هذه مشاركتي في الاحتفال الذي أقيم بمناسبة ترقية أخي سارح بن ظافر إلى رتبة لوا
[poem=font="simplified arabic,6,crimson,normal,normal " bkcolor="transparent" bkimage="" border="none,4,gray" type=2 line=1 align=center use=ex num="0,black""]
بسم الله ابدأ واصلي عالرسول النبي=أثنى عليه العزيز بقولهوما غوى)
تحيتي مبتداها يالهجوس اطربي=واجاوب الذيب لو بالصوت جر العوى
سلام يا من على العليا شب وربي=وللمعالي صعيبات المسالك طوى
يا صافنات القوافي بان لك مطلبي=انتي لجرحي في الشدات بلسم دوا
على ظهور العوادي يالجزال اركبي=اوفي لمن سار دربه ما ثنى والتوى
من قال من صافيات المزن جا مشربي=اوفيه حقه ونغدق للعطاش الروى
يا راية العزم رفي للحسام الشبي=مبروك لك يا رفيع القدر رتبة لوا
لوا مهندس ودكتور الهمام الابي=في كل ميدان شارك عالي المستوى
تسرع لكم بالمسير وما تجيكم حبي=يا من حفظ للعهود وما تبع للهوا
الوافيه مقسمك وصى اللبيب الصبي=تبذر وتغرس في ارضٍ طاب فيها النوا
قسمك يا بو ظافر اللي يعتلي ما غبي=يا من لكل الجمايل والمكارم حوى
من عامله يحترمه قريب والا اجنبي=تصل جمايله للعاني بساعة نوى
من فوق الاشهاد رايات الوفا تنصبي=رجل المواقف ولا في يوم عنها انزوى
يا لابة العز جودي والكرام انجبي=امثال حرٌ يحوم وللسمينة هوى
من عادته ما يخالط ذود فيه اجربي=عن مجمع اهل الدنيا يرتفع ما ضوى
ختامها بالصلاة على الرسول النبي=لعل بيت القصيد يخف لوع الجوا
[/poem]
تعليق