صاحبي والهزال اللي تسمى سمان
............................كي ــف تغري بزوغ الفجر ونسايمه
خذ من الليل ميثاق الهدو والامان
.............................. ..سامره بالوله / والشرّد الهايمه
القصايد سوالف ..ماعليها ضمان
.............................. .عايمه مثل (غيمه ) بالسما عايمه
ظلها في مكان /وغيثـها في مكان
.............................ر ز ق ربي/ وحظ الزرع/ والسايمه
وان غدت عشر ابوزيد الهلالي ثمان
.............................. .....لاتسوم الغلا بالرخص ياسايمه
اجمل الحلم (طفله) تنثرالزعفران
.............................. ..بنــت متفائله/ ماهـــيــب متشائمه
وابشع اللي قريته في كتاب الزمان
...........................شاي ب(ن) ضامته بعد الكبر ضــايـمـه
بعد ماكان فارس يهتويه الحصان
...........................جود ته السنين وزادت /هــزايـــــمــه
من يقول الشعر (كائن خفي) مايبان
.............................. مالمح في جروحي ميـســم علايـمــه
اسهرالليل / وان حس القلم باالبنان
...........................فاض صدري قصيد /ولـمـلـم غنـايـمـه
يهتويني( شعاع الشمس) باول بيان
..........................وبش( نبت الفيافي) باول وســــايــمه
وصورةً من حنانه ذاب فيها الحنان
.............................. .....صــورة (بنيّتي ) بسريرها نايمـه
تنتظر عيدها الخامس بكل امتنان
........................وامها تختم المصحف.... وهي صايــمـه
ماتدان الليالي /والزمن مايدان
.....................وماتحوًم على (وادي الظما) حـــــــــايــمه
ودام (مجنون ليلى) زاد فيه الجنان
.............................ل ـيــه نلقي على المجنون باللايـــمــه؟؟؟
ماتعجبت الا ... للغشيم الجبان
.........................ينــذ بح / (وام خمسً) في يده قايــــمـــه!!
ياظروف الزمان ..وياهجوس المكان
.............................. .انصفي شاعرً ماقلت عــزايـــمـه
له بيانه ...ولايشبه بيانه بيان
.......................علته في حشاه /وحسرته دايــــــــــمـه
وان لمح طيف يغري( نشوة الخيزران)
.............................. ....فاح صدره قصيد/ وهــبت نسايــمـه
/
/
/
وصلى الله على نبينا محمد
تعليق