إعـــــــلان

**الشرقاوي** · Mar-18-2014, 05:26 PM

خذني معك لاجيت ترحل عن الناس
مالي بعد فرقاك بالناس غالي

أنت الوحيد اللي معه عشت الاحساس
وانت الوحيد اللي له ارتاح بالي

من بعد فرقانا غلب صبري الياس
مالي على الفرقا صبر وإحتمالي

أذكر ويسقيني حنيني من الكاس
وانسى ولا ينسى ضميري سؤالي

عن غيبتك وأسباب حزني والاتعاس
وظلم السنين وجور سود الليالي

بعد الغروب وقبل لحظات الادماس
يبدا مع اسراب الهموم إرتحالي

تخنقني العبرات وتضيق الانفاس
واصبح وحيد بديرتي وإنعزالي

بعدك عرفت إن الغلا ماله قياس
وبعدك عجزت اعيش يومي لحالي

**بروق الماس** · Mar-18-2014, 06:22 PM

خلّك معَ أو ضِد / ماهي مُهِمّـه

بسّ المُهِم إحساس قلبك .. ودُوره ..!

وش حيلة اللي شال همّك / وهَمّه

وآصبح وجودك مِن دواعي سروره ؟

**الشرقاوي** · Mar-19-2014, 09:59 PM

اعرف اني لو رحلت بيوم من سبة ظروف
،، يعني برجع مثل مايرجع الى البيت الحمام

في النهايه لي كلمة وكلها اربع حروف
،، بس والله انه معانيها ماتعدي أي كلام

ايه "أحبـــك" دام عندي انتهت كل الوصوف
،، مالقيت الا أحبــــك شفتها احلى ختام

**بروق الماس** · Mar-19-2014, 11:10 PM

تروى****يابحر****واصبر ولا تبدي كثير النوح
بعد****بدري****على****الضيقه** **ترا ماقلت وش جاني

عليك الله ترى قلبي هواه وخاطره يبوح
ابي تحفظ له اسراره,, ترى من مده اشقاني

تعلم كيف يخلص له على درب النقى بوضوح
تجاهل في طريق الحب هموم حيل تحدانـي

عطيته قلبي ونبضه وسميته عديل الروح
وقلت محال يادنيا ,,,ابدل عمري بثانـــــي

بدا يثقل ويتغلى وواجهته وقال مزوح
يقول الموت اهون,,,,, له اذا فكر بينساني

تمادى في الاعيبه وسبب لي كثير جروح
سرى بليله وعقب لي لهايب هم تصلانـــــي

تناسى كل ماقلته وبسهم الغدر صار يلوح
يتعاقبني على غفله وهمه كيف يمحانــــي

ولو الدنيا على كيفه يقتلني قبل مايــروح
ويتشمت على موتي ,,,,وللعذال ينعانــــي

صبرت وصبري ضاقت به هالدنيا وقم يـزوح
وتعذر لي هذاك الصبر,, يقول الصبر اضناني

اشوفك****يابحر****كنك تلملم امواجك****وبتروح****
بعد****بدري****على****الضيقه** **ترى ماقلت وش جاني

**الشرقاوي** · Mar-20-2014, 04:23 PM

يابحر لاتعاند والقمر فيك ذاب
هون الموج نفسي زادت طعونها

يابحر لاتزيد الموج بلا حساب
لاتذكر عيوني نظرت عيونها

صرت عايش وكني فوق متن السحاب
بعد مالروح باحت بحب مكنونها

وانا توني شباب لكن الراس شاب
صاب قلبي الهواء ليلى ومجنونها

**بروق الماس** · Mar-20-2014, 05:03 PM

تهادى شوقه لقلبي وحرّ الوجد في لقياه
يعانق شوقي احساسه واحس النبض بانفاسي****
شهق قلبي معَ حْضوره..وتسترسل حروفي آآآه
أبسأل بس وش قصة شعوري ولهفة آحساسي****
يداعبني****بهمساته..يذوّبخافقي ****بدفاه
يسيل الما وتورق بي غصون ٍ حيل يبّاسي****
يعذبني بنظراته وانا الشفقه على لاماه
ويتغلغل رسول الحب يسرق كل هوجاسي****
وأصيح بلهفة المشفق ياويلي آه يا لباه

