إعـــــــلان

**نوال الشمراني** · Feb-13-2022, 11:52 PM

-

ليتني مثل النخل ما يجيب الا تمر
لجل ما يزعل عليه فلان ولا فلان

ادري ان الوقت حواج والدنيا ممر
والاصدقاء ما تذخر الا لحاجات الزمان

احد لا جيت عنده راحت ثمانك عن عشر
واحد لا جيت عنده غدت عشرك ثمان

-سعد ابن جدلان-

و
@جاهله@

**نوال الشمراني** · Feb-13-2022, 11:56 PM

-
معقول اغيّر عقول الخلق واقنعها ..
ماهوب معقول ياللي قال معقوله

ياخي.. انا يالله بنفسي اطوّعها ..
مالي على الخلق لا حكم ٍ ولا طوله

يالأجودي لو بنفسك شيّ موجعها ..
هالوقت غيّر كثير نفوس بسهوله

نفس ٍ ذليله تشوف المال يرفعها ..
و نفس ٍ عزيزه .. تركها الفقر مذلوله

و رجـل ٍ يجيها اللحّـاف بطقّة اصبعها ..
ياللي يمدّد بقدّ لحافـه رجوله

اثبت لك إنّا مع انفسنا نخادعها ..
وانّا نعيش الهزيمه .. كنّها بطوله؟

نقول دنياك لو ما طاعتك طعها ..
وهي عمرها ما تطيع الحيّ بميوله

وبإسم الرجوله عقب مالوقت شيّعها ..
قمنا نكابر بوقتٍ مابه رجوله

واحلامنا كذبةٍ عشنا نرقّعها ..
ونضحك على بعضنا بأحلام مقتوله

بإيدين مشلوله بنبني مرابعها ..
بالله من قد بنى بإيدين مشلوله؟

و النيّه الطيّبه من طيب منبعها ..
وكلٍ على قدر طيبه يسرج خيوله

مثل القصيده يدلّك طيب مطلعها ..
عنها وتبقى بكل لسان مقيوله

مانيب مهبول يعشق بنت ضيّعها ..
ولا سالفة عاقلٍ هايـم بمهبوله

السالفه كان ودّك تعـرف اسمعها ..
ياللي تلوم الدحيمي ..اسمع لقوله

زرعت ورده وليتي قبل ما ازرعها ..
فـي روض مشتل .. نشدت الروض منهو له

ويوم ازهرت شفت راعي الروض يقلعها ..
قدّام عيني وانا بإيدين مغلوله

وقّـفت مذهول و عيوني مدامعها ..
تشهق بدمع ٍ وقف بعيون مذهوله

ناديت ياعـمّ تكفا بس اطالعها ..
وأشحذ وجيه العرب واقول قولوا له

عين ٍ تجوع السهر من شان تشبعها ..
يا تنعمي يا تخلّي النفس معلوله

قالوا تبيها نصيحة بندقك بعها ..
ماهيب صوب الجفول ولاهي بحوله

وامسيت وانا اطفي الشمعه و أولّعها ..
في حروة الفجر .. مير الليل ياطوله

إن لمت عين ٍ..بكتها الثانيه معها..
وإن جيت ابانسى ولاهو شيّ ياهوله

من عقبها النفس طاري الورد يفجعها..
وألعن ابو الورد كلّه واعشق ذبوله

وآخر سؤال ٍ حرم هالعين مضجعها..
وأقفت تشوف الحقيقـه شبه مجهوله

ياخي.. اكفّر ذنوبي / يمكن ابلعها..
لكن اكفّر ذنوب الخلق معقوله؟!

- محمد الدحيمي -

و
@جاهله@

**نوال الشمراني** · Feb-17-2022, 11:15 PM

-

مساءاتكم جنه

كنت احسب ان قليلي بعينك كثير:

كنت احسب ان قليلي بعينك كثير
واثر اللي اسويه مايفرق معك

يوم انتثرت من العواصف والهجير
انا الوحيد اللي بيديني جمعك

واليوم يوم انه نفح منك العبير
ياورد صرت تجرح اللي يزرعك

ماكان هذا الظن يالحلم الكبير
خل الظنون اللي تغرك تنفعك

انا الغلا عندي اشوف انك بخير
وانت الغلا عندك هو اني اخدعك

انا احبك بس ماهو للاخير..؟
يعني تبيني اتبعك؟ ما اتبعك

انا جهاتك الاربعة وانا المصير
وانت اقدم اصواتي القديمه وما اسمعك

رح قدر ما تقدر واذا بتطير طير
ماني معك ولكن اشيائي معك

"سعد علوش"

و
@جاهله@

**نوال الشمراني** · Feb-17-2022, 11:19 PM

-

ازعل وترضيك الليالي والايام
ماجاك منا شي يزعلك منا

يغرك التفكير في بعض الاوهام
وتشوفنا مخطين وتصد عنا

لاتحسب انا للمقفين .. خدام
من يتبع المقفين مهوب حنا

مالك علينا حق في وصل الأرحام
عشان نمشي لك على ما تمنى

كنا نعدك ف القسى درع وحزام
الله يسامح وقتنا يوم .. كنا-

و
@جاهله@

**نوال الشمراني** · Feb-17-2022, 11:24 PM

حزين يابحر جدة:
-

حزين اي والله ان قلبي حزين وخاطري مكسور
لو اضحك واتضاهر باالسعاده يا بحر جده

وانا يا بحر يوم اصد واخفي دمعتي معذور
لك الله يابحر صديت والصده هي الصده

اخاف تقول عني يا بحر ضيدان بن منصور
وقف في يوم من الايام ودموعه على خده

وانا مانيب حيا الله بشر يكشف لك المستور
انا رجل ٍ يموت ولادرت الامواج عن سده

ولا اقف ماقف ٍ ماهوب قدي لا طغى المغرور
انا قد الكلام وما قفي قدي وانا قده

اباقف و ابتسم لو اني حزين و خاطري مكسور
إلين الله يفرجها علينا يا بحر جده-

"الشاعر-ضيدان بن منصور-

و
@جاهله@

**نوال الشمراني** · Feb-17-2022, 11:31 PM

-

قصيدة اباسألك :

الله يعـزر فيـك و الله يقبـلـك ان كان عرفك للضيـاع أقتادنـي
من يومني صغير اعشقك و أتأملك حتى تفرعن بي غلاك و سادنـي

كبرت احبك بس صـرت اتخيلـك غبـي تعلمنـي غـلا و اجادنـي
من أولا أشوفك و اعشق آدللـك واحب خيط العـذر لامـن قادنـي

و الحين لامني و لهت و جيتلـك قام أيتصيدني الحزن و أصطادني
فالشارع اللي هيبته هيبـة ملـك اللي تهجـا خطوتـي و أعتادنـي

من تحت شباكـك وودي أسالـك يغلا من أغليته غلاك أش فادنـي
لو أدري أن مستقبلـي مستقبلـك ما كان نقصني الغياب و زادنـي

هنا و بس و لاتضايق و أزعلـك بقفي فمـان غيابـك وماعادنـي
لا أقفيت عن عينك رجعت و قلتلك تكفـا ليـا قفيـت عنـك نادنـي

من حشمتك لو اوصلك ما أوصلك ياخي بثور من العذاب و هادنـي
احساسي أني ذنب فعيـون اهلـك إحساسي بالإحسـاس ذا أبادنـي-

"سعد علوش"

و
@جاهله@

**نوال الشمراني** · Mar-02-2022, 06:32 PM

-
مساؤكم خزامى

‏الرجل لامنه هرج تلقى على عقله دروب

لكن ترا أكثر ما يحيّر فالرجال سكاتها

ترا الغضب ماهوب لازم يظهر اللي فالقلوب

تظهره والله مزحةٍ ما تنحسب كلماتها

المدح هو كذب الصدوق المزح هو صدق الكذوب

تصيّد اللي في قلوب الناس مع مزحاتها

-محمد عبد الرحمن المقحم-
و
@جاهله@

**نوال الشمراني** · Mar-02-2022, 06:34 PM

-

ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به

أنا في رجى عطفك و أنا ملتجي بحماك
تفرج هموم القلب يافارج الكربه

إليا ذعذع الغربي وحرك غصون الراك
وناح الحمام بعالي الصوت يجهربه

أجاوب حمام الورق يا لايمي عساك
يحدك زمانك يم من لا تبي تقربه

ذليلٍ إليا جيته وحيدٍ تجر خطاك
كسيرٍ وقلبك واهج النار تسعر به

ألا يا حمام الورق ماشفت ولا جاك
ترى ينفع المهموم علمٍ يبشربه

عن الدار و أهل الدار و السر مايخفاك
وحيدٍ تحداه الزمن و أقلع بسربه

من أول يجوز العذر للي يروح هناك
و أنا اليوم حالي عذر ويش أتعذر به

مسكها حكيم الراي و أندارت الأفلاك
وقاد السفينه و أبحر النور مع دربه

الشاعر -رشيد الزلامي رحمه الله-
و
@جاهله@

**نوال الشمراني** · Mar-02-2022, 06:36 PM

-

نشفق على بكره وبعده وبعدين
أهم حاجة نطرداليأس عنا

إن زانت الدنيا فزين على زين
وإن شانت الدنياحملنا وشلنا

ماهو بكل أيامنا مسترحين
نرتاح يوم ويوم فيه انتعنا

يوم نمر مباركين ومهنين
ويوم نمر نعزي الحي منا

نرسم هدفناوإن تعناله سنين
ويمكن تفيض أرواحناماوصلنا

الشاعر - عيضه الشلوي الحارثي-

و
@جاهله@

**نوال الشمراني** · Mar-02-2022, 06:40 PM

فكر وناظر يا محمد ترى الحال
نفسي وتاليها مع الله خبرها

العين كن لها عن النوم عذال
تسهر وغادن نومها عن حجرها

والكبد ما تقبل من الحلو فنجال
والمر لو هو عشرق ما نقرها

دنيا هيال ولا لحقنا لها جال
وزيرت اميز سهلها من وعرها

كان أقبلت يا حلو هاك التبهلال
وإن ادبرت سوا على اللي حضرها

ما ظن فيها واحدن داله البال
إحفظ لدينك وإنتبه عن خطرها

تراه مثل الفي لا بد ينزال
والشمس هي ويا القمر من فكرها

الحق ينكر والتفاخر بالأموال
لاهين في غفلاتهم في دورها

كم فرقت من دولة عاشة أجيال
وإلى ومرها الله عطتهم نحرها

فعال نو الخير لاموه الانذال
كثرت تخاليف العرب في صورها

يالله يا عالم خفيات الاحوال
ياللي ذنوب العبد لاشا غفرها

طالبك أنا الجنة وحسنى بالاعمال
تقدر تفرجها إلى قدرها

الشيخ -تركي بن حميد- رحمه الله-

و
@جاهله@

**نوال الشمراني** · Mar-02-2022, 06:43 PM

-

يآ نجمة بآنت من الليل سآعه
بالثلث الآخر مع طلوع الثريآ

نظرت نظرة خوف مدري شجاعه
واثره ما غير النور من صدر هيآ

غرو لعبي لعب طفل الرضآعه
واليآ طلبته بعض الاحوآل عيآ

يآ سرع طرقة رمشهآ وارتفآعه
العين فيها النوم والقلب حيآ

يا ليت ابوها من قريب الجمآعه
لعل يحصلي من الشي شيآ

وان قلت انا طماع وابغا الطماعه
قال انت روح هناك وانا هنيآ

ماني من الي يرخصون الودآعه
عز الله اني ما احسبنك كذيآ

بضاعتي يا غليها من بضآعه
أغلى من عقود الذهب بالعليآ

الشاعر - صياف الحربي- رحمه الله

و
@جاهله@

**نوال الشمراني** · Mar-02-2022, 06:51 PM

-

قصيد عساك بخير:

عساك بخير.. ؟!
وش اول واخر جروحك
وش اخر واول فراقي.. ؟!

يقولوا..يقولوا .. من المسا تلملم بقايا نبرتي وتروح ..!
على اول ذكرى بالشارع
نسينا كل سوالفنا عليه و كل مواجعنا
وصرنا فيه ندورنا..

ندور من ملامحنا ملامحنا …!!!
تشتتنا .. تشردنا .. إلين إنا ندور في وجيه الناس
تصور ..ولاقطره ب وجيه الناس تشبهنا وتشربنا ..!!
وأرد ضاميك وبعد مثلي ترد ضامي
وأقول إن المساء كاسك.. وأصب عيوني ل إحساسك ..!
وأنا أتكسر مع كل أغنيه تفتح هدبها وألمح عيونك ..!!
ياعون الله …!!
تلاقينا .. تصور ب أغانينا تلاقينا ..!!
عساك بخير ..؟!!

وش أول وأخر جروحك
وش أخر وأول فرقاي ..؟!
يقولوا .. من المسا تلملم بقايا قمرتي وتموت ..!
نسيت أسأل …!!

صحيح تموت ..؟؟!!

الشاعر_سالم السيار-

و
@جاهله@

**نوال الشمراني** · Mar-02-2022, 06:54 PM

-

قصيدة الطيب :

تضحك تظن الحزن أنك دفنته.. أخفيت حزنك صح لكنه بانك..
ظنك طعنك العمر / والله طعنته.. من قبل يكونك موت كونت كانك..

ساكنك جوع وجوع غيرك سكنته [ماعشت نفسك يوم مره عشانك]
الطيب صنته لكن البخل خنته ماصنت نفسك لكن الطيب صانك

تبي الصراحه كل هالكون عنته اسمك يسافر فيه وأنت بمكانك
ماتنعوج بأنذال والطيب صنته لو تنعوج بأنذال عدلك شانك

لاماسجنك الطيب والله سجنته أطلعت كفك قبل يطلع لسانك
طيبك و صنته..أعرفك كيف صنته أن خان كفك قالوا الطيب خانك

-سالم السيار-

و
@جاهله@

**نوال الشمراني** · Mar-02-2022, 07:03 PM

-

راشد بن سالم بن عبد الرحمن بن جبران السويدي
(1905 - 1980)
-

لقب بالخضر، والخضر لقب لأبيه لقب به لسمرة خفيفة في لونه، احتوى شعره على الحكم والوصف والأمثال والتأثر بالقرآن الكريم، تناولها بأسلوب شعري شائق وبألفاظ شعبية من واقع البيئة الإماراتية.

1905 في 1905 ولد الشاعر في عجمان وترعرع فيها، وكانت إمارة عجمان بطبيعتها تربة خصبة تفتحت بها الكثير من المواهب الشعرية إذ لا يكاد يخلو منزل من شاعر يتغنى بالكلمة الحلوة، الأمر الذي جعل من عجمان منتدى ثقافياً شعرياً.

8 حين بلغ الثامنة من عمره توفي والده وعاش مع والدته، لكن رحلاته العديدة مكنته من الاطلاع على ثقافات الشعوب، وساهمت في تنمية ثقافته وأصبحت اشعاره من المأثورات الشعبية، كالكلمات التالية: يوم تبغي ييت بجمراي/ ويوم ماتبغي اتعايوبك.

14 حين بلغ من العمر أربع عشرة سنة توفيت والدته، وكان له أخ شقيق يكبره بسنتين اسمه عبدالرحمن فتكفل بهما ابن عم أبيه الشاعر ناصر بن سلطان بن جبران السويدي، الذى تعلم منه حرفة تطريز «البشوت».

18 وفي الثامنة عشرة من عمره توفي شقيقه، مما أثر في نفسية الشاعر راشد الخضر فأورثه نفسية عصبية ومزاجاً حاداً نوعاً ما، يأخذه عليه من لا يعلم شيئاً من خفاياه

1963 في عام 1963 كان ضمن مجموعة من أهالي عجمان الذين انتقلوا الى منطقة بورسعيد في دبي، ثم لم يلبث ان رجع إلى الشارقة 1980 لم يلبث ان عاد الى عجمان وتوفى هناك.

---ومن إحدى قصائده:

خـــدلـــج خـــــدك الـــلـــي كــالــســفــرجــل
سـفــر بــدر وســفــر شــمــس وسـفــرجــل

تــفــضـــل بــنــعــبــر عـــبــــرة ســهـــالـــه
بــمــيــل بـالــغــلــس قـــبـــل الــســفــرجــل-

و
@جاهله@

**نوال الشمراني** · Mar-02-2022, 07:07 PM

-

سالم بن محمد الجمري العميمي
(1910 - 1991)-

ولد الشاعر في ديرة في منطقة القرهود، ينتهي نسبه إلى قبيلة العميمي من إمارة دبي وهو أحد رواد الشعر النبطي في الإمارات يمتاز بغزارة الإنتاج مع جودته وتميزه بالخيال اللامتناهي

1950 ذهب إلى الكويت ومكث فيها لمدة سنة وما لبث أن عاد إلى دبي، حيث لم يكن سهلاً عليه الابتعاد عن وطنه

1925 سافر إلى مدينه الدمام بالمملكة العربية السعودية حيث عمل في كتابة العرائض

2 لمدة سنتين افتتح محلاً للتصوير الفوتوغرافي في منطقة السبخة بدبي بعد عودته من السعودية، ثم مارس بعدها التجارة عبر السفر إلى الهند وسواحل اليمن وشواطئ إفريقيا.

15 عاماً كان عمر الفنان بوروغه حين التقى بالشاعر سالم الجمري وقد نصحه الشاعر بأن يغنى الأغاني البدوية وتعاون الشاعر معه وأعطاه قصيدة «حارب الجمري منامه» ثم توالت الأعمال فيما بينهما لاحقاً.

1970 في فترة السبعينيات كان لافتتاح تلفزيوني أبوظبي ودبي دور كبير لبروز الشعراء في ذلك الوقت، حيث كان لشعر سالم الجمري وراشد الخضر وبن سوقات أحد نجوم البرنامج الشعري في تلفزيون دبي.

1980 صدر في بداية الثمانينات للشاعر ديوان وحيد اسمه «لآلئ الخليج» -

-
ومن إحدى قصائده:

تريد الهوا لك على ما تباه
وقلبك تريده يحصل مناه

وخلٍ توده تريده عطوف
صدوقٍ يعاهدك عهد الوفاه-

و
@جاهله@

إعـــــــلان

فوق هام السحب ( الشعر الشعبي) على متن القوافي!!!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق