إعـــــــلان

**نوال الشمراني** · Oct-31-2021, 10:49 PM

آخر رسالة :

آخر سالة قلتها أمس .. لو ترحلين تغرب الشمس ..

يصرخ الصمت .. يصرخ الهمس ..

يبتدي ليل .. تنتهي شمس ..

وتصبح الدنيا حزينة .. وتعيش في اللوعة حياتي ..

غربة في دروب المدينة .. غربة في نفسي وذاتي ..

انتهى صبري من أمس ..

ابتدى ليل .. سافرت شمس ..

********

الله لو تدرين ..

لما أشوفك ترحلين ..

وتبحثين عن كل شي ..خايفه تنسين شي ..

وتتلفتين في كل حين ..

وتلقيني جالس .. تضحكين ..

وانا حزين ما بيدي شي ..

انا حزين ..

الله كم تقسين ..

المشكله قلبي يلين ..

ولو تذكرين ..

آخر رسالة قلتها أمس ..

لو ترحلين تغرب الشمس ..

********

سكنتي في قلبي الخفوق ..

سريتي في وسط العروق ..

وتحسبين العشق .. هو خاتم وطوق ..

الحب يا عمري انا ..

لهفه وشوق ..

ولو تذكرين ..

آخر رسالة قلتها أمس ..

لو ترحلين تغرب الشمس ..

"محمد القرني"

ود
@جاهله@

**المحور** · Oct-31-2021, 11:13 PM

جميييل جدا وجذاب هذا المتصفح

**نوال الشمراني** · Nov-01-2021, 11:51 PM

المشاركة الأصلية بواسطة المحور مشاهدة المشاركة

جميييل جدا وجذاب هذا المتصفح

صباحكم جنه

المحور
منوّر متصفحي

شكراً وألف-

عاطر التحايا
@جاهله@

**نوال الشمراني** · Nov-08-2021, 11:08 PM

الدنيا الوسيعة

ضاقت الدنيا الوسيعه في عيوني
واصبحت عندي مثل مثقال ذره

ياصباح الدمع الاسود ياشجوني
بالقدر آمنت في خيره وشره

اشهدان ها.. صدق ماخابت ظنوني
شفت في وقت الضحى كل المجره

واعدوني واعدوني واعدوني
جعل مايبقى لهم ف الارض جره

جعل قومٍ جاو من دونه ودوني
ماتشوف عيونهم لحظة مسره

هيضوني لعنبوهم هيضوني
بالقصيد اللي غدا فالكبد حره

كل ماواعدت ربعٍ خالفوني
مابقى فالخُرج من حلفي مبره

وين ما وجهت يامكثر طعوني
كنها جيشٍ تمركز في مقره

آه يا(بخوت) صوبه ماخذوني
وين يام ووين قحطانن ومُره

وين فزعة ربعي اللي مانسوني
وينها بقولها الفين مره

ضاقت فياض الوسيعه وابهتوني
واصبحت عندي مثل مثقال ذره

ياصباح الدمع الاسود ياعيوني
بالقدر آمنت في خيره وشره

"الشاعرة-بخوت المريّة-

و
@جاهله@

**نوال الشمراني** · Nov-08-2021, 11:10 PM

شرديني ..اتبعيني :

شرديني ..اتبعيني

وزعيني في تضاريس الثواني

في محطات .. ومواني

اهدمي مجدي اللي ضمنّته

ملايين المعاني

احرقي خيمة حناني

شرديني

شردي طيور الأماني

اجبري ايامي ترحل عن زماني

غيري طعم القصايد في لساني

شرديني

اتبعيني

أنا بيتي هناك في اللاشي مكاني ..

