ياطـــــــير بلـــــغ من تخـــــــــاشر بدمي
حبــه ويجــــري في جيـــــــمع الشرايين

قٌلـّه مضت عامين والــــــــــــــزاد سمّي
عفت الكرى والزاد من حـــــــول عامين

بلليـــــــل يغـفى كـل طــــــــــرف ٍ يومّي
في هجعــتــــه تغـفى عيـــــون الملايين

وانا مع الهوجـــــــــــــاس لامـر ٍمهمي
نسهر طــــوال الليــــــل والناس غافين

ارحـــل عن الواقــــــــــع بكيفي وكَـمي
واسري مع الهاجس ولا ادري على وين

وان عـــــــــاد ليـل الحـيره المــدلهـمي
الدمــع غيـــــمه والمشــــــاعر براكين

اذكر غــــــلاه وصـــــورته دوم يـمي
واذكر محطــــات الزمن والميــــــادين

وقتن مضـــى لي والفــــرح مـا يتمـي
جاورت فيه النرجســــــه والريـاحيـن

احيــــان اضم الورد واحيـــان اشمي
واحيان اغرد في ريـــاض البساتيـن

واليوم يا صــبري ويـا كــــبـر همـي
عايش مع الحرمان واشكي من البين

حظي وبدّل فرحــــــــــة العمـر غمي
والحال ماهو حــــال يا حظي الشين

خمّـتني اصـروف المقــــاديـر خمـي
حكم القدر يقلب جميـــــع الموازيـن

والضيقه اللي دمت الصـــــدر دمّـي
طول الفـــــراق ومالقينــا العناويين

اخفي هــــواه ويفضـــح السر فمي
انا اشهد ان اهل المحبــــه مجانين

ماللهوى في صدرالاحبــــاب زمـي
لو يخفي العشّـاق تفضحهـم العيـن

يبـعــد شتـــات الشــمــل والا يلمي
انا ومحبـــــوبي على العهد بـاقـين

ياطير عجل واحفظ الـدرس صمّي
ود الرســـــــاله يا رسول المحبين

على السحاب افرد جناجك وضمي
واذا وصلت الدار كـف الجنـاحيـن