكرامـه ضريبـه قدّام احسـاب الآخـره والعوقيـب****
ياهل الكرامـه والعقـول الاديبـه يااهل المعرفه والوفـا والتجاريـب****
الـدرس واضـح والقضايارهيبـه حتى الصحاري صار فيهاشواذيـب****
وبليس طاغـي والافاعـي قريبـه والمبعد الشيطـان جالـه مناديـب****
والمنتبـه صكـوا عليـه الزريبـه والملعبه كثروا عليهـا اللواعيـب****
وان صار ماللبيـت قـدر وهيبـه يصطي عليه القطو والكلب والذيب****
والوقت هـذا مايـل يندعـي بـه يرمي به السافل هل الخير ويصيب****
به يفرض الباطل بعنف وغصيبـه وبه تفرض القوه ببطش وتخريـب****
به جور والفيـران بـه مستذيبـه والخيرفعلـه صارخفيـه وتهريـب****
ذي حالنـا والله علـيـم بغيـبـه والوضع يبغى له مواجه وترتيـب****
وكل علـى مسعـاه والله حسيبـه لكن علينـا فـي بلدنـا مواجيـب****
ومن جامل المحظـور والارضيبـه يصبح عشا جاهز لطفـل الانابيـب****



🌹🌹🌹🌹🌹ياصباح الفله وين النااااااااس قسم ان لك وحشه يالذيب ؟
حياك الله ياشاعر المستوي الرااااااااقي✌

مرحبا تراحيب السيل
وعودا طيبا كما العود الازرق
يالله انك توفق بوسامي وترزقه من حيث لايعلم
●○•~`▪▪▪☆
انبسطت بحضورك تو ما نور القسم🌹🎶

التحية فال ياشاعر
من ضميرًيافتى شاعر
يقبل الجزلة ويعطيها
ياسلام الله لأبو سامي
مطلقً بين الملا سامي
والجمايل ما بيخطيها

تحياتي أبا سامي من الأعماق والحمد لله على السلامة وعودا حميدا

ارحب ملايين
عاش من شافك والله وعساها اخر الغيبات يارب
طمني عنك عساك بخير

گل شي فيَ : هذه آلدنيــآا
إممـآا أن يترگگ .. أو أن تترگة? /
إلآ [ الله ] ..
إن آققبلت إليه? أغناگ ♥
وإن ترگتةة نــآداگ ♥
ربـآه? ; قربنـآا إليگ فمآ خآاب من آختـآر قربگ ♥