"فائق عبد الجليل"

و
@جاهله@

**نوال الشمراني** · Nov-08-2021, 11:12 PM

تفارقني :

دايم تفارقني قبل حزّة العيد
وأقول صدفه يعني هالشي وارد

توّي عرفت المسأله بكل تأكيد :
ما يجتمِع عيدين في وقت واحد-

"أحمد الصانع"
ود
@جاهله@

**نوال الشمراني** · Nov-08-2021, 11:14 PM

جنون العاصفة :
ليلة مطر شق الرعد جـو الانفـاس
وامطر جنون العاصفه من حروفـي

اعد واذكر ناس .. وانسى بعض ناس
اشباح ذكرى تسكن اطـلال شوفـي
كان الزمان لصادق الحـب نبـراس
وكان المكان اطهر مكـان لوقوفـي
طفولتي ياحلـم ياغربـة احسـاس
يابعد شـق بخنجـر البعـد جوفـي

اصرخ ولكن تحتضن صوتي اقـواس
وجمرة قلم مرتـد تشعـل كفوفـي

[كل ماتكسـر للقلـم بيـدر المـاس
حدر السنابل تورق اغصان خوفـي

وكل ماخرج من معطف الليل نسناس
احاول اخـرج مـن ثنايـا ظروفـي

واكتب شعر تنزيل من وحي الانفاس
لعلها تقلـب حروفـي .. حروفـي

"الحميدي الثقفي"

ود
@جاهله@

**نوال الشمراني** · Nov-08-2021, 11:16 PM

هبّة الريح :

صديقي البحر وشلونك وشأخبارك !
أنا صديقك زمان شلون ما اعرفك !

مستغرب إني رجعت ! أحب تيارك
حنا مثل بعض أو ظرفي مثل ظرفك

أنت الشواطي تعوقك توصل لدارك
وتعود وتدور وتعاند بعد حتفك

وانا كثير أحتفظ في معظم أسرارك
من هبّة الريح للعطر الذي شَفك

"بدر الصفوق"

و
@جاهله@

**نوال الشمراني** · Nov-08-2021, 11:18 PM

إنتـ ماء :

ياشقيق المِطَرْ وَالأغْنِيَاتِ : إنْتَ مَاءْ
و انْتِمَاء السُّحب لِيْدِيك يسْمَا بَها !

والضُّلُوع الغُصُون الْحِين " ذبْلت " كِمَا :
صُوتِ بِنْتٍ تِغَنّي لَجْلِ غِيّابَهَا !

والامَانِيْ : حَمَايِمْ يُومِ صَدْرَكْ :
سِمَا ومِنْ رحَلْت الأمَانِيْ تَاهَت اسْرَابَهَا !

وكلّ بِيتٍ كِتَبْتَه فُوْق كَفّي نمى
ياسِمينَة شعور و كَفّي : تْرَابَها !

اييه والمح خَيَالَكْ فَ الوِجِيه الدُّمَى
واختنق بين : أروح ؟ وبين : وشْ صَابَهَا ؟

وارْتِبك مِنْ قِصِيده تِرْتِكبْ بِيْ دِمَاا
وارْتِكبْ لي قِصِيدَه سَهْو وَ ارْتَابَهَا !

ياشِقِيقَ المِطَرْ جوفي يِبَسْ وَ انْت مَاءْ
إهْطِل إهْطِل وِبلّ ارْجَاه وَ أعْشَابَها !

طِفْلِتَكْ مَاحْلَمَتْ بَالمُسْتَحِيل انّمّا :
حِلْمَهَا مَاتِعِيشْ الّا مَعَ احْبَابَهَا !

"العنود عبدالله"

و
@جاهله@

**نوال الشمراني** · Nov-08-2021, 11:20 PM

على آخر تراب الأرض :

علىآخر تراب الأرض ...

أحسن أن المسافة شبر ...

وكل الأرض ... ما تحمل تعب مشوار ...

أحس إني ... رغم صغري ... تفاهة عمر ...

في صدري ندم جبّار ...

يا ليت ... يا ليت ... ما كانت لي عيونك أرض

ولا عمري وقفت فـ يوم

على آخر تراب الأرض ...

تصّورتك ... وحزن الناس ...

جرح النّاس ... وهم النّاس ... في عيونك ..

تخوني النّاس وتخونك ...

تصّورتك في شامة ليل ...

على خَدِ السَّما الزرقا

زحَام والدنيَا سهرانه ...

أحَد نازل وَأحَد يرقى ...

وأحَد مِثلك يخاف من الَبلل والطين ...

يقول إن الرعد قاسي ...

يحس ان المطر سِّكين

يحسّ ان الذي يضحك ... يحس ان الذي يبكي ...

لا حَد مسكين ...

تصوّرتك ... ولا ادري ليه ...

ولا أظنك بَعد تدرين ...

يا انتي ان المسافه ِشبر ...

يا انتي إن الليالي َصبر ...

وكل الأرض ... ما تحمل تعب مشوار ...

على آخر تراب الأرض ...

على الميهاف ...

ومرتني الليالي خفاف

تَعدَّت عمري المعدود ...

دِريت ان الَمدى محدود ...

وان الليل لا شعرك ... ولا رمشك ...

ولا شفت الشفق في خدود ...

دريت اني عجزت املك ... ولو همّي ...

ونزيف الجرح ... من دمي ...

صحيح الدنيا ما تنشاف ...

وانا وانتي على الدنيا ...

وعلى الميهاف ...

أحس ان المسافة شبر ...

أحس إن الليالي ... صبر ...

وكل الأرض ... ما تحمل تعب مشوار ...

أحس إني رغم صغري ... وتفاهة عمر ...

في صدري ندم جبار ...

يا ليت ... ... يا ليت ... ما كانت لي عيونك أرض

ولا عمري وقفت فـ يوم

على آخر تراب الأرض ...

؛بدر بن عبدالمحسن؛

و
@جاهله@

**نوال الشمراني** · Nov-13-2021, 03:49 PM

مساء الخيرات

قصيدة ثورة الشك :

أكاد أشك في نفسي لأني
أكاد أشك فيك وأنت مني

يقول الناس إنك خنت عهدي
ولم تحفظ هواي ولم تصني

وأنت مناي أجمعها مشت بي
إليك خطى الشباب المطمئن

وقد كاد الشباب لغير عود
يولي عن فتى في غير أمن

وها أنا فاتني القدر الموالي
بأحلام الشباب ولم يفتني

كأن صباي قد ردت رؤاه
على جفني المسهد أو كأني

يكذب فيك كل الناس قلبي
وتسمع فيك كل الناس أذني

وكم طافت علي ظلال شك
أقضت مضجعي واستعبدتني

كأني طاف بي ركب الليالي
يحدث عنك في الدنيا وعني

على أني أغالط فيك سمعي
وتبصر فيك غير الشك عيني

وما أنا بالمصدق فيك قولاً
ولكني شقيـت بحسن ظني

وبي مما يساورني كثير
من الشجـن المؤرق لا تدعني

تعذب في لهيب الشك روح
وتشقى بالظنـون وبالتمني

أجبني إِذ سألتك هل صحيح
حديث الناس خنت؟ ألم تخني

الشاعر-عبدالله الفيصل

ود
@جاهله@

**نوال الشمراني** · Nov-13-2021, 03:51 PM

مُمطره هذي السّما:

مُمطره هذي السّما

.... مثل المواعيد الجميله

يالله نركض ف المدى المبلول

ونعدّ ال .. مطر

.... قطرة : قطرة

وماعلينا

لو دخل فينا البراد .. ولو تعبنا

... التعب :

بيصير راحه .. لا بغينا ..!

ياصباحات البلل .. والعشق

واغاني الحنين

اللي هوينا :

إرشفينا قطرتين مْنَ المطر

ومْنَ الشعر

إييه إرتوينا !

من بعد عمْر الجفاف اللي كبر بشعورنا

و من بعد ماذبْلَت اغصان الفرح بصدورنا

أمطرت هذي السما

... مثل المواعيد الجميله

يالله نِركض ف المدى المبلول

ونعدّ ال .. مطر !

"العنود عبدالله"

و
@جاهله@

**نوال الشمراني** · Nov-13-2021, 03:57 PM

جيتك أدوّر وجهي :

جيتك أدوّر وجهي اللي ضاع ف زحام العمر

........ للحين في بالك يمر ؟

دمعي .. شُحوبي .. بسمتي

تلويحة الحزن ف عيوني

والسهر !

يا عابر بين الضلوع الذابله : ماشفتني ؟

أنا لي عُمُر .. ما اشوفني !

