قلوب بعض البشر/ تتميز بلونها
لو كانت الأرض مطليّه بماي الذهب
الله يا ماصعب الدنيا / وياهونها
لو تغتسل بالدموع / وتلتحف بالعتب
اوجاعنا غالية / بالحيل من كونها
رواية ً للمطر / او غيرة ً للهب
الناس حتى مشاعرنا يسمونها
نزوة / وشطحة خيالية / وثورة غضب
وانا تغازلني الايام بعيونها
ترسم لعيني بقايا ذنبي المرتكب
لو مهجتي ارض / واحبابي يمرونها
سوّرتها بالحنين / وقام حظ الحطب
لكن من يغدر الأهات / ويخونها
لايعتقلها وهي تطلب فراقه طلب
في الحب تبقى امانينا بمضمونها
ويموت عذر البليد / ولايموت السبب
وقلوبنا العاشقة تتميز بلونها
لو كانت الأرض مطلية بماي الذهب
وصلى الله
على
سيدنا محمد
تعليق