رثاء من خلع ثياب الدنيا .. ربما يكون سلوة من بقي على قائمة الانتظار الى حين.....الفقيد : عبدالله بن سعد القرني ..نسيبي .. وشقيق زوجتي رحل عن الدنيا في ريعان الشباب .. وليس للشاعر في مثل هذا الموقف الا أن يقف على عتبات الشعر مستجديا قريحته المكلومة:



[poem=font="simplified arabic,6,black,bold,normal" bkcolor="white" bkimage="backgrounds/16.gif" border="solid,4,gray" type=2 line=0 align=center use=ex num="0,black""]
يوم ثار الحزن وأعلن سطوة الهم وعذابه=واستبد وجهز جيوشه وجت تزحف مغيره
وفي القلوب المنهكة حلت كتايب من كآبه= وابسطت سلطان سطوتها وحقبتها المريره
والفراق المر خيم مثل تخييم السحابه=وامطر دموع ومواجع فقد وأيامٍ عسيره
ياعنا فرقا عزيزٍ ماتهنا في شبابه= والله اختاره ولاعقب اختيار الله خيره
راح (عبدالله) وهذي حكمة الله في كتابه= لا اعتراض وكل حي مفارق الدنيا مصيره
لكن غبون التوجد تفطر كبودٍ مصابه= حين يعصرها الالم لو مرَ له ذكرى وسيره
من فقد غاليه يرهقه الحنين ولاغرابه=كل مالاح الشفق بالحزن في تالي عصيره
ولايزال الموت نفس الموت لو بدل ثيابه= ينزل ويرحل مدى الأيام من ديره لديره
أسألك يارب يوم الجمعه بساعة الاجابه= ياكريمٍ ما لجوده حد وأفضاله كثيره
ترحم اللي فقده أصعب فقد وتعطر ترابه= يارحيمٍ ماانقطع عن عبده انعامه وخيره
واغفر اللهم ذنبه وأسألك ضاعف ثوابه= واسكنه جناتك مع الانبيا في خير جيره
وأطلبك تلهم ذويه الصبر وتعوض غيابه= واعمر قلوبٍ كواها الحزن بإيمان وبصيره
هي كذا الدنيا تخادعنا والايام اتشابه= نطرد الاحلام والاحلام في الواقع ضريره
وانتساءل رغم سابق معرفتنا بالاجابه= كلنا نمشي بنفس الدرب ونحث المسيره
وكلٍ الله لايهينه شايل بظهره زهابه= والوعد قدام والايام خطوتها قصيره
صعب طاري الموت لكن طاري البعث وحسابه= عندي أصعب لانه محطة توجهنا الاخيره
[/poem]