يمّه عليه إن زعـل واذا رضـى يمـــّه
يمّـه ذبحنـي غـلاه وشـــــلّ وجـدانـــي

يمّـه غرامـه طريـقـي ولازم اتــــمّـــه
شيٍ مـن الله علـى غفلـة تغَّشَـــانـي****

اشهق على ضحكته واشفـق علـى ضمّـه
واموت منه إن جفى وإن جاني احيانـي

إن كان درب الشقـى يمــــر مـن يمّـه****
والله لكـمّـل شـقـاه " إن الله احـيــانـي "

اقـول ياســـــــيـدي ويقـول ياعمّــــه****
كـلٍ ذبحـه الولــــه فـي عشـقـة الثـــانـي

اشتـاق طعـم الغديـر اللـي وســـــط فـمّـه
مقـدر اخبّـي عليـه اكتــــــــــب ويقرانـي

قمـت اشتكـي للغـلا واصيــــــح واخمّـه
ياشيـن بلـــــــوى الهـوى الله لا يبلا ني

يقـول لـي بالهـوى مذهـب ولـــــي ذمّـه
واقـول بكيفك ولـكـن لا تعـــــــــــدانـي

ابـي طريـقـك يصـيـر لوجهـتـــــي يِـمَّـه
ومنيـن يممـت وجهـك غـصـب تلقـــــانـي

يزمنـي بالهـوى زمـّـة ورى زمـّـــــــة
قطّـع وريـدة وخاطـه وسـط شريـــــانـي****

مبطي اذا خفـت صحـت وقلـت " يايمّــــه "
والحين اذا خفت صحت وقلت " ياحصانـي "

لا واهني من قـرب منـه ومـن ـشمّـــــه
ماكـن ربـي خلقـه الا علـى شـــــــانـي****

جيتـه وكلـي مــن الاشــواق ملتــــمّـه
امشي من الصبح ليـن ان عشقـه امسانـي****

ياحلو لوعـة شقـاه ويـا حلـــــــو سمّـه
والله ياهـو بالهـوى " مـن جـد ورانــــي "****

ادمـى عيونـي وحنـى يدينـــــي بدمّـه
وعلـى طريـق الولـه اقـفـــــى وخـلانـي

يمّه احبّه فديـت ابـوه قبــــــل امّـه****
يهزنـي هـز ريـح وزلـزل اركــــــانـي

وش فيه اذا البنت تعشق الهوى قمّة
خلينـي اعشـق قبـل مـا تابـس اغـــصانـي****

يهمنـي حيـل وادري فيـنـي اهــــــــمّـه
حتى اسألي روجـي الـوردي وفــــستانـي

لاآآآآزم أآآآآبطـي عنـك لأآآآجل أآآآولـــه عليك
اآآآآآنت مثـل اآآآآلمـاء حلاآآآتـه بالظمــاآآآ !!

نهاياتي.. بداية منتهاي.. ومنتهى مبداي..
مصيري/..‎‎ حاضري‎/ ‎‎‎..قصة حياتي/‎موجز اخباري‎

تغيب..وتسكن عروش الخفوق..ودفتري..واشياي؟
تنطحت الدروب وكل شيء يجيب لك طاري..‎


كتمتك وانكسر صمت القصايد واختصرت اخطاي؟
تعال اسمع معي نبض الخفوق وصوت قيثاري

مــــــال بـّــن اليمـــــــــن (ع) الكــــــاديه واهـــــــله شـــــنوني


ليـــــــــــــت من شــــــــــل من كاديـــــه ومن اهـــــدى بنونــــــــه




ناعــــــس الطــــــــرف ســـــلهم بالنظـــــــر وانتـــــــــاش نــــــوني


حيــــــن ريتـــــــــــه لمحــــــــــت المـــــــوت بين اهــــــداب نونــــه

‏


طال السكوت ولا بقى بالصبر حيل
..........حتى الكلام اللي بغيته / ، نسيته ؟
على اللذي يطري علي ( باخر الليل )
........اللي بموت وهقوتي / ما ، جفيته !!

‏


لو تطلب الغالي مع المال وتزيد
..........عمري وروحي دون عاذل ونقاد
اسرح مع الهاجوس من غير تنهيد
.........خوفت هَروج الليل والناس هجاد

‏


في مزاد الحب لو يكبر صنيعك
....... ما يسومك بـ البشر بايع غلاك !
من بغى فرقاك بهدومك يبيعك
.......ومن عشق طاريك بعيوبك شراك !

الأحمر زهرة الرمان واحساس الخجل والدم
والأصفر للجفاف وللعطش والنار والغيره

والأخضر للمحبه والسلام ومهجة المغرم
والأبيض للحمام وللغمام وبيض ازاهيره

والأسود لليالي والكحل والغامض المبهم
والازرق للسما والبحر وأسفاره وأساطيره

والأرمد .. للرماد .. وللحياد .. وجاره الأدهم
لدخان .. للغموض .. وللحصان وعج أحافيره

وبين الأحمر النافر والأصفر .. برتقال .. تم
كماله فالشفق والا ..الجمر لا .. إحمر تفكيره

ومن مزج الحمر .. والزرق تلمع للسما .. واليم
قناديل البنفسج وآية الزهر وتفاسيره

وإذا اللون من جرأته والا برد وأعتم
على الضي الظلام إن ما فرج ضيقات أساريره

هني اللي يداري بأوضح الألوان ما يعلم
يحسده .. من يهد جباله البيض لطباشيره

‏السهر : دافع لـ : ( نبش الذكريات )
.........وش نسيت وش ذكرت وش فقدت
حتى لو قلبي على الصبر .. استمات
.......ليتني : قبل اذكر الماضي ( رقدت )

كان المسافه ترفض اني اشوفك
خل اتصالك غصب عنها تجيني
وإن كان اتصالك يمنعه ظروفك
يكفي رسايل شوق بينك وبيني
وان كان مالي حظ حتى حروفك
خلك بعيد ومسكنك وسط عيني!!

‏


ليتك معي في كـل لحظه اشوفك
............كل الـدقـايـق والثـوانــي حـلالك
وان مـرنـي زولك وجتـنـي طيوفك
.............اقــول ياعمري عسانـي فـدى لك"

ودي اشيلك عن عيون المخاليق
واخفيك عن حسادهم لا يرونك

واشيل عنك الهم والغم والضيق
واقول لهموم البشر لا يجونك

واسَكِّـنِـكْ ما بين الحشا والمعاليق
هذي مداهيلك وهذي ركونك

ولا اشتقت لك افتح حناياي وآويق
لا ياصباح الخير شوفة عيونك

( ويـن أنـت )؟.يـآ وجـهٍ قـعـدت آتـحـرآك ..!!
............ بيـن الـوجـيـه .. الـرآحـلـه ، والـمـقـيـمـه ..

كـن الـلـيـالـي .. وآعـدتـنـي بّـ ( لـقـيـآك ) ..
............ بين الـبـشـر / وإلآ على مـتـن ، غـيـمـه ..

( مشتآق لك ) وش يعني الشوق لـولآك ..؟!
............ يـآلـلي جـعـلـت لـ قـسـوة الوقـت قـيـمـه ..

إستعدي يابيوت الشعـر موقفنـا خطيـر
قامت الغربـان تفـرد فالسمـاء جنحانهـا****

ذا يطير وذا يحـط وذا يحـط وذا يطيـر
نوب في روس الجبال ونوب في وديانهـا****

ما درت بإن الجبل راسي فالأول والأخيـر
ثابت وما همتـه لـو ناعقـت غربانهـا****

والحمول اليا ثقلت ما يبرك لها الا البعيـر
والدروب الكايـده حنـا نعـرف حصانهـا****

والخطايا تندفن في قاعـة البحـر الغزيـر
والمعـزه والغـلا مـا سكـرت بيبانـهـا****

تستدير أيامنا مثل الرحـى اللـي يستديـر
والبيوت الخايبـه تهـدم علـى سيسانهـا****

من زرع خير لخلق الله يجازونـه بخيـر
ومن زرع شر لخلـق الله لقـى عدوانهـا****

ومن رفع قدر الصغير وقام في حق الكبيـر
شاخ في العربان لو هي واجـد شيخانهـا****

والبلا كل البلا من راس معـدوم الظميـر
النجاسـه وسـط قلبـه تشتعـل نيرانهـا****

بالنميمه أصبح لسانه كما السيف الشطيـر
وأطلق لنفسه على سب الرجـال عنانهـا****

كنه اللي كل عصر بين خلـق الله تسيـر
وبالحكي فأعراض خلق الله تعلج لسانهـا****

ما سلم من دندنتهـا لا كبيـر ولا صغيـر
ومن نجاسة قلبها تاكـل لحـوم أخوانهـا****

وما يسوي ذا السواة إلا الردي وألا الغرير
الرجل مـا يقـرب الهزلـه ولا ميدانهـا****

ومن يقول إبن آدم مظهره لفـواده سفيـر
كلمته ذي ما أعتقد يرجـح بهـا ميزانهـا****

مأكثر اللي في حشاها تحمل الحقد الكثيـر
غير تخفي حقدها بإظهار ظحـك أسنانهـا

والزعل مابينها وبينه سوا سلـك الحريـر
بأتفـه أمـر يعترضهـا ينفجـر بركانهـا****

يالله إني بك من ضعاف الروابع أستجيـر
عالـم ضاعـت وقـام يقودهـا شيطانهـا****

وطالبك تنعم علي بخوة الرجـل البصيـر
الفهيم اللي يحـب مـن العلـوم سمانهـا****

خوته بالوصف شعله من سناهـا نستنيـر
وتدفي وتبطي وهي مـا رمـدت عيدانهـا****

أطيب من اللي على وصف النبي نفاخ كير
كنه الأثلـه مـن شعلهـا عاقبـه دخانهـا****

يهدر ولامن ثقل حمله رغى عقب الهديـر
والوفاء والطيب عنـده ضايـع عنوانهـا****

له عيون مبصره لكن لـه قلـب ضريـر
والقلوب اليا عمت ما فاد شـوف أعيانهـا****

وقرب مثله ياهل الألبـاب شـر مستطيـر
حية مـن قـرب منهـا عضتـه نيبانهـا****

ويش أبي به دام له في كل ساعه وجه غير
الله إنـه يقلـع الشجـره علـى ديبانهـا****

بأترك العـد المغثـرب وأتهيـأ للصديـر
ما أبغي ضعـاف الروابـع لا ولا بلدانهـا****

أبغي اللي عنده الأسرار كنها وسـط بيـر
حتى لو هي هينه يحرص علـى كتمانهـا****

وأبغي اللي لا بدا لي حاجة فأمـر عسيـر
قال تبشر بالسعد وأزهل ويقظـي شانهـا****

صاحب مثل الأخو نصاح وحـزام وشويـر
وطلق اليا عقدت بعـض العـرب حجانهـا****

وإن بغاني والله إن أصير اللي ما يصيـر
لو أولف له أسود الغـاب مـع غزلانهـا****

لأنه بتقديري وفزعاتـي ومدحـي جديـر
والنفوس اليا أحسنت تجزى بقدر إحسانها****

وفي الختام أحب أكـرر كلمتيـن فالأخيـر
علها تحفـظ ولا يمكـن لأحـد نسيانهـا****

من زرع خير لخلق الله يجازونـه بخيـر
ومن زرع شر لخلـق الله لقـى عدوانهـا****

ومن رفع قدر الصغير وقام في حق الكبيـر
شاخ فالعربان لـو هـي واجـد شيخانهـا

ياصاحبي لامرك الشوق وأشتقت
أعلم ترى صاحبك ميت بشوقه

وده يسابق سير الأيام والوقت
ويحضن غلاك ويزرعه في عروقه