إعـــــــلان

**محمد مهدي ابراهيم** · Dec-21-2014, 11:02 AM

بدر
سوالف عرب على جال ضوهم

عبر العصور .. السالفه ..
كانوا العرب .. يشرون
المهر .. بمية ناقة
كانوا الرجال .. مثل الرماح ..
قاماتهم مشدودةٍ .. ودقاقة
وكانوا الحريم .. صبرٍ قديم
وفا .. وسماح ..
والى .. اقطعوا عن الفطيم .. الحليب
قصوا عسيب .. من انخله
واعطوه له وقالوا فرس
اعطوا الصغير .. سيفٍ خشب
ومجدٍ يحبه .. يوالفه
السالفه .. رغم الفقر
والجهل .. واوقات المرض
ماكان للبسمة غرض
ولا كان للدمعه .. غرض
ماكان في الدنيا .. سوى
ثوب ورغيف .. وعرض نظيف
وكرامةٍ ماهي تمس ..
السالفه .. اني أحس
انا عكسنا السالفه
صحيح قهرنا الفقر
والجهل .. وايام المرض
لكن غدى لكل شي .. غرض
السالفه .. ان القديم
كله غدينا .. انخالفه
ابدون وعى .. والابوعى
ماانتم معي .. انها قديمه السالفه

