تويت
رواية مؤلمة والجيل يرويها لجيل
شفت العليل اللي تعب مافيه من يلقى دواه
ماله دوا يعني يعيش بعمره الباقي عليل
عليه لوجار الزمن روالا اكثر أصحابه جفاه
لا للزمن عنده بدل ولا لا صحابه بديل
القلب نادى يالخوي مافية من يسمع نداه
في غربةٍ ما مُرها طرقي ولا عابر سبيل
سمعت لي ذيبٍ عوا اضحك وانا اسمع عوام
لكن تكدر خاطري لحظة اصبح عويل
الذيب جاه اللي كفا والقلب جاه اللي كفاه
والكل منّا ي الخوي لو تثقل حموله يشيل
تدري وانا ادري من قديم الجمر يحرق من وطاه
لا تأمنه يا صاحبي حتى ولو شفته مليل
واللي زرع شوك الندم لا يزعل ليامن جناه
واللي يبي يجني بلح يرقى على جذوع النخيل
شفت العليل اللي تعب مافيه من يلقى دواه
ماله دوا يعني يعيش بعمره الباقي عليل
كانت قصيده عابره مدري حكايه او وصــاه
والا روايه مؤلمه والجيل يرويها لجيل
والكلمة اللي بدلت مرارة الصبر لحلاه
راحً الكثير من الشقا ماياقيٍ غير القليل
خل الأمل يرسم لنا صورة جميلة للحياة
رغم الالم رغم العنا والهم والحمل الثقيل
حتى الرجل لأمن دنا يومه وقصرت به خطاه
شف كيف تعطيه الأمل كلمة بعد عمرٍ طويل
كن الفرح في ناظره والحزن في بسمة شفاه
أنقى من دموع الفرح وأقسى من دموع الرحيل
جرحٍ كتبته في ورق يمكن يحسّه من قراه
يلقى به احساسٍ نبيل يحرك احساس النبيل
تعليق