بسم الله الرحمن الرحيم
الستر زين يا البنات الغنادير
...............يا اللي لكن في سوق الأجواد قيمة
بنت العرب بنت الكرام المناعير
.............اللي لها سلْم المبادي وسيمـــــــــــة
ماتلبس المنكر ولا تقلِد الغير
..............لبس/ ن حشيمٍ والنوايا سليمــــــة
عباتها تضفي عليها ولا تجير
.........جور الذي ينقص من الحق ضيمــة
وماتلبس الخلخال في الشارع أتغير
............تضرب برجليها القلوب السقيمة !
وما كشّفت ذرعانها والهوى يغير
.................جلبابها الضافي حشمها حشيمة
وما سننت أظفارها كا المواشير
................مخلاب طيرِ حايمٍ في عديمـــــة
مدري تحارب به أو ( ابهيم ) بتصير؟!
........وإلّا جمالٍ في يديها الكريمـــــــــــة !!!!!
بنت الكريم اللي ضيوفه طوابير
...........تحشم أهلها في قصورٍ وخيمــــــــــة
سواقها ما شاف منها مهاتــــــير
...........تمشي على وضح الشريعة هميمــــــة
يا الخود يا الترفات ما هي تشاهير
.............هذا عتب مني لناسٍ فهيـــــــــمـــــة
وخوفوا من الله وأتركن المحاذير
.........ماذا بتطور ذا بلاوي وخيمــــــــــــــــة
وسلام مني في نهاية سنة خير
............في أثنين ذي الحجة عساها وديــــمة
مني أنا ( أسماء) وربعي المناصير
...........بنت الشدود اللي حطبها ضريمــــــة
شعر / أسماء الشدي .2/ 12/ 1439هـ
تعليق