جيت المكان وهزني صادق الشوق
ودموع عيني من بلاها غريقة
من صاحبً غالي له امكون وحقوق
بين الحنايا خوته لي طليقة
هو غايتي هو كل الآحساس والذوق
وأجمل سنين العمر لو هي دقيقة
والله مامثله من الخلق مخلوق
يسوى بعيني كل هذي الخليقة
فواز وينك ؟ فاقدك غرب وشروق
منته معي دايم ولالك عشيقة ؟
القلب من صدك مكربن ومحروق
وانت السبب فـ الكربنه والحريقة
ياما وياما كنت أجيلك بلا عوق
من شان اشوفك وأتطمن حقيقة !!!
وانته سواتك تذبل الكبد والروق
عليك صدري ضايقً منك ضيقة !!!
ارجع مثل ماكنت في ناظري فوق
والا ترى مانيب عندك سليقة !!!
تعليق