إعـــــــلان

**سور الذكريات** · Oct-04-2010, 10:49 PM

المشاركة الأصلية بواسطة صمت الشوق مشاهدة المشاركة

نورت ياللي زدت هالكون بالنور
وفي كل قسم النور يازين نورك

تعال لي وخل غيرك يتم مقهور
وانا ترا جيتك ونطيت سورك

الــنــور نــورك وانطفى مشعل النور
وفي طلتك يكـــفــي لعيني حــظــورك

ان جيت عاني لك فـــلاني بمــقــهـور
وغيرك وقف وازعجه قولك وشورك
(( سور الذكريات ))

**غيآهيب** · Oct-04-2010, 10:52 PM

كان المشاعر توصف أحلى مزاياك
تتعرب مشاعر خاطري في وصوفك

زيـن ودلـع رقه بعض من حلاياك
أحساس جذابه لمنهو يشوفك

**سور الذكريات** · Oct-04-2010, 11:40 PM

وديت لو هو ود لحظه بلقياك
اعيشها بحساسـها وامنياتي
(( سور الذكريات ))

**محمد الجوف** · Oct-04-2010, 11:51 PM

ليه المسا عوق الشقـاوي وطبّـه؟ ...... وليه الهبوب تصحي القلب لا بـات
وليه القمر يدعي جريـح المحبّـه؟ ...... ويقول له يا هيه..ما فات ..ما مات
جرحك ظهر لو قلـت للوجـه خبّـه ...... وللحزن في ضحكك رسوم وعلامات
وليه المطر بالذات ريحـه.. وصبّـه ...... كنّه رسول بيـن الاحبـاب بالـذات؟
اشتـاق فيـه لشوفتـك واتنـبّـه ...... للي نسيته مـن مواقـف ونظـرات
لا استانس الخافق ذكر مـن يحبّـه ...... ورجع يراجع فالوناسات مـا فـات
يا مرتـع القلـب الحزيـن ومربّـه ...... يزيين بك مثل الذهب صدر الابيـات
هيهات ينسى القلب شخـص ٍ لعبّـه ...... وهيات يدله خاطري منـك هيهـات
سبك مديح ومـدح غيـرك مسبّـه ...... تقول واذني صوتها تقول لـك هـات
ونبع الغلا عنـدك وعنـدي مصبّـه ...... ومن الولا .. في خافقي لك ..ولاياات
وطيفك حطب عيني..وعيني مشبّـه ...... والشوق برد ٍ ما انقطع لو للحظـات
ومكانك الصدر ولـك القلـب شبّـه ...... بين الظلوع اللـي فردهـا التنهـات
ولك بيـرق ٍ فالقلـب حبـك يهبّـه ...... شامخ ولا هزه من العـذل غـارات
محبتـك فالوقـت ذا مـا تشـبّـه ...... الا بخيمـة بـدو بيـن العـمـارات
ان شفتني ضايق واهوجس واسبّـه ...... اخاف غدر الوقت.. والوقـت دورات
لا تحسب ان دمعي نـزل دون سبّـه ...... ابكي من الفرقا وهي مابعـد جـات
الـيـوم كــل امورنا..مستتـبّـه ...... وبكره ماندري وش معه من مسرّات
اربّ قلبـك مثـل قلـبـي اربّــه ...... ما يخلفه شور العـرب والمسافـات

**غيآهيب** · Oct-05-2010, 12:32 AM

حاولت أفتّش في ضلوعي عن احباب !
لقيت فيه احباب .... فجّت ضلوعي !!
وحاولت أرسم في المدى ضحكة اصحاب
لقيت فيه أصحاب ..تهوى خضوعي !!
وحاولت أدور ّ للغدر بعض الاسباب !!
مدري !بليّا اسباب !!طاحت دموعــــــي !!

**سلة أحزان** · Oct-05-2010, 01:18 AM

طفل ٍ .. مايدري عن الدنيا ومافيها
وقّف طموحه على كوره وسياره !

