مفرق الخاطر..
[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

على مفرق الخاطر ..على ناصية حرفين=ترجلت عن ساقي .. وعكازي احصاني

ثلاثين عام " يارغيف" الشقى " حافين"=ركبت الأمل .. لكن شف وين وداني

سلكت الطريق اللي يودي الى صفرين=فتاته خذلني واعطب الملح شرياني

كتوف المواجع مثقله بالخشب والطين=وسيل المزون .. يبل كفي ولا ارواني

ونبضي يحث الوصل يبحث لعسري لين=ثمل شيب راسي ما تعديت جدراني

على سير متحرك على نية التخمين=محلي يراوح والزمن واصدق احزاني

ونا كنت اظن اني تجاوزت سور الصين=وحلمي يكابر بين سجني وسجاني

ونا المتهم اللي ساق دية عمر وحسين=ولا في ثراهم قبر ابويه وجداني

ولا شلت في يدي قنابل ولا سكين=سوى اللي تذكي واجب الضيف والعاني

تماديت ياصبري وماطلت رد الدين=وعين الفرج من بين الابواب تعماني

هدمت العمر قدام عيني بلا تابين=ولا روض الجلاد نفسي وشيطاني

وانا ناحت كهفي على صخرة التكوين=نديمي قرين الشعر يصدق ويعصاني

على وين يا حظ قسمني على قبرين=ونا حي و"اسمي"صوت ذيبي وقمصاني

ترجلت عن صهوة دروب الزمان الشين=ولا سلمت روحي جنودي وميداني

لضحك النهايه ..والصور لعبة التلوين =ضحك لي زماني ..لين بالضحك بكاني


[/poem]




#ضيف الله بن سليمان



رؤيه نقديه للنص . جريدة البلاد