السلام عليكم ورحمة الله وبركاته

ابيات على طريقتي السابقه تحت هذا العنوان بها من الحكمه ماقدر

وكلن جوده من ماجوده كما قيل . عسى ان تحوز على رضاكم ودمتم *

المنطق الذرب يرفع صاحبه جدّا // ولّى المهايط يطمّن كل ماعلّو

ومن ينقل الهرج جاب اشبه لما ودّا// طبيعتن له كذا منه العرب ملّو

ومن بان وجهه عليه اللّوم لا ردّا // جنّب من اللي ليامنهم نوو ذلّو

==========================
يامدوّر الطيب ماياتيك بالهيّن // ولو هان بين البشر ماعاد له خانه

سندا تغاريز . لكن دربها بيّن // في ذمّتي ماتبي قولت شفه عانه

==========================
حافظ على فروض دينك كان تسمعني // وأجهد لربك بما تقواه من طاعه

ياعاقل القلب . تكفى مرّتن طعني // العمر لو طال كنّه عقرب الساعه

=========================

ياطيب من لجل ربعه يبذل الصرّه // وياضفع منه يفتّش في صرايرها

فالناس - ماوه وصفر وماس مع درّه // بطون الحراير تبيّن لك حرايرها

وجه القشر بالبشر . يكفون من شرّه // يبين من هرجها خافي سرايرها

تقبلو تحياتي

اخوكم / بارود العجمي *