يسعد مساء الجميع اليكم هذه الرائعه من روائع الشاعر● سعيد بن مانع●
《《《《《《《《《《《》》》》》》》》》》》》

فراق ؟ بسم الله الرحمـن مـن ذكـره
تكفى دخيلك لا عاد تجيب ذا الطـاري****
فوقتني يوم قلتـه مـن حـلا السكـره
ضيعتهـا سكرتـي ياسكـرة أنظـاري****
يا أمس عمري ويا يومـي ويـا بكـره
فراقك اصعب علي من يـوم مقبـاري****
اشتاق لك وانـت قدامـي علـى فكـره
يعني تصّور بغيباتك وش أخباري ..!!****
ملامـح السعـد قبـل أعرفـك منكّـره
واستوضحت يـوم شفتـك يابعـد داري****
أبواب قلبي على مـن جـاه منسكـره
وأعذاري انك هنا .. يامسمن اعـذاري****
ياعيـن حـرٍ نـداوي معتلـي وكـره
ياجملةٍ مـا تعـب تكرارهـا القـاري****
يزين فيـك البحـر والقـاف والفكـره
لولاك ماشفت حـيٍ يطـرق أشعـاري****
جاورت روحي .. وقلبي صرت محتكره
والقلب قلبك وخـذ راحتـك ياجـاري****
سلمتك رشا الهـوى والدلـو والبكـره
وانا لك البير وأغرف كامـل اسـراري****
وان كانك تسوق لي من الغـلا بكـره ؟
قد سقت لك من صميم الخافق أبكـاري****
سويت فيني جميل أعجز علـى شكـره
علمتنـي ان الليالـي متعـة السـاري****
وعلمتني كيف أحب وكيـف مـا أكـره
وان التفائـل يلبـس حظـي العـاري****
إلا بقا شي ياغالـي : علـى فكـره !
ترى حياتـي بدونـك مالهـا طـآري****