مساء الخير و الإحساس و الطيبة
مساءٍ ما يليق إلا بأحبابي
مساءٍ غير غصن الطير يحكي به
عن اللي مسكنه جفني وأهدابي
هلا باللي أحبه كثر تعذيبه
و كثر ما هو يغيب و كثر ترحابي
حبيبي هو ولو ما قصّر الغيبة
و لو عن بسمتي قد طوّل غيابي
أعرفه زين و أعيتني أساليبه
عدوّي يوم و يوم أقرب من أصحابي
ملكني بين ترغيبه و ترهيبه
يفارقني و هو واقف على بابي
به الصادق به الغارق بأكاذيبه
يبي بعدي و دمعه بلّل ثيابي
به القسوة به الرقّة به الهيبة
به الضعف القوي به نشوة إغضابي
هلا باللي يصيب العطر بالريبة
يقول العطر أنا زايل و يبقى بي
هلا باللي يقول الورد وش لي به؟
من المهدى؟ أنا أو هو لأطيابي
هلا باللي عليّ يقسى و أماري به
هلا باللي أبد ما لان لعتابي
هلا باللي عجزت ألقى عذاريبه
هلا باللي تحبه كل أسبابي
مساءٍ فاق كل الشعر ترحيبه
بجيّة من سكن قلبي و أهدابي
مساءٍ فاض بالإحساس و الطيبه
مساءٍ ما يليق إلا بأحبابي
💋🌹💕💧💕🌹💧🌹💋💕💧💧
ياهلا وغلا نورتي وانستي ومليون ترليون شكرا على هذه المشاركة النايس حيل اموت في هذه الاغنيه
الله يحيك وصباح النور والسرور واحب اعتذر منك الجهاز عندي والله ما قبل ادخل مدونتك زي قسم العرضه ما اقدر اخشه الا من الجوال ولكن ابشر بالعوض من الجوال اشارك معاك في مدونتك تقبل تحياتي وتقديري
طرقت باب الحرف مرة ومرات ............قلت أفتحوا يا ناس (( هذا مكاني)) صبااااح الخير لشاعرنا وللزوار والأعضاء الكرااام . هاااه فتحتوا باب المدونة وإلا نعود ونجيب بلدوزر وندخلها عنوة هذا إحتلال !! هههههههههههههههههههه
المشاركة الأصلية بواسطة الشاعر عبدالرحمن بن ناصرمشاهدة المشاركة
الله يحيك وصباح النور والسرور واحب اعتذر منك الجهاز عندي والله ما قبل ادخل مدونتك زي قسم العرضه ما اقدر اخشه الا من الجوال ولكن ابشر بالعوض من الجوال اشارك معاك في مدونتك تقبل تحياتي وتقديري
تسلم لي و لي الشرف ي غالي ...
ويكفي لي الشرف انك كنت احد شعار العرضه في يوم زواجي ...
تعليق