يسعد لي اوقاتكم ربي يارب
الموضوع هالمرة خفافي نوعاً ما بس يارب يفك الاختناق عن مواضيع ثانيه
في خاطري سؤال عن واحد من الشباب
وش رايكم فيه ..... له داعي وووو لا ماله داعي ؟؟
هالأخ اللطيف يرسل لي رسائل مجاملة
من نوع المرجله والطيب وووووالخ
لحظة اجيب لكم مقطع من احد رسايله
0
0
0
0
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اقسم قسم من حد حايل للأتراك=ومن الحسا للي سكن وسط جده
انه يهز القلب ذكرك وطرياك=ويفز فزة حر ....راعيه هدّه [/poem]
المهم ... انا من طبعي ماأرد على رسائل من هالنوع
اعتبرها ... رسالة منقولة
واحس انه ماينرد على هيك كلام يعني وش تقول له تقول شكراً الله يسلمك او حياك الله وعز الله مقامك !!
واحس ان هالنوع (( هياط )) مثل هياط اغلب الشعراء المُنشر هالايام
خصوصاً اللي يقول هذاك اللي يقول (( خواله ذياب واعمامه نمور ))
اجل على كذا الولد بيطلع اسد الغابه
عموماً :
اكثر من مره يصير بيني وبين اللي ارسله تتش على امور الحياة ونكدها
خوينا هذا ارسل لي اكثر من رسالة زي كذا
وبعد فترة تفاجأت انه ماخذ على خاطره و زعلان مني !!
ياأبن الحلال يهديك يرضيك ... ليه وش فيك ؟؟
قال ليه ماترد على رسايلي ... يعني يابخيل كلها نص ريال !!
تصدقون بالله بعد ماقال الكلام هذا ماعرفت ارد عليه
قهقهت ... وضحكت ... وعلى طووول سالفه جديده عشان اغير واللطف الجو
عرفت وقتها ان فيه ناس (( تفكيرها محدود ))
يعني ارسل لي رسايل مجامله ولا ترى اتضايق منك ولا عاد اكلمك ولا انت بصديقي !!
تعرفون احد في الهشاشه الفكريه ذي ؟
اذا ماتعرفون احد .... يعني ماهوب منتشر هالنوع هذا من التفكير
واذا فيه ناس كثير كذا ... شلون نرتقي بتفكيرهم
لايكون فيه احد من هالنوع هنا ؟؟؟؟
ياترسل لي ياينفتخ خشمي وابرطم عليك
هاتوا اللي عندكم ... سمعوني
((( حبيت ادردش معكم ونطلع من أسلوب المحاضرات العلمي المنمق البحت ))
(( زي ماتقولون دردشة مجالس ,,, او جلسة شباب ))
تعليق