قال الشاعر: [من البحر الطويل]

ــــــــــــــــــــــــــــــ ـــــــــــــــــــــــ
يُميتُ الطَّعامُ القلبَ إن زاد كثرةً
*
كزرع إذا بالماء قد زاد سَقْيُه
ــــــــــــــــــــــــــــــ ــــــــــ
وإن لبيباً يرتضي نقصَ عقله

* بأكلِ لقيماتٍ لقدْ ضلَّ سعيُه

لا صرت لا من جيت ما انت في مقدمة الصفوف
أحسن تغيب وتمسح الشرهات في عذر الغيــاب

ياطالب ود المراجـل ماتجـي لـك عالشفـوف .. مادمـت تطمـح للمعالـي لاتخـاف ولا تهـاب

المرجله يتعـب لهـا الرجـال ويمـد الكفـوف .. يحدا لها بيض النوايـا مثـل ماتحـدا الركـاب

ميدانهـا ماكـل خيـال بمظـمـاره يـطـوف .. ماطب في في ميدانها ملا شرب ( مر) الشـراب

لو كنت يا ثوب الرجوله تعتلـي كـل الكتـوف .. كان اصبحت في لونك الزاهي سواء كل الرقـاب

يامهرها الغالي لو انك سهـل طالتـك الالـوف .. لكن حلاوتك انك اصعب من صعيبـات الصعـاب

اعلم وخذ وجه النصيحه قبل تـدرك الحسـوف .. وتصير هقواتك على الفاضي سراب في سـراب

لا تنخدع دام الحذر يغنيـك فـي كـل الظـروف .. عن عالم ترقص ليا منه نعـق صـوت الغـراب

عن عالم لامن مشوا جنبك تقول انهـم وقـوف .. وليا مشوا في غيبتك سلـوا طويـلات الحـراب

بعض البشر سبرنق دامك ضاغطه مامنه خـوف .. الخوف لهملته وهـو لقشـر سريـع الانقـلاب

وبعض البشر لاشفته اول ( مره) احسن ماتشوف .. له قامـة ماكنهـا الا طـول ناطحـة السحـاب

وليا عرفته من قريب الا وهـو مابـه وصـوف .. راس آدمي جذع شجره مسنود تستـره الثيـاب

ترى حياتك مدرسه واوقاتـك البيضـاء سيـوف .. اطعن بها صدر الدجى لامـن تغشـاه الضبـاب

تبي الحقيقه والحقيقه تغنـي الرجـل العـروف .. عن طرق باب وكسر باب وقفل باب وفتح بـاب

لاصرت لامن جيت منته في مقدمـة الصفـوف .. احسن تغيب وتمسح الشرهات في عذر الغيـاب


ــــــــــــــــــــــــــــــ ــــــــ

الشاعر / ناصر الحارثي

أنت وينك يالسروق اللي سرقني
رد لي لو راحتـــي ودي أطــيب
الزمان اللي على دروبك رشقني
كني الديمه على القاع الجـديـب
يوم جيت أتذكره لا ما صدقني
و قال لي انت البشر تخطي و تصيب

لو يلوموني في حبه كلهم
تصدق ماسمع لهم وامشي معاه
دامه معاي بحريقه مع نفسهم
ضحكة شفاته تغنيني عن سواه
وجرحي له يهمني اكثر من جرحهم
قالو نسيت وقلت عادي فداه
بلغهم هالحكي واحرق كيدهم
لو فارقوني عادي ماضيهم ابنساه
بس لو ليله نسااني سيدهم
ا ه .. من ليلِ طويل عيني بتقضاه
مجنون فيه <ويكفي< وش علي منهم
عساه يبقالي طول العمر يالله عساه

لا تعاند يوم تدري في غرامك
وأنت حبكـ صآآير لقلبيــ عذآآبه
لآآ يهمك صرت في مرمى سهآآمك
وصرت جآآهز والقهر فصل ثيآآبه

مثل الضمآ غيابك على فكـة الريق
ومثل المطر شوفك حنين وأغاآني
احياآن احـس اطيق واحيان ماطيق
واحيـآن أحـس الوقـت مثلك خذآني

وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى

الا يا وليفي وش بلا خاطرك ملهوف
ورا عينك الحلوة من الدمع غرقانه
فداك الحشا والروح يا ضامر السرجوف
فدتك العيون اللي من الشوق سهرانه
على شان بيتن لي كتبته ثلاث حروف
اودع به اشواقي على شط قيفانه
انا ما بغيت ابعد لكن الحياة ظروف
تقلب لياليها ما تثبت على خانه
تراك انت عندي يا الغلا يا نظير الشوف
عديل الخفوق ولا تجي مثلك انسانه
غيابك عذابي والثواني تقول سيوف
تمر اكثر من العام والنفس ولهانه
ليا غابت الدانة طريق الهوى معيوف
لو ان الشوارع بالغنادير مليانه
فلا غيرها حسنا ولا زيها معروف
ولا مثلها عندي ولا فالبحر دانه
ليا حل طاريها تصف الحروف وقوف
وافصل من الديباج لعيون فتانه
دعيت الغزل واثنى على قدها الموصوف
تحضر عفاريته ليا قام شيطانه
وهي كنها الساحر وانا كني المعطوف
ملكني دلل واستغفر الله سبحانه
عسى من يلوم اللي بها خاطره ملهوف
يعلق بحب اللي من الزين سلطانه
تصد بتغليها وهو حايرن ويطوف
سلب عقله الغدار بعيون نعسانه

يامعلقن حرفي على غض الانهاد
مليتني غيره على اول حروفي

عطيت حرفي منك حلوات الاوساد
شي(ن) تحبه م الملامس كفوفي

عندي معك بالحب ياحلو ميعاد
وانا على الاسفار يا كثر طوفي

علمتني بالليل ياحلو الاسهاد
ظاميك انا وانته عجايب رشوفي

في وصف مثلك تعجز الصاد والضاد
ويعمى على سطري من الوصف شوفي

صار القلم بالسطر سرداد مرداد
وانته مع الاحلام غالي ضيوفي

أهواك انا ياجامعن كل الاضداد
ويموت في شوفك مع الشوف خوفي

صرته شرابي ياضنيني مع الزاد
وانسى على شانك عجايب ظروفي

لك في خفوقي ياغلا الروح مقعاد
وعيني سبب فرقاك دوما(ن)ذروفي

خليتني شاعر غريبن باالانشاد
وانا على فقدك كثير الحسوفي

هي قصة بالفكر ياحلو تنعاد
قصة غرامن تذبحه لي صروفي

ينقص لنا وصلن والابعاد يزداد
ينقص وهمي ياكل اليوم جوفي

الـحـب .. بحـر ٍ .. غـصـت فـيــه .. وتـعـلــّـمــت

ان الـعـشـيــق احـيــان .. يـقـهــــر .. عـشـيــقــه



إي والله انـــي .. للـعــنـــا .. مــــا تــولــّـمــت

واي والله ان جــروح صــدري .. عــمــيـــقـــه



أنـشـهـــد انـي .. عـقــب صــدك .. تــألــّـمـــت

لـكـن يـا جـعــْـلــك يــالغـــــلا .. للــحـــريــقـــه



وشـلــون تـقـطـعـنـي .. وانا .. بـحـبـّــك اسـلـمــت

وكـفـرت فـي نــاس ٍ .. بـحــبـي .. غــريـــقـــه



عـقـبــك أهــوجــس فـيــك .. حـتـّـى إلى نــمــت

ياللـّـي لــك بــواحــــة فـــوادي .. حــديــــقــــــه



شـفــنــي .. إلى مــرّيــت بـيـتـك .. تــقـسـّــمــت

قــســم ٍ وقــف .. واخــر يــتـــابــع .. طــريــقــه



وانــاظــره .. واقـــول يـــا لــيــتــنـي .. شــمـــت

ويـبـدا الحــزن .. فــي جـــو صــدري .. بــريــقـــه



وتـمــطــر .. سـحــابــة دمـعـي اللـّـي تــوســّـمــت

وتـنـبــت بـصــدري .. ضــيــقــة ٍ .. مـا أطــيــقــه



الـصــد .. نــــار .. ولــو كــذبــت .. وتـبـسـّـمــت

والـوصــل .. جـنــه .. لــو بـأيــّــة .. طــريــقـــه



عـن حـبـّـك انـت .. وعـنـْـك .. والله مــا صــمـــت

ولــو صـــام دمـّــي .. والله انــّـي .. أريـــقـــــــــــه



حتـى الـشـعــر .. يـبـكـي .. واهـدّيــه بالصــمـــت

واحـيــان .. يـفـضــح لا تــزايـــد .. شــهــيـــقــــــه



تـعــال .. شــوف الـشـــوق .. مـخـنــوق بالسّــمـْــت

يـاللـّــي .. لــو انــّـك حــلـــم .. مــا راح افــيــقـــــــه



أقـســم قـســـم .. بانــّــي على حــبــك .. اقـــســمـــت

وغـيــرك خــيــــــال .. ووحــدك انــتــه .. حـقــيــقـــه

ياللـي تـبـي فـرقـاي ... عـقـب المـواصـل
مـاكـنــك بـشـفــي ... ولا كــنــك مــنـــاي؟؟
((كانـك تبـي فرقـاي ... مـا هــوب حـاصـل
الـعــام خـيَــرتك .. ولا اخـتــرت فـرقــاي...
قــد قـلـت لـــك يـــا تبـتـعـد؟؟ يـــا تـواصــل؟؟
وزعـلـت وارضيـتـك... وشـاركـتـك الـــراي
والحيـن لــو فـارقـت .. ويــش المحـاصـل؟؟؟
غيـر الـحـزن .. والله يسـتـر مــن الـجـاي))
فـي قلـبـي مــن الـوقـت .. اربــع فـواصـل
حلمي , وحظي , وانت,والرابع رضاي...
مــا علـمـت عـيـنـي الـسـهـر والـمـواصـل
لــكـــن تـبـكـيـنـي ولا تــســمــع بـــكـــاي...
((لو صدق ... من يمشي على الدرب ياصل..
مـا كــان خـالـف ذا المـثـل منـهـج حـكـاي))
تعبـت .. وانــا اسـيـر وازريــت لا اصــل
لا ارتحت في يومي .. ولا طـاب ممسـاي..
شفني انـا وشـوف ويـن انـت واصـل؟
تجـرحـني بـفـرقـاااك .. وتـشــح بـدواي..؟
((لا تطـري الفرقـا .. وانـا ابغـي المـواصـل...
وانـت تــدري انك بد خـلـق الله مـنـاي
كانـك تبـي فرقـاي ... ماهـوب حـااااصـل..
الـعـام خيَـرتـك .. ولا اخـتــرت فـرقــاااي...

مالوم قلبي لو جفا الناس واغـلاك
ومالوم عيني لو بكت عند طاريك
أنـت الـذي تاخـذ حياتـي وتـفـداك
لـو الزمـن يطـول مانـي بناسـيـك
افرح اشوفك وانقهر عند فرقـاك
وكل البشر مافيهـم اللـي يساويـك

,

لك وحشة(ن) في خاطري يوم فرقاك
يعلم بها اللى عالمن ما جـرالي
يـاما تمنيتــك وقلـبي تمـناك
يلي مع الايام عشت بخيالي
والله لو حاولت يازين ابنساك
يصعب علي نسيان وقتن مضي لي
يزيد جرحي كل ما حل طرياك
ويسيل دمع العين ياعز غـالي
اكبر مصيبه ياهوي البال فرقاك
حسبي على الايام هي والليالي
احساس شاعر ما كتب غير ذكراك
واهـديت لك قلبي وخذ ما بقـالي
يـازين وقتـي يوم انا كنـت واياك
وياشينها لا صرت جلس الحالي