**محمد مهدي ابراهيم** · Dec-21-2014, 11:04 AM

بدر
الشمس اللي تغيب

أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب

**محمد مهدي ابراهيم** · Dec-21-2014, 11:08 AM

بدر
ردى على الصوت

ردي علي الصـوت .. ردي حياتـي

صمتك على شكوى حنينـي .. مذلـه

اما اقطعـي حبـل الوصـل بالنجاتـي

والا عطيـنـي بـاقـي الـــود .. كـلــه

لا توعدينـي .. عـذب الصبـر ذاتـي

والبعـد حالـي مـع عنـا الوجـد سـلـه

اشكي الجفا لك .. ما شفيتي شكاتـي

الـوعـد الأول لـلـقـا .. فـــات حـلــه

يرضـيـك يصـبـح شملـنـا للشـتـاتـي

يرضيـك نرضـي كــل نـفـسٍ مغـلـه

يرضيـك لا فرحـوا بهـمـي عـداتـي

واقفوا يقولون .. الغضي عاف خلـه

ردي علي الصوت .. يكفي السكاتي

قـولـي لغـيـرك ماهـفـا القـلـب لـلّــه

**سكر زياده** · Dec-21-2014, 04:26 PM

مساوو يالذوق

**محمد مهدي ابراهيم** · Dec-21-2014, 04:45 PM

المشاركة الأصلية بواسطة سكر زياده مشاهدة المشاركة

مساوو يالذوق

مرحبا مليون

الذوق ذوقك والحلا من عندك
...............انتي ولا غيرك محلي المجلس

تشرفت بطلتك

**محمد مهدي ابراهيم** · Dec-21-2014, 07:00 PM

بدر
شاعر

أحبـك ..آه انـا ياليـت قلبـي .. شعلـةٍ مــن نــور

كريـمٍ مثـل شـوق النظـرة اللـي تسكـن أهـدابـك

أحبـك وش بقـى منـي حطـام العاشـق المغـرور

وما أظن الزمان اللي مضى يرجع مـن اسبابـك

ولكن صدقيني الصدق فـي هـذا الزمـان شعـور

يحـبـك مــن صدقـلـك مــرةِ مــا هـمــه عـتـابـك

أمانـه لا تصبيـن العمـر فــي كـاسـي المكـسـور

يضيـع العمـر مـا يبقـى سـوى الإبهـام وانيـابـك

ابـد مـا هـو قصيـده كتبهـا لـك شـاعـرٍ مشـهـور

ٍولا هـو وردةٍ يذبـل ورقهـا فــي داخــل كتـابـك

ولا هـو بسمـةٍ صفـرا علـى شفـاة مــوات بــور

وملامـح صـورةٍ تخفينهـا حتـى عــن اصحـابـك

الا يـا طفلتـي ماهـو الهـوى هالشـارع المهجـور

ولا هـو ريحـة غبـار الوعـد فــي اسـفـل ثيـابـك

كذب من قـال ورد العاطفـه ينبـت بظـل السـور

وجبان اللي يخـاف النـاس لـو وقـف علـى بابـك

كتب لك كل مافي الحب من عذب الكلام سطور

و لكـنـه عـجـز يــا طفـلـتـي لا يـكـتـب كـتـابـك

**محمد مهدي ابراهيم** · Dec-21-2014, 08:21 PM

بدر : شجر النار

أنا مدري ..
اللهب حب .. وجوع ..
الحطب قلب .. او السير ضلوع ..
ياترى هاليابس الموجوع ..
وش يقول ..؟
من يسمع الدخان ..
اويدري باسرار الحطب ..
من طرز سلوك الذهب ..
في اغصانه ..
من خاط بقماش الرماد اكفانه ..
وهذا اللهب ..الطاغي الفتان
هاالقاتل الشافي ..
من خلى في موته عمر ..
لولا حروفٍ قلتها ..
وكانت شعر
شبيت فْـ اطرافي

**محمد مهدي ابراهيم** · Dec-22-2014, 12:35 AM

بدر : آه يا الجراح

لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
فصل الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها

**محمد مهدي ابراهيم** · Dec-22-2014, 12:47 AM

حقيقة

من الأدب أن لا تسأل أحداً عن شيء يخفيه عنك ، فإن لم يكن ظاهراً لك فهو غالبا لا يخصك.

حقيقة

الموت لن ينتظر استقامتك ، استقم وانتظر الموت !

حقيقة
الجاهل ليس من يجهل القراءة والكتابة ، الجاهل من يعرف اتجاه القبلة ولا يصلي !

حقيقة

سبب عدم حضور الأشخاص لبعض المناسبات لا يكون لانطوائهم ، غالبا يكون لعدم تحملهم المشاعر الزائفة التي يتظاهر بها أغلب الحاضرين

حقيقة

الصداقة أشبه بالكتاب، تحتاج لثوانٍ معدودة لحرقه ، لكنك تحتاج سنين لكتابته !

حقيقة

أتدري ما معنى قول المظلوم "حسبي الله ونعم الوكيل" ؟

أي أنه نقل ملف القضية من اﻷرض الى السماء !
حقيقة

البعض يؤمن بأن العين حق ، أكثر من إيمانه بأن الله خير الحافظين.

حقيقة

من أشد أنواع الظلم الاجتماعي : هو بحث الأهل عن زوجة صالحة لابنهم السيئ !

حقيقة

بعيداً عن سخافات العشق ومافيه من ألم ، حقيقة لا يتألم في الشتاء سوى الفقراء : ف تصدقوا !

حقيقة

الأبكم يتمنى أن يرتل كتاب الله ، والأصم يتمنى أن يسمعه ، والأعمى يتمنى أن يراه .. ونحن أهلكتنا هواتفنا !

تحتاج لتامل ....

**محمد مهدي ابراهيم** · Dec-22-2014, 02:21 AM

بدر : اترامى

اترامى
هذي عاداتي
في كل العمر مره .. اترامى ..
وصدقيني في حياتي ..
ما هقيت اني عقاب .. ولا يمامه ..
انما لعيونك إنتي ..
طرت لاجمل إبتسامة
لين قلتي وين جناحانك..؟
وين جنحاني .. ؟! وطحت ..
طحت من أعلى غمامه..
أنا ما ادري مريت بين أصابعك رمل ..
او على خصلات شعرك .. ماء ..
كانت غبارٍ وظلم
وكنت أطيح ..
وهذا آخر مااتذكر ..
وين ظنك با تجرح .. واتكسر
فـ أي رمل .. أي صخر .. او عدامه ..
ما هقيت أني عقاب ولا يمامه
انما لعيونك إنتي ..
طرت لاجمل إبتسامه
وما ابي غير السلامه
من الجروح .. ومن التداوي
كيف أمس الأرض .. واطيح متساوي
انا صدقت الصغار .. يوم قالوا :
من يحب القمرا يرحل .. لآخر أرض
وينتظر تالي نهار ..
ولا ظهر منها شبر ..
عانق القمرا .. طمر ..
كيف ضاعت كل أحلامي هقاوي ..
يوم قلتي : وين جنحانك ..
وين جنحاني .. ؟! وطحت ..
طحت من أعلى غمامه

**يرين عيسى,** · Dec-22-2014, 06:42 AM

صباح الخير

**محمد مهدي ابراهيم** · Dec-22-2014, 10:14 AM

المشاركة الأصلية بواسطة يرين عيسى, مشاهدة المشاركة

صباح الخير

صباح النور

**محمد مهدي ابراهيم** · Dec-22-2014, 10:16 AM

ديمة

قلت المطـر . . قالـت مـن اليـوم ديمـه

ما به رعد . . لا برق . . ما غير هتان

عـشـقٍ جـمـع مــا بـيـن قــاعٍ وغـيـمـه

فيض على صدر الثرى دمـع الأمـزان

همـس النديـم .. اللـي يعاتـب نــد يـمـه

صـوت المطـر .. كنـه تعاتيـب خــلان

وتبسـمـت لا جــل الليـالـي الـقـد يـمــه

وقالـت تــذ كــر قـلـت يابـنـت نسـيـان

نقـض الجـروح الـلـي تشـافـت ظليـمـه

مـا عـاد بـه وصــلٍ ولا عــاد هـجـران

ومـا للرجـا فـي بعـض الأحـوال قيـمـه

ومال العمـى صبـحٍ ولـو بـات سهـران

لـو للزمـن .. عـن نيـة الـغـد ر شيـمـه

مــا فــرق أحـبـابٍ ولا بـعــد أوطـــان

كـلٍ خصـيـم .. وذاق لـوعـة خصيـمـه

واللي خصيـم الوقـت يـا بنـت خسـران

**محمد مهدي ابراهيم** · Dec-22-2014, 10:20 AM

بدر : ردينى

وظهرت من عيونك .. ليلة..
لــ هاالدنيا.. لليل والنهار..
كانت السما زرقا داكنه .. ما تغيرت ..
والمباني ساكنه ..الا على الما ..
وفي قلوب الصغار ..
كان الطريق خالي ..
وأحجار الرصيف تكسرت ..
وقلت مساحات الخضار..
وكن الدروب تكورت .. على المساكن ..
مدري من البرد ..اومن قلة الأحباب
لكن .. بقى لون الغبارالداكن ..
وصوت الفراغ في الدروب ..
ظهرت من جفونك ليلة عيونك نثرت..
دمعك.. وقلبي..
ليلة تجرحناالعتاب..
ما اكذب عليك .. كنت مشتاق ليلتها وربي ..
لبيتي .. ولغرفتي .. ولمكتبي مشتاق..
لأقلامي .. والأوراق..
ولقيتها مثل ما كانت .. تحت الغبار ..
حلم وقصيد من شرار..
ومفرش محروق..
وزرع يبس وعروق .. وفجر بلا أبواب
ووسادةٍ ياما ليالي استكثرت..
نومي عليها.. ما تغيرت
رديني لعيونك .. أرجوك رديني ..
مابي أحد .. ما بيني
ابي عيوك بس ..
تكفيني .. تكفيني .. تكفيني

**محمد مهدي ابراهيم** · Dec-22-2014, 10:21 AM

بدر : الله يرد خطاك

الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه..
حق العيون السود السمع والطاعه

الله يردك لي .. يا مطول غيابه ..
يا معـذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعه ..

ياللي بعدك اليوم .. نبكي على باكر ..
صبري عليك يدوم .. مادمت أنا فاكر ..
إن الأمل موجود ..فالنفس خضاعه ..
حق العيون السود السمع و الطاعه

إعـــــــلان

مجلس ابو سلطان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق