[align=center]بسم الله الرحمن الرحيم

السلام عليكم ورحمة الله وبركاته

هذه مجاراة لقصيدة اخي الحبيب ابن محسن [/align]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
سميت باسم اللي تذل له الاعناق=اللي نصر عبده على من نوابه
صوت سمعته زاد في قلبي احراق =جدد جروح مالها من طبابه
الا من اللي له مقاليد الاطباق=سبحانه اللي كل خلقه تهابه
ثم الرجال اللى تسابق وتشتاق=للفوز بالجنه بعزم وصلابه
مقدمين الروح والدم يهراق=ما هابوا الباغي ولا ما رمابه
جنود ابو متعب لهم باس حرّاق=يحرق هل الفكر الدخيل الغلابه
خالد ترا اللي خان عهد وميثاق=ماهوب منصور ولا من لفا به
هذي بلاد حبها دين واخلاق=الله جعل فيها الرسول وكتابه
من رامها بالشر معدوم الاذواق=مستعمر عقله وفكره غدابه
دليله التكفير وابليس سواق=كم مرة للجرم ودا وجابه
امه تركها والأبو صار له عاق=ويله من الله يوم يلقى حسابه
وش عاد يرجا منه مقطوع الارزاق=اللي خذاه ابليس واقفت ركابه
يعيش عمره مثل قطّاعة الساق=اللي لهم في كل ديره خرابه
يقتل ويسرق والعذر قول برّاق=حنا نجاهد ما ندور نشابه
شوهتوا الصورة على بيض الاوراق=اسلامنا ما هوب قتل ونهابه
حسبي عليكم فعلكم نشّف ارياق=تفكيركم فيه الخلل قد اصابه
بو متعب امهلكم وبالخير سباق=لكن تكبرتوا وخنتوا جنابه
ياويلكم يوم المخاليق تنساق= للحشر والمجرم يحصل ثوابه
والله مادام القلب بالنبض خفاق=وما دام لي عقل يميز صوابه
اني لجاهد شلة فكرها انعاق=بالشعر والا في المعارك حرابه
يالله ياللي مانشوفه بالاحداق=نطلبك تنصرنا على هالعصابه[/poem]


[align=center]وسلامة الجميع[/align]