**الشرقاوي** · Mar-26-2014, 12:44 AM

قلبي له اليوم .. ثالث يوم موجعني
وعيني لها اليوم ثالث .. تجمع طيوفك
والبال كنّه على دربك يوزعني
ولساني ماكنه الا خلق لحروفك
لاالنوم نافع .. ولا التفكير نافعني
انام واصحى على الباقي من وصوفك
بالله قلي .. شعوري هذا وش يعني !؟
طمنّي .. الله يطمن همّك وخوفك
بيني وبينك .. ترى اللي صدق ضيعني
ان انت في آخر لقا .. شارح لي ظروفك
مدري وش اقول .. لكن تدري .. اسمعني
خابرك وافي .. و أبيك تتم معروفك
ان كنت ناوي تسافر .. لاتودّعني
بس انتبه .. لا تسافر قبل ما شوفك

**مفارق..** · Mar-27-2014, 01:20 AM

[poem=font="simplified arabic,5,crimson,normal,italic " bkcolor="transparent" bkimage="" border="none,4,gray" type=2 line=0 align=center use=ex num="0,black""]
كم جيت له في ظلمة الليل هايم=أجرّ ثوبي والذيابه تجرّه
واليوم سبع سنين والحظّ نايم=مدري سلَى.. مدري لو ابليس غرّه
[/poem]

قنيب الذيب

**بروق الماس** · Mar-28-2014, 03:22 AM

مآبه أحد لآ ضآق صدرك يسليك . . .****

إلا كتآب الله يشرح . . .{ حنآيآك . . .****
يعطيك من آيآته أحكآم تنجيك . . .****
وتعطر أنفآسك وتزكي زوآيآك . .

**محمد مهدي ابراهيم** · Mar-29-2014, 12:51 AM

اقدم الحب للي يستحقونه
.....كلي فداوي لهم والروح تفداهم
العمر لك ياحبيبي لا تحنونه
.....لو نختلف يالغضي لابد نتفاهم

**بروق الماس** · Mar-29-2014, 01:08 AM

حنيت لك واشتقت لـك واحتريتـك
...........واهديت لك قلبٍ على الدوم مشتاق****
*****
علـيّ يشهـد خالقـي مانسيتـك
.............حبك سكن في خافقي وسط الاعماق

**محمد مهدي ابراهيم** · Mar-29-2014, 03:13 AM

اليوم غير الامس والناس تدري
..............اليوم ما يرجع اذا غابت الشمس
لو فقت من نومي من الصبح بدري
.............كانت عيوني شاهدت صاحب الهمس

لعلي وفقت في الرمزيه

**محمد مهدي ابراهيم** · Mar-29-2014, 03:15 AM

يامنتدى بلقرن حبك تعلا
.......شامخ تعدى المشتري والثريا

**بروق الماس** · Mar-29-2014, 03:33 AM

يامنتدى بلقرن صيتك كمالعود الازرق
بادارتك ومشرفينك واعضائك وزائرينك

**الشرقاوي** · Mar-29-2014, 05:00 PM

اعذب كلام الحب كلمه أحبك
لاقلتها لي ياهوى النفس باحساس
وارق كلمه ياحبيبي بقلبك
انسى بها نفسي على طول والناس
احب تنطقها الى جيت جنبك
اربع حروف عطرها فوق الانفاس
ينتابني منها شعور( ن ) بقربك
حروفها عقد( ن ) ومنظوم من ماس
أسلوبك اللي شدني فوق دربك
يطرد عن أيامي معك نظرة اليأس
ياخف دمك قلبي اللي يحبك
فيك الحلا يا فاتني ماله إقياس
من صادق إحساسي أحبك وأحبك
من حافة اقدامي الى هامة الرأس

إعـــــــلان

# ســجـــل حــضــورك بـأبيات من الشـــعـــر #

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق