حياكم الله وحيا هالطله الرائعه

اقول للي مشرفني هلا مرحبا
.......................حياكم الله من قلب الغلا ياهلا
يامرحبا عد قطر الفيث عد الربا
...................مال المشرف لمجلسنا يكون الغلا


بقلمي مع اهلا وسهلا بالزوار الكرام

تعال ي الغايب الغالي علينا تعال
.................. طلتك تسوى بلاد الغرب واصحابها
ياسيد الحسن يا مالك لباهي الجمال
................. فتنتك لي فيك تعرف دايم اسبابها


بقلمي مع التحيه

ي رب ي عالم الاحوال سبحانك
..................... الطف بعبدك محمد واصلح النيه
يارب طالبك قبل الموت غفرانك
.................. اقبل جميل العمل وامسح لنا السيه


بقلمي

ي رب ي عالم الاحوال سبحانك
..................... الطف بعبدك محمد واصلح النيه
يارب طالبك قبل الموت غفرانك
............... اقبل جميل العمل وامسح لنا السيه


بقلمي

انتظرتك رغم هجرك والغياب
....................... كل ليله لك في احلامي مكان
انتظرت اسمع ولو منك العتاب
........................ يوم بعثرنا على الشوك الحنان


بقلمي مع التحيه

لا تخاوي من يدور للأماره
........................... من يدورها ترى ماهو خوي

ماتشوف من العلوم الا الشطاره
............................ كل علم له ولو ماهو سوي

صحبته في نظرتي والله خساره
............................ يلوي اعلوم القدا لجله لوي

لو تلمح له وتعطيه الاشاره
.......................... ما يفيد وما تشوف الا غوي

يبخسك حقك ويحسبها جداره
...................... وياخذ احقوقك ويطويها طوي

وقام شب النار في قلب الطهاره
......................... شب قلبك والكبد راحت شوي

اقدر اطفي بعزم الهيب ناره
.......................... واقدر اخلي العلوم الها دوي

اقدر اشعل حرب غاره بعد غاره
........................ واقدر ازوي مافعل بيدي زوي

لجل هذا قمت اردد لي عباره
..................... اعف والا اشكه على رب ن قوي


بقلمي

تمعنوا فيها بيتاً بيتاً ... هذه قصيدةٌ قديمةٌ للشاعر الكبير / أحمد الناصر وهو من أهالي الزلفي - أمدّ الله بعمره - ، هذه القصيدة وإن كانت قد نُشِرَتْ هنا يوماً ما إلاَّ أن في أبياتها مَعَانِيَ عظيمةٍ وكبيرةٍ ، ويجب أن تكتب بماء الذهب لأن كل بيتٍ فيها يمثل قصيدةً لوحدها :

لا تفرح إن الوقـت أسعدك واعطاك
........................ لابــدمـن ســوداللـــــــيالي تبكيــك

دنـــــيا تقلـــب علــها مـــا تــولاك
......................... تمسي عزيز وتصبح من الصعاليك

إلى اقبلت تخفي عيوبك عن أعداك
......................... وإلى ادبرت تظهـرعيوبك لاهاليـك

اغنم من صروف الدهر كانه امداك
......................... قبل اللحدعن ظاهرالارض يخفيك

وترى التشكي للمخاليق يشـنـاك
...................... يحط من قدرك ويفـرح امــعــاديـك

و كـثرالتـشره يجعل الناس تجفاك
........................ ولا عــادتلـقى بيـنهـم من يخـاويك

ولا تمادى في زعل من ترضـاك
......................... مادام جاءعاني على شأن يرضيك

ولا تخــاوي من على أبوه بـــــداك
....................... هذاك وان طال الزمان يغدر فـيــك

والـجـاهل احـذر لاتجـادلـه يـبلاك
........................ في كـلـمة بين المخاليـق تعـمـيــك

والهرجه العوجى لوأنهاتنصــــاك
.......................... حـاول تجـاهـلهـاوخــلهاتـعـديـــك

ولاتضيّع هـقـوة اللي تـهـقـــواك
.......................... مادام جاء بين المخاليق ناصيــك

واحـذر تـهـزأ يـافـتى بخلق مولاك
........................ تـشـوفـها باقـرب قـريـبٍ يوالـيـــك

ولا تفرح بزودٍ على الحق وان جاك
......................... زودك ترى نقصٍ على حق ذوليـك

وخل القناعه ميزةٍ من مزايـــــــاك
........................ مـع الـقـناعـه كــل شـيءٍ يـكـفـيـــك

وان جت لك الدنياعلى غيرمشهاك
.............................. اصبر ترى بالصبر تدرك أمانيك

لا تامـن الدنا تـرى الوقـت فتــاك
.......................... لا جاء القدر كثـر الحـذر ماينجيـك

معوّض خير ياحيٍ تهقوى في الزمـان ومـال
......................سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
.......................جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال
...................يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال
....................ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال
....................تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال
......................ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال
........................تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال
..........................لياس ـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال
.....................ترى بعض السجايـا كثـرة الإلحـاح يقتلهـا

معاريف الرجال ديون وديون الرجـال ثقـال
....................لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
....................رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
..........................ولات شفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
..................ووقت الجد قول الهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
.......................يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
................سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
.......................يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
.....................ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
..................يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
......................وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
........................تحمّـل ميلتـه وإن ميلـت ميلتـك ينقلها

ولاتصبر على الجار الردي لوهي ثلاث ليـال
...........................تضـ رك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
........................ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال
.........................تربيه ـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال
....................لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
.................وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
....................وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
........................يدلونـ ك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
.....................ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
......................يقدّم لـك خلاصـة هجـرةٍ جـرّب هوايلهـا

الف مبروك فوز الملكي
وحظ اوفر لنادي الاتحاد

مجلس عامر بكل خير

سعد مساكم جميعا

حياك الله
والخير والسعد مرورك الكريم
شكرا لك من القلب

الغياب اصبح معاويل الهدم
.................... والهدم ماهو بعيد الا قريب


بقلمي

ودعتك الله ياهوى القلب والروح
.................... واطلب إله الكون مالشر يحميك



بقلمي

انتظرتك لكن الظاهر نسيت
.......................... رغم نسيانك نويت الانتظار

المصيبه ي حبيي لو دريت
......................... اني انظر جيتك والوقت جار

جار وقتي وانت يالغالي قسيت
......................... المفارق موت قبل الموت نار

لو يباع الصبر يالقاسي شريت
....................... قبل لوصل في هواك الانحدار

لكن اعلم رغم هذا اني رسيت
...................... اني ارفض في هواك الانكسار

كان شفت اللي كتبته لك قريت
........................ تبصر اعلومي كما وضح النهار



بقلمي