جعلني ما ذوق حزنـك علـى طـول الزمـان يــا سـبـب بــدع القصـايـد و يـــا طـاروقـهـا
اعتزيبـي وارتـفـع بــك عــن دروب الطـمـان دامـنـي مـــن لابـــةٍ مـــا تـضـيـع حقـوقـهـا
مــن عوايـدنـا نـخـضّـب مـقـاديـم الـسّـنـان مـــزنـــةٍ يـنـبــيــك رعـــادهـــا و بــروقــهــا
مــا نـعـرف نـقـول زلــة ولا كـبــوة حـصــان رؤوسنا تقـدم علـى المـوت قبـل نسوقهـا
اعتـزي يــام النـواعـس و يــا لـعـود اللـيـان رددي يــــا شـوقـهــا رددي يــــا شـوقــهــا
اعتـزي وان قالـو النـاس مـا عنـدك أخــوان قـولـي أن العاشـقـه تنـتـخـي معشـوقـهـا
وان نظـرت العـلـم فعـيـون خـلـق الله بــان قلت بنـت اختـارت اسمـي وذا مـن ذوقهـا
والله أن أقـــوم مـعـهــا عــقــل ولاّ جــنــان وان تطـيـب اوفوقـهـا وان تطـيـب اوفـوقـهـا
ثـــم اردد ثـــم اردد وحـــان الـوقــت حـــان تمـرةٍ مــن دونـهـا السـيـف كـيـف يذوقـهـا
أقـسـمُ بالله ول يخـسـئ الــلاش الجـبـان لا تـهـقـوى النـايـفـه مـــا يـطــول عـذوقـهـا
عــارفٍ معـنـى القـلاعـه ومعـنـى الاتـــزان وسوق هذي سوقها وسوق هذي سوقها