مرة من المرارير كنت في احدى المنتديات شفت ذا الموضوع واعجبني
فقلت الطشلكم ياها علشان تونسون عليها


(عدنان) : شفيك يالينا معصبه؟

(لينا) : مدري ياخوك احس اني بنخطف زي كل مره

(عدنان) : يهبووون سميرة وعلام وكل جنود القلعه

(لينا) : مانيب مرتاحه احس اني قبسه وشكلهم بيخطفوني

(عدنان) : اللي يقرب منك بتوطاه هنااااااااااا وادوووس على خشته واوطا في بطنه

(لينا) : يابعد قلبي ياعدنان... انا اشهد انك ذيب

(عدنان) : احم احم تسلمين.. المهم وين عبسي؟؟

(لينا) : مدري يمكن يصيد ضفادع عشان الغداء

(عدنان) : وع الله يقرفه ذا الشين... المشكله انه خويي ولازم اتحمل بلاويه

(لينا) : يمه يمه .. اسمع صوووت طيارة سميرة يااااويلي!!

(عدنان) : لاتخافين وقفي وراااي واللي يقول عن نفسه رجال يقرب منك
,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,, ,,,,,



**سميره مع الجنود نزلو من الطياره**

**سميره تتكلم بالمايك من بعيد**


(سميره) : سلم نفسك ياعدنان ولاترز وجهك

(عدنان) : اقول انقلعي بس ولايكثر وارجعي من محل ماجيتي

(سميره) : انزح وراك... وخلنا نخطف لينا براحتنا

(عدنان) : يخطفك جني يالساااااحره.. اللي يرشها بالميه ارشه بالدم

(سميره) : اقول لاتتميلح وتسوي نفسك مصري اوكي!

(عدنان) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها

(سميره) : الله واكبر على المصاريف؟ كلها فستان واحد وطق لونه من كثر الغسيل


(عدنان) <<<< طاح وجهه هع هع


(لينا) : انتي عاوزه ايه؟ انا موش هينا انا خرجت بره

(سميره) : اقول انطمي انتي الثانيه لاتسوين نفسك مصريه وتلعبين علي... ترى حركاتكم هذي معروفه

(عدنان) : ماعاش اللي يقول حق لينا انطمي... شكلي بشوتك باند من الجزيره**صارت معركة بين عدنان والجنود**

**في البداية عدنان صفقهم وبعد شوي طاح في الارض وتوطو بطنه**

**الجنود خطفو لينا في الطياره وانطلقو الى القلعة**


(عبسي) : عدنان لماذا انت نايم؟ شفيك؟؟

(عدنان) : اي.. اح.. ضلوعي متكسرة والركب تتصافق

(عبسي) : لماذا؟ ماذا حدث؟

(عدنان) : اقول انطم بس... سميرة والجنود كانو هنا وتمردغوني وخذو لينا للقلعه

(عبسي) : افا ياذا العلم؟ لماذا لم تناديني عشان اسوي فزعه؟

(عدنان) : وانا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا ياشيخ

(عبسي) : طيب ماذا سنفعل الحين؟

(عدنان) : ابيك تراقب الميناء اذا شفت سفينة القبطان نامق علمني عشان نطمر فيها

(عبسي) : حسنا ياسيدي <<<< ماسكه معه الفصحى خخخخخخ


**بعد ساعتين مرت السفينه**


عبسي) : عدناااان وصلت السفينه هيااا بنا

(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا


**وصلت السفينة الى القلعة**


(عدنان) : انا بروح ادور لينا.. وانت وش بتسوي؟

(عبسي) : انا بفتح اللاب توب واشيك على ايملاتي لين ترجعون <<<< وشو له جاي؟؟ لوووووووول

(عدنان) : انتبه لاحد يشوفك هنا!! ترى كلها ساعه نسحب لينا ونعود ديرتنا

(عبسي) : لاتخاف اذا حد شافني بقولهم برب في المنتدى


**عدنان وصل الى غرفة لينا ويكلمها من ورى الشباك **


عدنان) : حياتي ليونه وحشتيني <<< اييييييه هين ليونه لووووووول

(لينا) : هلا والله... ولكمووووووووو نورت ا.. شخبارك؟ شخبار الوالده؟

(عدنان) : يسلمووووووووو... كلنا بخير ومشتاقين لك

(لينا) : تشتاق لكم العافية

(عدنان) : وانتي شلونتس؟ وش علومتس؟

(لينا) : يووووه انا طفشانه مررره وكل شوي يطقوني

(عدنان) : ولايهمك اوريهم... على فكره ترى عبسي جاء معي ويسلم عليك

(لينا) : وينه الشين؟؟ شخباره؟ عساه طيب؟

(عدنان) : ابشرك بخير ونعمة... والرجال يحترينا عند السفينه

(لينا) : طيب يالله انقذني بسرعه وراك تحب السواليف؟

(عدنان) : ابعدي شوي تراني بضرب القزازه براسي واكسرها



الجزء الثاني في المرة القادمه