[poem=font="simplified arabic,6,black,bold,italic" bkcolor="transparent" bkimage="backgrounds/1.gif" border="none,4,gray" type=2 line=0 align=center use=ex num="0,black""]
ضيقٍ يلملمني وهمّ وموآجيع=وتبعثر حروفي (ريآحٍ قديمه)
في (صمت أعذآري) دموعٍ وتوديع=وفي هرجته بحّة جروحٍ أليمه
كم هدّ صدري عصرهآ بالذعآذيع=والصبح كم طفّى شموعي نسيمه
والحزن كم خلآّ بحكيِي تقآطيع=بآقي صدآه يردد الوقت ضيمه
(وذيب الموآجع) يعوي بقمة الريع=الهجر مخلآبه وظرفي غنيمه
أقدآر سرت بدربهآ (ليل) وتضيع=خطآوي آمآل البخوت العديمه
ومآبين سلهآمه , وطقّة أصآبيع=وعذّة شفآه , وكحل دمع اليتيمه
خيآل الأحرف , والورق , والتوآقيع=وآثآر عهدٍ لو محى الوقت (شيمه)
ودّعتهآ قد لي شهورٍ وأسآبيع=ونآر الموآدع تحت كبْدي ضريمه
وفآحت دلآل الحب (خوفٍ وتلويع)=وفنجآلهآ من مدّة إيدٍ كريمه
كم هزّني في قفرهآ صوتٍ يشيع=صدآه ورّث للشجآع الهزيمه
يآليتهآ من سآمت الحبّ وآبيع=لكن (عمر الحبَ) مآفيه قيمه
والحين عن وجه الهوى ف الموآضيع=باسدل ستآر الصمت ستر وحشيمه
وأروي عطش روحي بريق الينآبيع=وابروي الفرقآ من الغبن ديمه
واللي لهآ بآقي بعيني تلآميع=من دمعة الفرقآ وجور الظليمه
وشمس الرحآيل في سمآ حبهآ تميع=ترسم معآني الحزن في خدّ غيمه
وصدرٍ لذكرآهآ ديآر ومرآبيع=وذود الغلآ في الصدر ترعى هشيمه
[/poem]

تحيآتي للجميع وخآلص دعوآتي ..... عبدالعزيز بن نآصر