تويت
ياما حلى صورة الفلاح
شايل معه حزمة البرسيم
العمر طرّ ووقته راح
وقت البساطه.. والتراحيم
يمر يومه وهو مرتاح
يفرح ليا جا المعازيم
*********************
حي الله اللي شال عالكتف برسيم
جابه بوقته يوم خلص حصاده
جابه يبي يطعم غنيمات وبهيم
هذي الفلاحة ما تعرف الرقاده
أبشر بخير ولك معزة وتسليم
يالله عسى الخالق يحقق مراده
عثمان ابراهيم الرشيد - الرياض
عودٍ يبي يازن البرسيم
بريال وإلا بنص ريال
بيّن من العصر القديم
ثوبين وغتره بدون عقال
وحنا في رغد.. ونعيم
يا رب تحفظها من الزوال
***************************
هذي سوات أجدادنا بماضيٍ فات
لأجلي ولاجلك ما مضى كم يعانون
الكل يقدح بالليالي الصعيبات
كله من أجل العيش وأنتم تعرفون
وحياتهم يا ناس دايم شقيّات
وسط الفلايح دايمٍ ما يتهنون
محمد عبدالعزيز الخنيفر - اشيقر
وقت البساطة به عريشٍ من رخوص
يجمع به الفلاح كل محصوله
برسيم حجازي وفالصناديق مرصوص
شوية عنب وخضار وتمرٍ يطوله
وقت الجِمَع عند الفلاليح مخصوص
كلٍ يسوّق ما جذب بالسهوله
*************************
أفنان جابت صورةٍ كلها ذوق
فيها أمل.. فيها حياةٍ قديمه
صوره قديمه ما تخيل لها شوق
كم ذكرتنا بالوفا.. والعزيمه
برسيم يجلب على ساحة السوق
واحد ريال والنوايا سليمه
حمد عبدالله الوايلي - حوطة سدير
عصرٍ مضى والكل يذكر لياليه
فيه التعب والصبر محدٍ بينساه
وأجدادنا وأيامهم دوم تقضيه
تلقى التعب من اجلنا والمعاناه
يقدح ويزرع ثم يعطي مواشيه
ذكرى عزيزة تسعد اليوم طرياه
***********************
ذكرتني يوم وقت الفلاليح
يوم العنا والكد يوم الغرابيل
صورة علف واشتالها هبة الريح
يوم السواني بالمزارع معاويل
منقول
تعليق