هذا أنا أمشي .. ظل حزني محتضنـي بالنهـار
ولا ابتدا الليل بظلامه .. حزني يبقـى محتضـنْ
)(
كل خطوه ينتظرها .. ضيق .. همْ .. وانكسـار
وآنا ماشي .. والتـردد منتشـر وسـط البـدنْ
)(
صار حزني جيش غازي .. خطته تبدا حصار
لا تمكن من خضوعي .. يعني هالوجـه أندفـنْ
)(
ألتمس ريشة نجاة(ن) مـن يميـن(ن) أو يسـار
وألقى كل الريش طاير .. مثل بسمـات الزمـنْ
)(
اااه يا روح(ن) من الأحزان مـا حسـت وقـار
واااه يا روح(ن) توفت .. قبل مـا تلبـس كفـنْ
)(
كل يوم الشمس تشـرق يعنـي يبـدا الإنتظـار
إنتظـار ليـوم مُفـرح .. لكـن انـه مُرتهـنْ
)(
سجنه .. عيون العواذل .. اللي ترمـي بالشـرار
في نفوس(ن) فاض فيها السمْ من طيـن العفـنْ
)(
أرفع ايدين التسامح .. ألقى رفـض(ن) للقـرار
أخفض الصوت بْكلامي .. ألقى ظهري ينطعـنْ
)(
اااه يالخطوه السجينـه .. مـا لقيتـي أي فـرار
كل ما شفتـي نجاتـك .. ألقـى واحـد يمتحـنْ
)(
حتى صار الحزن فيني .. أغنية مثـل الشعـار
كـل م تغنـت ألاقـي ينكـسـر فيـنـي وزنْ
)(
كـل م تغنـت أدور لحـن فـيـه الإنجـبـار
وإن لقـيته .. يا خـساره .. ألقى جرح(ن) فاللحنْ
)(
ضقت من حزني ولسا عالق(ن) مثـل السـوار
وابتلش فرّحي وضحّكي .. حتى غليّـت بالثمـنْ
)(
خطوتي .. ابقي مكانك .. ألغـي بحثك عن مسار
اضمني باقي حياتك .. الثبـات اضمـن وطـنْ
)(
الطرق صارت قليلـه .. والحقيقـه هـيّ كثـار
وين بالقى درب(ن) أبيض صافي(ن) مثل اللبن ؟
محمد البكري القرني - مكة
تعليق