موفقين يا النشاما
شعار كبااااار ولافيكم قصور بواريد ثااااايره بساحة عرس وافرااااااح🌹🌹

ماشااااء الله صح لسااان الشاعر / عبدالله بن ظافر .
قصيدتين من النوادر ومن الدر النفيس
ا

[frame="2 80"]
[poem=font="simplified arabic,6,indigo,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""] يعلم الله. . بما نخفي ومانجهر = واحدٍ لاشريكٍ له.. ولا ندا
ماكتبت الشِّعر. لاجل اعتلي منبر = ولا زعمت ان لي ببحورها مجدا
بحت بللي حواه الصدر لااكثر = للكريم ولامعي غير النقا قصدا
الجبل.. ما يروزه ساعدٍ شمر = انت خيالها .. وحروفك الهندا
ماني اللي يخلط الملح بالسكر = ولاني اللي يخلط الهزل بالجدا
الشعر فوق هام التيه يتبختر = عقب مااثمدك كحَّل عينه الرمدا
كلّ ما مل عيشة جرهدٍ قُتَّر = يزبن بحاتمية صدرك الرغدا
كل قافن يجيك وخاطره مسْتَر = يوم غيرك دعاه وقال كان امدا
النواميس بيضن كفها اخضر = ازهرت في خدودك يالحيا وردا
تنبت بذات ظلٍ مزهر.. مثمر = لاسمع طاري اسمك نـَعَّم وفدَّا
ماذكرك الا وفاح المسك والعنبر = ماتغير عن وفاه. ولا نقض عهدا
كل عطر يصافحني اكون اعطر = ولا هداني لخير الا وكنت اهدا
والبعض .كل طيب بوجهها مهدر = ينكر الطيب والمعروف والرفدا
يالوفي لايشغلك جاحد ومتنكر = الردي له رداه.. ولشَّهَم مبدا
ان زبني ثقيل الحمل متعثر = شلت عنه الثقال ويبشر بسعدا
لي ذراعن عن الطولات مايقصر =ان بغت طوع ولا جبتها عندا
ماتهيب حاجة الصاحب بقول استر = جيتـها مثـل سيفن فارق الغمـدا
والرفيق الي تخيرني لحفظ السر = احفر لموت سره بصدر لحدا
لي بعيرن مشبعه من جوع مايجتر = كفي الْ غير ربي ماقد استجدى
المصايب لابلتك بوجهها الاقشر = خل صبرك لطول رقابها حـدا[/poem]
[/frame]
أبو طارق (ملامح الحنين)



[frame="7 80"]
[poem=font="simplified arabic,6,indigo,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
باخر الصيف طلع الباسقات اتمر=صاحبه من خياره للضيوف اهدى
يمقت اللي لمنتوجه غدا يصبر=والثمن بخس والخطار به زهدا
والشعاع الذي في الغيم متبعثر=حال دونه غيوم وبارق ورعدا
الكريم الذي من لقمته يشطر=عاش محتاج ما جا البذل من رغدا
فاح ورد الربى بعد الربيع ازهر=والغصون اصبحت يا صاحبي رندا
ليت من يكثر من الذنب يستغفر=يكثر من الثناء والشكر والحمدا
وإن دهته الليالي منهجه يصبر=بين فكي هزبر ضامي وردا
الركاب ادلجت واسمع عوا الاغبر=واستمع صوت من للقافله يحدا
ساري الليل تايه والصباح اسفر=تاه خلف الظوامي الجفّل الشردا
من بياض السحاب المزن يتحدر=بعد وزن القوافي باللحون اشدا
والذي لو نصيته للصخر يعصر=حتى لو قال عندي ما لهم عندا
مرحباً يا كريمٍ للحكم مصدر=عند من يسكبون السمن عالشهدا
ابيض الوجه قوله يوحي المخبر=يا همامٍ كفوفه بالكرم تندا
من سمان الجلايب عادته ينحر=عاش من في كلامه له يقال اقدا
في كفوفه ورود وسمهري اسمر=يحفظ السر ما قد باح له سدا
صيرمي لو هوي ينبي ولا يفتر=كل زايف بدربه صار منهدا
ما خدعني لطيف القول والمظهر=وانا ما صاحبي من يلبس الهمدا
بعضهم قال كفي للبحر يشبر=وابن الاجواد لا عشا ولا غدا
الوفي لو عثر فلعثرته نجبر=وانا لاهل المكارم والوفا عضدا
للخفوق الذي بالجام كم يقطر=ويتمنى لكل اهل الحكم رشدا
ليت طرفه بلمحاته لنا ينظر=السمينه لها صقر الفضا انهدا
حل فصل الخريف وصيفنا مدبر=والشجر ينفظ اوراقه غدا مردا
تزهر الارض لو فصل الربيع امطر=زهر ما يحرقه قيضٍ ولا بردا

[/poem]
[/frame]
عبدالله بن ظافر

الاستاذ والشاعر الكبير ابو محمد

نص من اجمل النصوص وافخرها

بيض الله وجهك صح السانك ملايين

استاذي لك مع الابداع قصص وهذه

والله ماهي مجامله بل حقيقة يعرفها

الكثير من رواد النبط حفظك الله ورعاك

تقبل سلامي ومروري لاعدمتك يالغالي

صح لسانك ياباظافر

ويعطيك العافية تحياتي