ما اشوف غير عيونهم

... تبكي علي .. وتحوفني

مااشوف غير سنين عمري اللي نطرتني : تطوفني !

وجيتك أدور وجهي اللي ضاع

ف زحام العمر

.... للحين في بالك يمر ؟

"العنود عبدالله"

ود
@جاهله@

**نوال الشمراني** · Nov-13-2021, 03:58 PM

بستفزك :

بستفزك بالغياب وبالعتاب = لين أشوفك في جنون وفي ظنون
راح أعذّب خافقك والله عذاب = راح أخلّي عيشتك هم وشجون

ومن أشوف إحساسك المغرور ذاب = بعتذرلك وأرجع الخل الحنون
المصيبه لك غلا فوق السحاب = واللي أدهى إنته عندي ماتهون

ولو على إيدك يموّتني الغياب = راح أردد هو غرامي وهو يمون
هو حبيبي مهما كان ومهما غاب = هو نصيبي لو يصون ولو يخون

أدري هجره يفقد العقل الصواب = وأدري غدره يشعل الخافق جنون
ياحبيبي فدوتك كل الشباب = ببقى أحبك لو تكون اللي تكون

عش حياتك بالسعاده لاتهاب = دام حبك ساكن(ن) وسط العيون
إيه أحبك ، لا سؤال ولا جواب = إيه أحبك والخلايق يعرفون

حبك أكبر من عدد رمل التراب = حبك أطهر من ندى فوق الغصون
لو أبوصف لهفتي لك في كتاب = ضاع وصفي بين ياء وبين نون

ياسمين العمر من دونك سراب = والحياة بدونك أشبه بالسجون
وين أبرحل والمدى دونك ضباب = وين أبرحل والمدى كله سكون

لايغرك هالغياب وهالعتاب = ولايعاني خافقك هم وشجون
بس أنا حبيت من هذا العذاب = إني أشوفك في جنون وفي ظنون

"أحمد العلوي"

ود
@جاهله@

**نوال الشمراني** · Nov-13-2021, 04:00 PM

محروم :

يسعد مسا شخصن له القلب ولهان= زلزل غيابه خافقي من محانيه
لامن ذكرته ثاربي الشوق بركان= والهم شيّد في ضلوعي مبانيه

عايش حياتي بين لوعه وهجران= حتى خفوقي ضاعت أحلى أمانيه
من غاب عني عشت ياناس حرمان= محروم من عطفه وطيبة معانيه

محروم عايش بين آهات و أشجان =والشوق جرحن من غيابه أعانيه
وين الحبيب اللي سكن قلبي مابان =مسكين قلبي بالوصل دوم أمنّيه

بعّثر غيابه والجفا خافق إنسان= أبحر على مركب وفا من موانيه
شتّان بينه وبين هالناس شتّان =وافي ولكن للأسف ش اللي يجنيه؟

مرهق خفوقي من تجافيه..حيران= ودايما على طاريه فكري أعنّيه
له في خيالي بيت وأزهار وأغصان =عيّا الزمن يمحيه من فكري ويفنيه

وشلون من يزرع غلا يحصد أحزان؟ =معقول حبي صار ماعاد يعنيه
ليته يحس الشوق لاصار نيران =ياليت جرّب ثانيه من ثوانيه

ماكان جافاني دقيقه ولا كان =جرّب فراقي أو غيابي يدانيه
شفت بغيابه ويل أشكال وألوان =والهم حاصرني من إهناك وهنيه

لاقلت أنا تعبان..بلعون تعبان =والقلب متعب من وفاه وتفانيه
ملعون وقتن الوفي فيه خسران =قاصيه كاذب حاله من حال دانيه

وقتن تعلّى فيه زيفن وبهتان =حتى الألم ملّ الألم في أغانيه
يامنيتي في وقت مافيه إحسان =ضاع الخفوق اللي يحبك وأمانيه

المشكله بالحيل لك صار ولهان =وهجرك تمادى لين زعزع مبانيه
الشوق فيني ثار ثوّرات بركان =والهم زلزل خافقي من محانيه

"أحمد العلوي"

و
@جاهله@

إعـــــــلان

فوق هام السحب ( الشعر الشعبي) على متن القوافي!!!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق