تويت
انا باحب دايما اعمل حاجات سهلة عشان محدش يكسل و نقدر نعملها مع اولادنا وبناتنا
هنعمل كوكيز ب 3 مكونات اساسية بس مش هياخد اكتر من 15 الى 20 دقيقة
المقادير الاساسية :
1.5 كاس دقيق ذاتى التخمير SELF-RAISING FLOUR (كل كاس دقيق منخول نشيل منه 2 ملعقة صغيرة من الدقيق و نزود 1 ملعقة صغيرة بيكنج بودر وربع ملعقة صغيرة ملح)
100 جم زبدة (اصبع زبدة) (1/2 كاس الا ملعقة)
1/2 علبة حليب مكثف محلى
الاضافات (حسب الرغبة) :
حلوى ام & امز
جوز هند مبشور
شوكليت شيبس
بشر قشر ليمون
بشر قشر برتقال
سبرينكلز اشكال
لولى الوان
فارماسيل سادة او الوان
شيكولاتة سايحة سادة او ملونة
ايسنج بالسكر البودر
قطع فاكهة مجففة
مكسرات سليمة او مجروشة
ميزة الكوكيز دى ان طعمه بيمشى مع كل الاضافات الممكنة بجد ده غير طعمه التحفة وهو سادة
الطريقة :
**نسخن الفرن على 180 م
**بالمضرب الكهربائى او السلك نخلط الزبدة والحليب المكثف جيدا حتى التجانس
**نضيف الدقيق تدريجيا مع التقليب حتى تصبح عجينة طرية لا تلتصق
(عند هذه الخطوة يمكن اضافة الاضافات او كاكاو خام لعمل كوكيز بالشوكولا)
**نقطع كور من العجين بحجم عين الجمل ثم نفردها او نبططها على ورق الزبدة فى الصينية (انا عملتها رقيقة شويه عشان باحب الكوكيز مقرمش ممكن تخليها مكورة و تفرديها خفيف اوى لو عايزاها طرية)
**نضع على الوجه السبرينكلز او الشوكلات شيبس او اى اضافات نحبها
**ندخل الصينية الفرن لمدة 10 -12 دقيقة حتى يحمر القاع
وبالهنا والشفا
سهل وسريع ولذيذ ومنه هنعمل ال 4 اشكال القادمة فى ال 4 مشاركات التالية
تعليق