إعـــــــلان

**محمد مهدي ابراهيم** · Mar-18-2023, 02:23 AM

بن شايق

ياليـت غالـب كامـل يطلعـك بـرا التلفـزون
ولا بيـوت العـز مـا عـزت إلا مـن سكنهـا

سلط على الأيام تطحن وراح الحب مطحون
طاحونـة الأيـام تطحـن ولا حـيٍ طحنـهـا

**محمد مهدي ابراهيم** · Mar-18-2023, 02:24 AM

الــــعـــــلاوه

باخذك قدوه وانت قبلي طلعت وشفت وشلون
وشلون سكيـن الزمـن قطعـت كـفٍ دهنهـا

اليا سلمت تصير حبة شعيـرة وسـط طاحـون
خل الرحا تطحـن حمـاة الضعـن ولا ضعنهـا

**محمد مهدي ابراهيم** · Mar-18-2023, 02:25 AM

بــن شـــايـق

ابشر بخمس اجمال ومقسمه في عشرة أصحـون
أن كان تبغى الجد عان الذبايـح فـي صحنهـا

مدام في نفسي ثقة ماعلي لي راس ومتون
ما قلت لـك ويـن المنيحـه ودور لـي لبنهـا

**محمد مهدي ابراهيم** · Mar-18-2023, 02:25 AM

الــــعـــــلاوه

المشكلة تبدون عكـس العلـوم اللـي تخّفـون
لا قلت لك كلمـة حقيقـه عـن اللفـات صنهـا

**محمد مهدي ابراهيم** · Mar-18-2023, 02:31 AM

لا إله الا الله وحده
لا شريك له

**محمد مهدي ابراهيم** · Mar-18-2023, 02:31 AM

حبيب والعلاوه ....

**محمد مهدي ابراهيم** · Mar-18-2023, 02:33 AM

الــعـــلاوه
-
بيني وبينك ياحبيب مواعيد
فيها اتفاقيـه مـن العيـد للعيـد
واليوم حان الوعد والزايد يزيد
والصبر زين وكل مطرود ملحوق
-
انا بيني وبيـن العازمـي ميعـاد
ولاحدٍ يضمن المحضار والغيبه
-
من لاحسب للواقعـه قبـل تاقـع
ينسى طموحاته وينسى المطامع
ما يقدر الهوشـه لوانـه تفـارع
والصبر زين وكل مطرود ملحوق
-
مادامت صحبتك من غير ملح وزاد
اجل هذي تراها صحبـت الخيبـه

**محمد مهدي ابراهيم** · Mar-18-2023, 02:35 AM

حـبــيب
-
مانـي بخابر وعـد لكـن هيا
نبـي نقـرر وعدنـا مـن هنيا
يااللي تثاري ليش ياابـا ثريا
والصبر زين وكل مطرود ملحوق
-
لاتسرع ياالعـلاوه تقطـع العـداد
ولا يبقـى معـك عـداد تمشيبـه
-
يامل قلبـن مايبـى الشعـر كله
لولا العصيمي كـان يمديـه مله
عقدن عسى رب الخلايق يحله
والصبر زين وكل مطرود ملحوق
-
يازين الصوره اللي جات من بغداد
رسمها واحدٍ يفتل فـا شانيبـه

**محمد مهدي ابراهيم** · Mar-18-2023, 02:37 AM

الــعـــلاوه
-
قرر وانا اقـرر عسـاك بمصيبـه
ماهي غريبه منك ماهي غريبه
تمسي وتصبح مع شبابٍ وشيبه
والصبر زين وكل مطرود ملحوق
-
ماتسكت لين تونس ضربة المسجاد
وتستعرف بعلمن ماانتـه داريبـه
-
ياشين صـوره فالجرايـد بدتلك
بارك وبالامراس مشـدود حملك
مستور يبكيلك وملفي ضحكلك
والصبر زين وكل مطرود ملحوق
-
انـا رجـال لاشامـت ولا حسـاد
لوانه صابك من ايامـك مصيبـه

**محمد مهدي ابراهيم** · Mar-18-2023, 02:39 AM

حـبــيب
-
اول مصيبه يوم غنيت انـا وانت
واخر مصيبه يوم اردك كما كنـت
مادام هذي منك انا عنـك هونـت
والصبر زين وكل مطرود ملحـوق
-
ابا الهرجه وابا الدله ماابا البـراد
لكن الوقـت ماتصفـي مشاريبـه
-
الشعـر ياعبدالله ابـن العـلاوه
لاتحسبنـه ياالـعـلاوه حــلاوه
والصنف يحسب للموظف علاوه
والصبر زين وكل مطرود ملحوق
-
انا رجـال وادرى كلمـة النقـاد
ومن لاله بصيره ويش اسويبه

**محمد مهدي ابراهيم** · Mar-18-2023, 02:41 AM

الــعـــلاوه
-
شاعركـم اللـي ياعتيبـه لقيتـه
ظلا شبح مـير انقلـب بسكليته
وانا برجلي في طريقـي وطيتـه
والصبرزين وكل مطرود ملحـوق
-
تبى الدله وتبغالك سيـوف حـداد
تصبحلك بسيف وسيـف تمسيبـه
-
يااللي حصلك تالي الوقت قصه
الشعـر لو انـه حـلاوه تمـصـه
وانته متكي فوق ذيك المنصه
والصبر زين وكل مطرود ملحوق
-
أبا ازيدك مادام انك تبـى تـزداد
لكن انصحك خل التمـر فالعيبـه

**محمد مهدي ابراهيم** · Mar-18-2023, 02:42 AM

الـعــازمــي
-
شاعر بني الحارث نعرفه بالأشناب
ولا هذا ورعٍ لا ودى ولا جـاب
في برحة القـزاز سـواق دبـاب
والصبر زين وكل مطرود ملحـوق
-
انا في ذمتي لقضبلـه المرصـاد
واطقه بالعصا واكسـر عراقيبـه
-
مادام طبعـك يالعـلاوه كـذا روح
لا باب متقفـل ولا بـاب مفتـوح
واختامها يا جار مسمار فاللـوح
والصبر زين وكل مطرود ملحـوق

انا ابنيها وانا احميها مع الأجواد
واكب اللـي خبيثاتـن عناديبـه

**محمد مهدي ابراهيم** · Mar-18-2023, 02:45 AM

الــعـــلاوه
-
الورع صاعك يا حبيـب وراعك
في برحة القـزاز لزمـك وباعـك
وصلك مشوارك وطيـر شراعـك
والصبر زين وكل مطرود ملحـوق
-
تهددنـي والاقدتـك تجـي منقـاد
لكن الحارثي كافتـك فـي جيبـه
-
اقضب عصاتك في عفيف وتجمل
وان زانت الحملات قـرب وحمـل
مره بـلا شملـه ومـره مشمـل
والصبر زين وكل مطرود ملحوق
-
تطرطع ما تطرطع جاك قدح زنـاد
وجالك حمل تالي الليل تسريبـه

**محمد مهدي ابراهيم** · Mar-18-2023, 02:47 AM

حـبــيب
-
الورع طول في الجدايل وخنفـس
والورع كثـر فـالازره ودنفـس
حنا نـرده للسنـع مـار ينكـس
والصبر زين وكل مطرود ملحـوق
-
حاداني يمك المحـدار و المسنـاد
كريـم وكـل طرقـيٍ تحييبـه
-
ماني بجاهل واستمع في الجهاهيل
رجـال وادور كـلام الرياجـيـل
واللي يعير ما يحصـل محاصيـل
والصبر زين وكل مطرود ملحـوق
-
مسامح روح وصلها لابـن عيـاد
وابن عياد مـا تطفـي مشاهيبـه

**محمد مهدي ابراهيم** · Mar-18-2023, 02:48 AM

الــعـــلاوه
-
خنفست لجل اصيد بعض الخنافس
اللي على طول الجدايـل تنافـس
واللي مربـط بالحبـل مايرافـس
والصبر زين وكل مطرود ملحـوق

انا برقبـك المـرواح والمعـواد
لو ان المسجد الأقصى تصليبه

إعـــــــلان

مجلس ابو سلطان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق