إعـــــــلان

**بروق الماس** · Sep-13-2014, 11:12 PM

وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى

**بروق الماس** · Sep-13-2014, 11:14 PM

نآدوا سـمّـيك وآنثنآ الشوق وآيقنت
بـ آنـك هنآ بيــن الضـلوع المحآني

صديت مـآقصدي جفآ لكن آمنت
بـ إن الهوى مثل السفن و الموآني

**abohla** · Sep-13-2014, 11:23 PM

والله ماصديت لكني اقفيت
يوم شفت خلي مل مني ونساني
وان كنت ياهل العرف قولوا لي اخطيت
فخلأص ترى اللي جاني كفاني

**ملامح الحنين** · Sep-14-2014, 05:48 AM

ياذيب
وش خلاك تامن حربة الخاين وقوس الرامي
وانت الذي هابتك حتى الجن والسبع القوي

**abohla** · Sep-14-2014, 06:36 AM

الله على وقت حدى العابر لحزم الضامي
والذيب من طبعه يجر الصوت ويعوي عوي

**ملامح الحنين** · Sep-14-2014, 12:09 PM

ياذيب
يللي.من ورا حدب الضلوع تعوي

جرحك
عميقن عزتيلك والعظام حطامي
مابه ذيابن ياصلونك ولا طير شلوي
وش حيلتك والجوع يعبثبك وكبدك ظامي

**بروق الماس** · Sep-14-2014, 02:58 PM

ينشف العرق واحيان المعاني تطوف ..
.. .. .. .. .. .. .. .. .. .. .. .. .. أطلق اعنانها من شيمتى للضـيـاع .. !!

نيتي صافية ماشوهتها الصدوف ..
.. .. .. .. .. .. .. .. .. .. .. .. .. وان قست دنيتى كلي رضا واقتناع ..!!

مالي الا النصيب ولو حشدت الصفوف ..
.. .. .. .. .. .. .. .. .. .. .. .. .. ومن بغـاني اطيعه يطلب المستـطـاع ..

دام هالشمس حيـة ما اهاب الكسوف ..
.. .. .. .. .. .. .. .. .. .. .. .. .. خـابــر أول نهـاري يبتدي****بالشعاع

**الشرقاوي** · Sep-15-2014, 12:02 AM

صحيح إني من أول كنت من شر الهوى مذعور
وكانت أمنياتي في نطاق العيش محصوره

وصدق اني من اول قبل احبك كنت ديكتاتور
وكنت انسان يحمل في ضلوعه نفس مغروره

ولكني امامك صرت مثل التائه المسحور
وحسيت ان قلبي يرتجف والروح مفطوره

وفي لمح البصر سلمت لك أمري وانا مجبور
كمثل اللي يسلم جسمه المتعب لدكتوره

وانا ما كان ودي بوح سري واكشف المستور
وتصبح قصتي فوق الورق للناس منشوره

ولا ودي يظل الحب داخل مهجتي مأسور
وبرد الصمت يصبح في ضلوعي نار مسعوره

لهذا بحت لك بالسر بالمسموح والمحظور
لعلك ترجعي لي قلبي اللي طار عصفوره

بلاني الله بك والمبتلي لو يحتسب مأجور
وأنا معذور وانتي لو لزمتي الصمت معذوره

**ملامح الحنين** · Sep-15-2014, 12:26 AM

حنيني والوله.. ملحٍ يهيج جرحي المفتوح
سطى بي لين ماخلا سوى نوحي وحسراتي

جراد الهم يفتك بالسنابل والسنابل روح
على كف الغياب اللي خذاك بذنب هقواتي

تركني كل مافيني جروحن تشتكي لجروووح
اعض ابهامي ابنيبان حسراتي.. ولوعاتي

بقلمي

**مذهله..!** · Sep-15-2014, 12:44 AM

‏

على يدّي ومن مكنـون وديّ
..........تعلّمـت القرايـه والكتـابـه
أدوّر لك لحـون ٍ مـا تغنّـا
...... .وأغنيّها على قـوس الربابـه

**بروق الماس** · Sep-15-2014, 05:31 PM

قامت قيامـة غلانـا وأنـت مـا تـدري
في غيبتـك عـن عيونـي قامـت قيامـه
ماهيب في الكون يا أغلا الناس في صدري
مابيـن شوقـي وبيـن الصـد وإجرامـه
في الروح ساكن وفي وسط الدماء تجـري
وإجرام صدك علـى خـد الغـلا شامـه
وإن طال صـدك وبعدك مـا نفـذ صبـري
قلبـي يسـوق الغـلا والصبـر قـدامـه
حكمة وقـد قالهـا العشـاق مـن بـدري
من يسلب القلـب يقـدر يسلـب أحلامـه
يامتلف الروح حبك في الحشـا حصـري
وقلبي على درب حبـك متعـب أقدامـه
لو مات حبي بقلبـك مـا نقـص قـدري
يبقى على الجـرح قلبـي شامـخ الهامـة
وأن ماتبي القرب يا أغلى جرح في عمري
إنساني أحسـن ودفـن الميـت إكرامـه

**قيـــ بـدون ـــود** · Sep-15-2014, 11:22 PM

تمرّ .. هاجس امل ضامي يطارد سراب
وتروح .. حلم ٍ جميل بعين من شافها

تلوح مثل البرووق وتستثير السحاب
وعلى ضفاف القلوب تشكل اطيافها

**الشرقاوي** · Sep-15-2014, 11:52 PM

يسعد صباح العيون الصاحيه بدري

ويسعد صباح الغرام والعذب وعناقه

من قلب ينبص بالغلا غصب ولا يدري

وعيون نامت علي صورتك مشتاقه

**بروق الماس** · Sep-16-2014, 01:41 AM

يازمن****لا زاد جورك .. لا توريني همومي // // // يكفي اللي صابني من هم .. وارفق يازماني

أنت تدري يازمن ماترتخي عندك عزومي // // // بس تكفا .. لايزيد الظلم في عمر الأماني

كم تحديتك وأنا ما أعلنت في صدك هجومي // // // كثرتك فوق الشجاعة وين أنا ربي رماني

صحت من كثر الجروح وصرت مع ليلي ويومي // // // صابر رغم الألم والهم ثابت في مكاني

أدري إن الضيق لو طالت دروبه مايدومي // // // منتظر يوم الفرج لو كنت من ظلمك أعاني

ومن نشدني وش علومك قلت يالله ياعلومي // // // علميه إني انظلمت ووقتي الجاير جزاني

علميه بكل جرح .. مبتليني لا يلومي // // // علميه إن العمر لأقسى مشاويري خذاني

علميه إن السهر يزعل ليا جا وقت نومي // // // وعلميه إن الحزن معطي حياتي شكل ثاني****

علميه إن السعاده في حياتي ما تدومي // // // واسكتي لا شفتي إن الدمع وسط العين جاني

**ملامح الحنين** · Sep-16-2014, 01:44 PM

انا بين انسكاب الما
وبين البين والتبيين

اذا غبتي كثير اظمى
ونا لاغبت.ماتظمين! !؟

صباحٍ يفقدك اعمى
وليلي ينتظرك تجين
جروح و؛جرحي الادمى
سنيني تنزفك… للحين

إعـــــــلان

# ســجـــل حــضــورك بـأبيات من الشـــعـــر #

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق