[align=center]بسم الله الرحمن الرحيم

السلام عليكم ورحمة الله وبركاته

تقبل الله من الجميع الصيام والقيام[/align]


[poem=font="Simplified Arabic,5,royalblue,bold,normal " bkcolor="transparent" bkimage="" border="none,4,gray" type=2 line=1 align=center use=ex num="0,black"]
يا الله اللي من طلب منه الفرج ما خاب ظنّه=يا كريم الجود يا معطي طليبه ما تمنّى
طالبك تعفي عن اللي كثرة ذنوبه حدنّه=كلما حاول يجنبها تقول الدرب منّا

ماله إلا فزعتك قبلِِ تروح الروح منّه=وقتها ما تنفع الشكوى من القلب المعنّى
الله اكبر يوم كان الدين له حنّه ورنّه=يحكم الدنيا وينشر في رباها كل فنّا

يوم كان الهم نشر الدين قرآنٍ وسنّه=في ربوع كان فيها الكفر له ناب وسنّا
راح ذاك الوقت ولا وانقلب ظهر المجنّه=يوم صار الهم دنيا أشغلتنا وافتتنّا

كل يدور هوى نفسه يظريها المحنّه=همنا منصب وسيارة وبيت وكيف بنّا
بعد ما كانت مشاغلنا مقارعة الأسنّة=ارتضينا الذل حتى راحت ارض القدس منّا

وقبلها ارض الأندلس واليوم بغداد أحتمنّه=الجيوش الكافرة والرافضة وإيران جنّا
تدّعي الإسلام لكن مالهم فضل ومنّه =يا حسافه يوم هان الدين عند البعض هنّا

بعد ما كنا ملوك الأرض ما فيها مظنّه=صار كل يحتمي داره وننسى من طعنّا[/poem]


[align=center]وسلامة الجميع[/align]