يـتـداولـونـك عـباد اللـه يـالـغـالــي
من يـد هـالك لـمالك قصتك قــصـه

بعض البنيات خير من الف رجـالي
وبعضهـن ماتـلاقي بالشرف حصــه

رزك حرق وش معك ياطيب الفالي
قص الخبر والصقه من بعد ماتقصه

يــاهــيـه يـفـديـك كـل الحال والمالي
خذ نص منه وسيب لصاحبك نـصه

قد شربت الارض ماها كنت بالحالي
يضحك عليك الذي ســردلك الـقصه

ان كنت شاعرصحيح ولابك اخلالي
عض الحجر والحنش مقروع تمتصه

وان كان ماغـيـر يــادانــه ويــالالـــي
دور لــفـرصـه وتـاخـذ عـندنا حصه

سلم على اللي خطر ذكره على بالي
من شان عيني وزيــد العـلم وتوصه

الـمرقب اللي ذكرته يعرف اضلالي
اذا لـقـيـتـه لـحـالـه بـالـخـبـر خصه