[poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلصنا من البلوت .. وقلنـا فكّـه=ونسينا كـل هـاص وكـل إكّـه
وقلنـا للحـرم .. ناخـذ خطانـا=لجل نور القلـوب يشـوف سكّـه
تعبنا من الحيـاة ومـن وجعهـا=ومـن قسواتهـا فـي كـل ركّـه
تعبنا .. كل قلـب(ن) ذاق معنـا=وصار الدمع به فـي كـل تكّـه
يضيق بكل سرعه حتـى صايـر=من المزحـات مـا يقبـل بحكّـه
وشوفه .. لانفتح بـاب ابتسامـه=يفـك البـاب لمحـه ثـم صكّـه
يشوف الغبن كل يـوم(ن) وليلـه=واذا غاب وتلاشـى جـاه شكّـه
ولكن .. من دخل مكـه وحرمهـا=عرف أن الغبن في جـوف دكّـه
من أول ما لمس ريـح الطهـاره=طيور الشر .. قالت : روح .. فكّه
لأنـه حـس بالراحـه فـنفـسـه=عرف أن سرها في جـوف مكّـه[/poem]