لاهي .. ودنياه تضحك له : لياليها
مايدري : أن السنين الغبر دوّاره

**غيآهيب** · Oct-05-2010, 01:29 AM

دور على الفرحة , لآ صرت زعلآن !
و اقضي على الضيقة لو كنت ضآيق .,

الله خلقك إنسآن , ب الطبع إنسآن ..
لك مقدرة على تغيير كل الحقآيق

و دآم الفرح ينسيك همومك و الأحزآن !
فرح خفوقك ب الذكر و تصير رآيق .,

**محمد مهدي ابراهيم** · Oct-05-2010, 12:30 PM

المشاركة الأصلية بواسطة سور الذكريات مشاهدة المشاركة

شب نور الثقه والجود بين الضــلــوع
واسر ليلك ونوخ عند وقت السـحــور

دوك قدامك المشرق ووقت السطــوع
وانتبه لا تخش الكف وسط الـجـحــور

كل هـــــــمٍ يـــزول وكل ذيبٍ يـجـــوع
والدفا ما روى اللي مات بين الزهـور
(( سور الذكريات ))

(سور الذكريات)
ابدعت بكل ماتعنيه الكلمه
شاعر مبدع الي الامام تحياتي لك

انـت حبيت بيت الشـعر بين الربوع
من يخالف طريقه جاه رجل المرور

المــواتر كثيــره مابــقى ايــات نوع
كـل موتر قديـم اتركه من دون شور

اخــذ الاصــل دايـم مالــنا بالفــروع
بيت فـوق البيـوت ولادخـل بالسطور

**فيض الخاطر** · Oct-05-2010, 03:33 PM

[align=center]مايكون السجود الا وقبله ركوع
لازم تْرتّب الافعال كلْ شي بدور
التسلسل يقودك لاكتساب القنوع
والتبعثر يبعثر ماجتمع في الصدور
الفهَم والكلام الذرب مثل الدروع
لاحتدم صوت الأحرف فوق موج البحور

[/align]

**غيآهيب** · Oct-05-2010, 03:41 PM

مصدر حياتي عزتي واعــــــــــــذرني

مقدر أواصل بالهوى حاني الــــــراس

صحيح حبك نقطة الضعــــــــف فيني

ما نكرت لكــــــــن عزتي ما لها قياس

**رهينك** · Oct-05-2010, 03:58 PM

تكفى ليا من جيت لاتحرمني
الحب وانا جيتلك كلي احساس
حس بشعوري يالغلا وافهمني
لاتحسب ان الحب علم وتدراس

**غيآهيب** · Oct-05-2010, 04:02 PM

الغايب اللي غيابه زاد عن حده
ليته درى عن غيابه وين وداني
غاب وتركني وحيد وخافقي هده
يكتبني الحزن عقبه ثم يقراني
وكان الغلا والوفا والحب ماسده
معذور والله لامر وتعداااني

**فيض الخاطر** · Oct-05-2010, 04:06 PM

[align=center]اعذرني ولا اعذريني

ارجوك لاهبّت هجوسي ذريني

قلبي متيم والبلا زوووود حسااااس

لامن تذكرت الغلا بلّ عيني
دمع ٍتحدر يحكي الحال للناس[/align]

**غيآهيب** · Oct-05-2010, 04:09 PM

ياكبر حبك بالضمير ومقامك
أبيع لجلك كل هالناس وأشريك
كني أطير من الفرح لإرتياحك
لاصرت مستانس وزانت طواريك
تعجبني البسمه ولهجة سلامك
أحبها لاأقبلت وأفز أحييك
تفرق على غيرك طريقة كلامك
في ذمتي كل العرب ماتساويك

**رهينك** · Oct-05-2010, 04:11 PM

المشاركة الأصلية بواسطة صمت الشوق مشاهدة المشاركة

الغايب اللي غيابه زاد عن حده
ليته درى عن غيابه وين وداني
غاب وتركني وحيد وخافقي هده
يكتبني الحزن عقبه ثم يقراني
وكان الغلا والوفا والحب ماسده
معذور والله لامر وتعداااني

قلبي خذاه الغلا للحين مارده
انا مغير اتعذب شوق واعاني
يحبني بالرخا وينسى في الشده
من عقب ماكنت الاول حطني الثاني
تطري علي كل ماطروا بحر جده
قولوا لها ليه عقب الحب تنساني

إعـــــــلان

# ســجـــل حــضــورك بـأبيات من الشـــعـــر #

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق