[poem=font="Simplified Arabic,6,blue,bold,italic" bkcolor="silver" bkimage="" border="none,8,indigo" type=2 line=0 align=center use=ex num="0,black"]
يامحمد عزّ نفسك والردي وش لك به=يامجرّد جمعها ياطرحها ويساوي
وانت لو تحذف من الاصحاب وجه النكبه=عدّه اليابس ويسلم كل عودٍ راوي
بعضهم يلبس غتر حلوه وثوبه سكبه=والذي تحت الغتر والثوب عقلٍ خاوي
سوّد الله وجه من بعض العسل غشّك به=اثر له نيّه وما تدري وش اللي ناوي
الردي غربال والمعروف مايمسك به=ياحليلك يامحمد طيّبٍ وسحاوي
وقتنا ذا ماهو الوقت الذي خبرك به=ماهي النظّاره السودا هو السوداوي
يامحمد واعتباره سِرّ علّمتك به=والروايه ماتصحّ إلا بصدق الراوي
وش تبي ممن همومك كبرها تبرك به=وان سمع غنّى اغنية مياده الحناوي
يامحمد بعضهم لو ينقطع وصلك به=وانت فيك جروح يمكن تندمل وتشاوي
والذي ماعنده احساس ان عطيته ركبه=فاعطها الفضله ولاعاد البساس تماوي[/poem]