[poem=font="Simplified Arabic,6,sienna,bold,italic" bkcolor="silver" bkimage="backgrounds/6.gif" border="none,8,gray" type=2 line=0 align=center use=ex num="0,black"]
انا قبل يومين او ثلاثه وانا مبسوط=ومنها وجاي الوضع متغيّرٍ كله
في الظغط مرات ارتفاعٍ ومرّ هبوط=وانا والله ادري ويش الاسباب والعله
تجاوزت في ذكرى المحبين عشر خطوط=والاشواق ماشالله عليها وبسم الله
ماحسّ انها ترتاح مابين شوط وشوط=وكلّه من اجل معذب القلب ورضى له
تمكن هواه العام في مهجتي مظبوط=يلين اصبحت ثاني فلسطين محتله
وبلّغني انه ناويٍ ينسحب بشروط=وقلت ايش هي ! قال انت صدّقتني ! لله
عسى الداب وإلا اللي يسمّونها ام نقوط=انا ويش قلت ! آسف وعفواً على الزله
اسوّي كذا لاصرت متضايق ومشحوط=ومثلي تجيه احيان هذي وتحصل له
ويالعالم اللي تفهم الشي بالمغلوط=هو ادرى وخلٍ يحسن الظن في خله
ومن فيه شريانٍ دمه بالهوى مخلوط=بقطع اليمين ان كان ماني شبيهٍ له[/poem]