يامرحبا باللي لفا وحامل الشوق

يازين جيت غالي وزين شوفه

حبه سكن فالقلب في كل معلوق

متميزن بالزين ما احلى وصوفــه

قدره رفيع وبالحشى منزله فوق

ماغيره غدر الزمان وظروفه

له بالغلا ميزه على كل مخلوق

يامحلا ميزاته ومحلا طيوفه

ماتمل عيني شوفه الحسن والذوق

مايشبهه من البشر لو صدوفه

خل(ن)سرق القلب والعقل سروق

حتى المشاعر لاطريته لهوفه****

متمكن بوسط الحنايا وبالموق

وكل المشاعر في غيابه وقوفه

ادعي من الله لايجي حزن وفروق****

ولا يجي عتاب وخصام وكلوفه

قلبي يطالب يرتجي منك حقوق

وده يعوض من غيابك صروفه

شوقي يغني لك ويتبعه منطوق

ولهفتي جادت باجمل عزوفه

جيتك يالغالي غذت لي العروق

وبطاريك يالزين دايم شروفه