إعـــــــلان

**الشرقاوي** · Aug-09-2014, 03:21 AM

خلاص يكفيني معاناة واياك
ارحل وبرحل مابقا شي فيني
اتعبتني واياك واتعبني ارضاك
واتعبت قلبي ياشقاي وونيني
محدن ترى فيني يسوي سواياك
محدن ترى غيرك اهمومه تجيني

**بروق الماس** · Aug-09-2014, 04:26 AM

لا تسال الناس عن مغرم هام****
في غبة اوهام بعيد مداها****
تلوح له شمس الهنا بعض الايام****
لكن ظلام الياس يسرق ضياها
يمكن بعد يومين يمكن بعد عام****
نفسه تحقق في هواها رجاها****
أو يمكن تضيع الحقايق بالاوهام
وتبيعه أيام بعمره شراها

**الشرقاوي** · Aug-09-2014, 12:15 PM

لو حصل ما بيننا صد وجفا
شمس حبك في عيوني ما تغيب

وفي حنانك يا بعد عمري وفاء
فيك معنى الحب يا روحي يطيب

صادق شوقك وشوقي لك صفا
لو تروح بعيد من قلبي قريب

في غرامك هام قلبي واكتفاء
في غيابك مشتعل مثل اللهيب

ومن عرفتك شوق قلبي ما طفاء
صدق إني وافي يا أغلى حبيب

**محمد مهدي ابراهيم** · Aug-09-2014, 04:55 PM

هذا القمر سار نصف ويمكن انه هلال
..........الكل شافه بدر واهلال هذا الصحيح
كم من شنب طول ليله لين اذن بلال
..........لكن بعد اااالسهر تعبااان جاله فحيح

بقلمي

**بروق الماس** · Aug-10-2014, 05:59 AM

"سافربقلبي وغيب وﻻ‌تسافر بعيد
ازبن ضلوعي الى جا الليل تمسي بها
ماعاد يمديك تسري جا ورى البيد بيد
نوخ ركاب الغﻼ‌ تعبت مناديبها

**محمد مهدي ابراهيم** · Aug-10-2014, 08:25 PM

سرى ليل من يهوى وقلبه معلق
........... يسامر نجوم الليل والناس نامت

بقلمي

**K . M . A** · Aug-11-2014, 12:27 AM

انا يابنت احمل احساس وشعور
احساس جميل يحتوي كل المشاعر
ماني الي يخدعك يلف ويدور
ولا من الي على حبك بكذبه يكابر
انا انسان عادي ماني مغرور
ماني عديم احساس على الحب جاير
صدق المشاعر فيني للشمس نور
واضحه للعين مالها ساتر
بكتب لك احساسي والقلب معذور
وهو على وصف حبك ماهو بقادر
ابي اكتب لك وادري ان فيه قصور
لانه يعجز بوصفك الف شاعر
مطلبي انك على دايم تزور
وفي غيابك مليت وانا صابر
انا بشوفك دايم اضحك ومسرور
وفي بعادك دايم الدمع حاضر

**بروق الماس** · Aug-11-2014, 04:08 AM

عـفـت الـمــلا بـعــدك وجتـنـي كـئـابـه
صـرت إنطـوائـي كـن مـا ليـه اقــراب****

(مـاكــنــي إلا عـايــشِ وســط غــابــه)
ماحــولـي اقــرابِ ولا حـولـي اجـنـاب

لـو صـحـت بعـلا الصوت محدِ درابـه
إلا الـوحــوش اللـي مشـاويـش الانياب

ســـود اللـيـالـي مــا علـيـهـا غـرابــه
(كـم فـرقـت بيـن القرايـب والاحبـاب)****

وش عـــاد يـاحــبِ ِتبـعــنــا ســرابــه
بين الرجــا واليـاس وشــروه وعتـاب****

اشـوف غـيــري مهتـنـي فــي شبـابـه
وانا شـابــي راح والـحــلــم مـاشـاب****

راح الــولـيـف اللـي زهـابـي زهـابه
عنـي تخـلا قـبــل توضيـح الاسـبـاب

يمـكـن ظـروفــه فـالـزمـان إتـحـدابـه
وانــا عـلـى قـربـه عـجـولِ وطـلاب****

انــا التـمـس عــذرِ لـحـظـرة جـنـابـه
بـس العـــذر ماسـد فــي غيبتـه بـاب****

يبـقـى الـســؤال الـلـي بـلـيـا إجـابـه
مـتـى يـعـود وتنتهـي كـل الاتـعــاب

إلـه الـغــلا والـروح فــدوة شـبـابـه
اللـي عليـه مـن الــولـه خـافـي ذاب

تشـفـع لــه ايـام الـغـلا فــي غـيـابـه
لـو****غـاب****زولـه****فالمعا ليـق****ماغاب

**ملامح الحنين** · Aug-11-2014, 04:27 PM

مليت اغني ماسمع غيري (أ)غناي
ويدندن المسحوب قوس الربابه

القوس سكين الحبايب..وبلواي!
صارت جروحي والحبايب تشابه

خلف الضلوع العوج ونَّات شكواي
اوجاع قلبن.. من غدابه..عذابه

بين الجفا ومواصلك ضاعت اخطاي
وانـْ بــَـح صوت الميجنا....والعَتابـه

غارق بمآك… ولا سقيتيني المآي
حلمي عطش والغييم كذبة سرابه

ملامح الحنين

**أحمد القعيد** · Aug-11-2014, 07:31 PM

تمااااااااااااااااااام

**الشرقاوي** · Aug-11-2014, 11:00 PM

انا ما جيت ابى منك ملائين وذهب والماس
وانا ما جيتلك ظامي عطش واقول ترويني
انا جيتك قلم عاشق يبي يكتب على القرطاس
يبي يكتب حكايه حب من أخر دواويني
يبي يحكي عن الماضي ودمعه حايرة فى كاس
وصورة من صدى جرح(ن)وحبآ ساكن بعيني
تمعن وانته تسمع قصتي يا سيد الاحساس
عشقت الليل والغربه وجرح العاطفه فيني
عشقت الحزن بعيون النهار وقلت له لا باس
سكن بي حظي العاثر تملك راحت يديني
وصارت كل ايامي غريبه فى عيون الناس
رحلت (ف)غربتي عاشق وطن جرحي يسليني
عشقت الموت موتي راحتى مابى ابد الحراس
دخيل اللى يكفني على قبري يواسيني
ويقرأ من حروف الفاتحه ومن سورة الناس
ويكتب فى وسط قبري حلم ميت من سنيني

**بروق الماس** · Aug-11-2014, 11:15 PM

يـا ملاكي ليه نقضت iiالجروح

الله يـسـامحك لـو لـوعتني

يا خفيف الروح يالوجه الصبوح

لـلهوى غـصب عني رجعتني

قـبلك احساسي تجمد مثل iiلوح

وعقب نظرات الخجل iiطوعتني

شفت في عينك وعد سعد iiيلوح

ومـن طويلات الهدب iiشجعتني

انبعث في قلبي اللي مات iiروح

ولـو نطق بيقول ليه iiأوجعتني

فاض حبي لك مثل طوفان iiنوح

ومـثل مـا فـرّحتني iiروّعتني

**الشرقاوي** · Aug-11-2014, 11:35 PM

اتحرى من زماني ساعتين
ساعة وداعه وساعة جيته

واحترق في كل ساعه مرتين
خوفي ينسى او تطول غيبته

بس يقبل تعتريني رجفتين
رجفة الفرحه ورجفة هيبته

مات قلبي ياخلايق موتتين
يوم شفته ويوم روحي حبته

**الشرقاوي** · Aug-11-2014, 11:56 PM

جف الكلام ومدت يدينها فوق
أخترت هذي .. وأنت شف لك سحابه

قلت .. ويديني تحتضنها مثل طوق
أخترت هذي .. هذي أكثر رحابه

هذي دفا صوتٍ من البرد مخنوق
هذي سؤالٍ نصف عمري جوابه

هذي هي اللي عرّفتني على الشوق
هذي قدر .. ماكنت حاسب حسابه

قطعة حزن في جيب بالي ومشقوق
ومضة فرح في عيون ناسٍ غلابه

أن سولفت في ثغرها لمعة بروق
وإن سرّحت في عيونها صمت غابه

واليا اضحكت نورٍ من الفجر مسروق
واليا بكت تحزن عليها الكآبه

حبي لها لوأدري ان فيه مخلوق
قدّ حبّ مثله .. قلت : "ياللغرابه"

هالآدمي من وين له قلب و عروق؟!
والصبر هالمسكين من وين جابه؟

وأنا أتكلّم .. ردّت عيونها فوق
ثم تمتمت : من هي هالأكثر رحابه؟؟

قلت ويديني تحتضنها مثل طوق
في ذمتي ما شفت غيرك سحابه

**ملامح الحنين** · Aug-12-2014, 12:11 AM

الناس اجناس والكلمه… بمضمونها
مثل المعادن تجيك…نحاسها والذهب

ماكل لحيه وشارب... لازم (ا)تصونها
بعض الرجال تحطها مابين جفن وهدب

والبعض في سوق المراجل لو يسومونها
محدن شراها ولوحتى بشوكة ...حطب

به حكمةٍ… ...للرجال اللي يعرفونها
من قالك حامضه..ماطال جني العنب

إعـــــــلان

# ســجـــل حــضــورك بـأبيات من الشـــعـــر #

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق