[poem=font="simplified arabic,6,black,bold,italic" bkcolor="white" bkimage="" border="none,4,gray" type=3 line=0 align=center use=ex num="0,black""]
البدع: سعيد بن هضبان =
مرحبا باسم صبيان ال معزب ومن ضيّف جمل =
راعي الطيب معروف ن بطيبه وراعي العلم حافظ =
ما يصيفون عن كسب الجمايل وحنا ما نصيف =
يقهرون الخطأ بالصح ويعدّلون المايلي =
وآنا ما آملّ من سبت العلايه و لا من ترج أملّ =
سمّني يا مسمّي ..بدوي حضري ..وآقول راضي =
كل ديره لنا فيها أقربا وأصدقا ومكاينات =
بين ربعي وجيراني شريف ن ولآني بنادمي =
يا رفيق المعزّه مايجي الغش بي وألا بك أنت =
كلمة ن طيّبه تشفي فواد المصوَّب والمكاني =
مثل ما نسقي البستان من كل ريّ وكل سوق =
والطوابير قدامي . شوف المستعدّه والسيّاره =
وآتجنّب دروب الكيد لأني عليها ما وزيت =
حتى لو كانت الدنيا تبدّل حلآها بالمرور =
آتعجّب يلا شفت العجب ويلا شفت المنكر آونّ=
من بغى النافعي يقطع شباها .. يوديها تسنّ=
الله الله يا دنيا التعاجيب ويش اضحك وش ابكي =
وإن شربنا زلال الماء وهبنا عليه الملح ماط =
ديرة البُرّ مآمونه وحتى بلاد التمر أمان ي =
يا عوض بن علي شيخ ال مشيب على حكمة و راي =
هذا عصر الشباب أهل الحكم والتقدم والمعارف =
وانتهى عصر الاجيال القديمه وهذا دورهم =
ما يحبون راعي الكبر والزود والمتهمبري =
من تمدّح وهو ونعم فلا باس قولوا ما عليه =
الرد: =
ابن هضبان قال اليوم قريت معروض الجمل=
كاتب ن فيه بسم الله وإقر وتسمع يا محافظ =
إقر شكواي وإسمع قصتي واعطني حق ن نصيف=
قصة تذهل القاري وغيبت منها ما يلي =
قال فيها الجمل ربي خلقني وسمّاني جمل =
وآنا فـ .. الغاشية مذكور قبل السموات وو لاراضي=
بأمر ربي وتقديره تكوّنت قبل الكائنات =
ثم سخرني الرحمن في خدمتك يا ابن ادمي =
وانشدوا يا صغار السن الاجداد عني كيف كنت=
انقل البادوي و آوصّله من مكان الى مكان ي =
وانقل الحمل للتجار من كل سوق لكل سوق=
انا سفينة الصحراء وانا الطائرة وانا السيارة =
لا اتعطل ولا ابنشر ولا اذوق بنزين ن وزيت=
ثم لا اصدم ولا افحط ولا عمموا عني المرور =
واما من اليوم جات المازدا والكورلا والكراون =
والفيكس آر والهايلكس والجمس والديهاتسن =
قام كل ن يقل حدّوه ردّوه عن زرعي وشبكي =
والله يالشبك ما دونه يكون كينةن والا حماط =
واحتزم راعي الرشاش ثم اتبعني ثم رماني =
والله لو كنت جندي من سرائيل ما يلحق وراي =
لكن الله ينصرني بنصر ن يعرْفَه كل عارف=
ذا نصر ناقته من قوم صالح ودمدم دورهم =
لعن الله من يرمي المواشي ومن يتهم بري=
قولوا آمين فإن الحق يعلى ولا يعلا عليه=
[/poem]