تويت
اللهم صل على محمد وعلى آله وصحبه أجمعين
اوفــــى الجروح
آنــا الـمليك..الي اعـتلا عـرشك وسـاد ... مـنـفـي وهـــو مـتـربعن فــوق صـرحـه
تـقـبـل ..وتـلـقى داخـلـي ديــرة اجــواد ... وابـعـد.عن الّــي يـوصـم الـرجـل قـبحه
تـبـشـر ولــو كـانـت هـقـاويّك ابـْ ـعــاد ... والـقـاك غـيـمِ مـاشكى الـجدب شـحه
كــانـت سـوالـيـف الــغـلا تــمـر وقـنـاد ... ولـلـعـود الازرق بــيـن الانـفـاس نـفـحه
لـلـقـاي بـعـيـون الــفـرح يـــوم مــيـلاد ... دمــع اشـتـياقن ســال مـن زود فـرحه
يــاغـايـبـه والــلـيـل لــنـهـارك اصــفــاد ... وبْـلـحد صــدرك طـيـر مـسروق صـدحه
أدري اشْـكـثر فـيك الـوله حـرق الاكـباد ... لـلـمـا..وحـاجـات الــصــحـاري مــلـحَّـه
روْحــتـك تـشـبه فـاجـعة يــوم الاعـيـاد ... والـصـبـر قـــرم/ن عــيـده بـيـوم ذبـحـه
وش عـــاد بــاقـي والـــذي راح مـاعـاد ... واعـمـارنـا مـــرة مــثـل طــيـف لـمـحه
فــي زعـفـراني هـيـل وخـيـام وشـداد ... وبـيـنـي وبـيـني حــار جـمـعه وطـرحـه
أوغـــاد: بــعـدك والـولـه يـآهـي اوغــاد ... اقــفـل مــلـف الــجـرح وتـعـيـد فـتـحـه
اطـويـك صـفـحه وابـتـدي بـيـضٍ اجـداد ... والـقـاك بــاول سـطـر فـي كـل صـفحه
تـجـتـاحني الــذكـرى زرافـــات وآحـــاد ... والــشـوق يـسـهرني صـهـيله ورمـحـه
يــاخـي : تـعـبـت انـهـيـك وتــرد تـنـعاد ... عـطْني مـن اللهفـات والـشوق فسحه
جــمـر الـحـنـين بـطـيـب ذكــراك وقــاد ... وانْـهـو غـفـى: صــاح الـوله قـوم صـحه
بـلْـ كـاد الاقـي من التعب ،غفلة سهاد ... اخـطف مـن عـيون الـوسن مـيل قمحه
بـركـاد :ادور فـي صـخب شـوقي اركـاد ... جرحن:تعب يمشي على اطراف جرحه
فـوق الـشضايا مـرهف احساس واعتاد ... يـنـزف ويـمـسح دمــع جـرحـه بـدمـحه
حـرفـي صدى مـشـتاق يـاديـرة الـضاد ... وعــتـاب لـيـلـن غـايـبـن عــنـه صـبـحـه
عـمـرك عـرفت بـلاد تـشكي جـفا بـلاد ... أو شـفـت جـرحـن ضـمد كـفوف رمـحه
هـــذا انــا .. وانـتـي ..والايــام شـهَّـاد ... واوفـى الـجروح ومـاخفى صعب شرحه
تعليق