تويت
ابعد عن الإسراف يا باغي الخير واحرص على الأرحام واحسن الى الجار
بيت الاسبوع الماضي كتبه للصفحة الشاعر علي رشيد الرشيد من رياض الخبراء ويقول:
ابعد عن الإسراف يا باغي الخير
واحرص على الأرحام واحسن الى الجار
وهذا صدى البيت من الشعراء :
الشكر للمعبود ما غرد الطير
واعداد ما هلت من الغيم الأمطار
بأمره نهى عن كل فسقٍ وتبذير
في مأكل ومشرب وفي كل مضمار
وأوصى بوصل الأهل ومسامح الغير
والجار وصى به ولو بالفعل جار
وأوصى بفروض الدين من دون تقصير
وأرخص لمن حاديه عن فعلها أعذار
ناصر بن جمعان آل عوض- وادي الدواسر
اعرف ترى الاسراف يورد زمهريرٍ
ويرمي كثير الخلق في لاهب النار
والجود شيخ الطيب من غير تبذير
ماجود في بيوت الاجاويد ما انهار
اوزن لاسم حاتم وسم سالم الزير
اياهم ارحم يا طويلين الاعمار
وجار المهادي ياعلي قصته غير
ومن هاجر ليا اثرب نزل بيوت الانصار
بدر الحزيمي
الله يدبرنا على فعلت الخير
كم حارتن فيها خيآمن للافطار
حاولت أذكر ياهل العرف تذكير
تدرون بلي حولنا وش حصل صار
حاذور يالمسرف انا اقول تحذير
خلك على ماقيل مسلم وشكار
سعد صنهات السهلي - الدرعيه
واعرف ترى الاسراف سموه تبذير
ما تجني الا تحمل اثام واوزار
الزم طريق العدل حتى انك تصير
قدوة لغيرك يتبعونك بالاثار
ترى الوسط طيب ويضبط لك السير
يحفظ من كيد العداء هم والاشرار
تمشي على السنه بحكمة وتدبير
تلزم طريق اللي يسمون الابرار
طلال الرشيد - الجبيل
بعض البشر فعله اليوم تبذير
شي يروع للأسف كيف ذا صار
ومهما أعبر من كثير التعابير
فعل مخيف ويجعل الكل يحتار
وزيارة الأقراب كله تياسير
ولوالدينك خص يا ولد الأخيار
العقل نعمة وينقصه بعض تفكير
يحتاج له توجيه يا رجال الأفكار
محمد عبدالعزيز الخنيفر
-اشيقر
شفنا النعم أكوام ولا فيه تقدير
وسط الزبايل وضعها فعل الأشرار
الطاغي اللي ما نفع فيه تحذير
لازم بحل عاجل ولابه اعذار
هذي رسالة وافهموا ياهل الخير
ومن شاف هالعادات بالحيل ينهار
الناس ترا أجناس وبالبعض تقصير
مشوا على الإسراف والدرب ذا ضار
ريان محمد الخنيفر-اشيقر
يامسلم احرص لا يجي فيه تبذير
حافظ على النعمة ترى الخير مدرار
كم واحد يشكي زواله وتقصير
والي فقدها بايت اليوم محتار
في هالشهر فرصة عسى الامر تيسير
ويا من وصل رحمه يسمونه البار
عساك سالم يابصير التدابير
الحق واضح مايبي زود تذكار
حمد عبدالله الوايلي-حوطة سدير
نصيحتك ياستاذنا جوها غير
تنهى عن التبذير معنى وتذكار
حياتنا لابدها من تدابير
من قيد النعمه ترى فيها الأسرار
يلقى بها عون ويلقى التياسير
راع القريب اللي قريبك ليا
زار..حقق مراده لاتدير المعاذير
كم واحد محتاج عندك وبالدار
.والجار راعه باليسر والمعاسير
هذي محاسن كلها خير وأبرار
عبدالمحسن بن محمد المحيسن -رياض الخبراء
سابق خطاك وعجل المشي والسير
سير على اقرابك ترى طيب من زار
ترى الوصل زود مع الحب تقدير
واحرص على قولة هلا للمسايير
قولة هلا يفرح بها نازح الدار
ترى البشاشه للوجوه المناعير
تغني عن التبذير لو صار ماصار
حمد محمد الحنو-عودة سدير
بيت الاسبوع
كتبه للصفحة الشاعر احمد بن ناصر المحرج ويقول:
عاد عيدك ياوطن والراس عالي
وعاد عيد ابطالنا بارض الحدودي
نستقبل صدى هذا البيت بأربعة أبيات حتى يوم الاربعاء القادم ويفضل الإرسال عبر الإيميل:
تعليق